ۋاكىلدەرمەن سۇحبات   
شينجياڭ مال شارۋاشىلىق رايونىنداعى جول قاتىناسىن كەمەلدەندىرسە
كەلۋقاينارى:جۇڭگو قازاق راديو تورابى     |جاۋاپتى رەداكتور:ايناگۇل|    جاڭالانعان ۋاقىت: 2017-03-12 16:57

 

    ٴوزٴتىلشىمىز اينۇر گىمىڭعازى قىزى حابارلايدى. شينجياڭ مال شارۋاشىلىعىنداعى ٴىرى وڭىرلەردىڭ ٴبىرى .سولتۇستىك شينجياڭدا مالشىلار ٴتورت ماۋسىم كوشىپ قونادى، وڭتۇستىك شينجياڭ مەن شىعىس شينجياڭدا ەكى ماۋسىم ٴجايلىم الماستىرادى. كەزەكتە شينجياڭدا ٴبىر ميلليون 300 مىڭ مالشى بار، بۇل بۇكىل رايونداعى جالپى جان سانىنىڭ %5.4 تىن ۇستايدى. ٴجايلىم اۋماعى 720 ميلليون مۋ، شامامەن 16 ميلليوننان استام مال تۇلىگىنىڭ كوشى-قون جۇمىستارىن ىڭعايلاۋىنا جول قاتىناس جولدارىن جوندەۋ قاجەت. 8 ميلليوننان استام مالشىلاردىڭ ىشەر-اسى، جەم-ٴشوبى، وتىنى مەن باسقادا تۇرمىستىق زاتتىق بۇيىمدارى وسى قاتىناس جولى ارقىلى تاسىمالدانادى.


    تاريحي، جاراتىلىستىق كوپ جاقتىلى سەبەپتەردەن، شينجياڭ مال شارۋاشىلىق رايونىن قۇرۋ تەبىنى ٴالسىز، كوش جولىنىڭ قاتىناس-تاسىمالى شارت-جاعدايى ناشار، بۇل تەك مالشىلاردىڭ قالىپتى مال شارۋاشىلىق وندىرىسنە ىقپال ەتىپ قالماستان، مال شارۋاشىلىق رايونىنىڭ ەكونوميكاسىنىڭ دامۋ قارقىنىن باياۋلاتتى. سونىمەن بىرگە جاقىنعى جىلداردان بەرى مال باعاسىنىڭ كۇرت تومەندەۋى، مال باعىمىنىڭ وزىندىك قۇنىنىڭ جوعارىلاۋى سەبەپتى مالشىلاردىڭ كىرىسى تومەندەپ، باسىلىمدىلىق ارتىپ وتىر.


    مەملەكەتتىك ساياسي كەڭەستىڭ مۇشەسى، شينجياڭ ۇيعۇر اۆتونوميالى رايوندىق ساياسي كەڭەستىڭ ٴتوراعاسىنىڭ ورىنباسارى چىڭ جىنشان


    بۇل جونىندە مەملەكەتتىك ساياسي كەڭەستىڭ مۇشەسى، شينجياڭ ۇيعۇر اۆتونوميالى رايوندىق ساياسي كەڭەستىڭ ٴتوراعاسىنىڭ ورىنباسارى چىڭ جىنشان: مال شارۋاشىلىق رايونىنىڭ جول قۇرىلسى ناشار، ارناۋلى قوسىلىم مەن جولدى قورعاۋ قاراجاتى تاپشى بولعاندىعى سەبەپتى شەكارا رايونداعى مالشىلاردىڭ قالىپتى ٴوندىرىس-تۇرمىسىنا، ولاردىڭ كەدەيلىكتەن قۇتىلدىرىپ، كىرىسىن ارتتىرۋعا جانە شەكارانىڭ اماندىعىنا دا تىكەلەي اسەرىن تيگىزدى، مال شارۋاشىلىق رايونىنىڭ جول-قاتىناس شارت-جاعدايى ناشار بولعاندىقتان، ماشينامەن كوشىرۋ قىزمەتىنىڭ ٴجۇرىلۋ قارقىنى باياۋلاپ، مال شارۋاشىلىق كاسبىنىڭ ٴوندىرىس تاسىلىنە وزگەرىس ەنگىزۋگە اۋىر كەدەرگىلىكتەر جاسادى. قاتىناس تورابىنىڭ كەمەلدەنبەۋى، جايلىمدى قورعاۋدى باقىلاۋ قىزمەتىن دە قيىنداستىردى،-دەدى.


    قىسقا ۋاقىت ىشىندە، مالشىلاردىڭ ٴداستۇرلى كوشى-قون تۇرمىس داعدىسىن وزگەرتۋ ىسكە اسپايدى، شارت-جاعدايدا كەمەلدەنبەدى، وسى تۋراسىندا، مەملەكەتتىك ساياسي كەڭەستىڭ مۇشەسى، شينجياڭ ۇيعۇر اۆتونوميالى رايوندىق ساياسي كەڭەستىڭ ٴتوراعاسىنىڭ ورىنباسارى چىڭ جىنشان ەكى ماجىلىستە مىناداي ۇسىنىس پىكىردى ورتاعا قويدى: شينجياڭ مال شارۋاشىلىق رايونىنداعى كوش جولىن مەملەكەتتىك جول-قاتىناس جالپى جوباسىنا ەنگىزىپ، شينجياڭ مال شارۋاشىلىق قاتىناس-جولىنا ارناۋلى قارجى قورىن قۇرۋ؛ شينجياڭداعى 10 مىڭ شارشى مەتردەن استام باستى كوش جولىن مەملەكەتتىڭ قاتىناس جولىن قورعاۋ باسقارۋ كولەمىنە ەنگىزۋ؛ شينجياڭ مال شارۋاشىلىق رايونىنداعى مال تۇلىكتەرىن ماشينامەن كوشىرۋدى قولداۋ؛ كوشى-قون ماشيناسىن ساتىپ الاتىن جەكەلەر، كاسپورىندار جانە سەلبەستىك ۇيىمداردى شابىتتاندىرىپ، ماشينامەن كوشىرۋ قىزمەتىن وتەۋىن قولداپ، ٴىرى كوش-قون ماشينالارىن ساتۋ الۋعا بەرەتىن مەملەكەتتىڭ تولىقتاما قاراجىن %60 تەن جوعارى كوتەرسە دەيمىز.

    جاۋاپتى رەداكتورى: سەرىك راقىم ۇلى 
    باقىلاۋشى: قاناتبەك جۇماباي ۇلى