حالىق تىلەگى   
حانزۋ قىزىن قاناتىنىڭ استىنا العان قازاق اكە
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-07 17:35


    ءۋالي مۇقاتجان ۇلى


    اراسان اۋدانىنا ات باسىن بۇرىپ جاتساڭىز، قاراپايىمدا قاجىرلى ەڭبەگىمەن جۇرت جۇرەگىن جىلۋلىققا بولەپ، يگى ىستەرىمەن ەلەۋلى ەڭبەكتەر جاراتىپ، بارشا جۇرتتى تەبىرەنىتكەن، ءتۇرت جاسار حانزۋ قىزىن باۋىرىنا باسىپ، اكەلىك مەيىرىن باعىشتاعان، قايىرىمدى اكە، ۇلاعاتتى ۇستاز ىلەسباي ءبىلال ۇلىنىڭ ىزگى ىستەرىن ەمىس-ەمىس ەستىپ تۇراسىز.


    ىلەسباي ءبىلال ۇلى 1993-جىلى شحىزى پەداگوگيكا مەكتەبىن ۇزدىك ناتيجەمەن تاۋسىپ، العاشقى قوعامدىق قىزمەتىن اراسان اۋدان شاعانتۇنگى اۋىلدىق ورتالاۋ مەكتەبىنەن باستايدى، تۋعان جەرى، انا مەكتەبىنە دەگەن تەرەڭ سۇيىسپەنشىلىگىمەن تالاي مارتە قىزمەت الماستىرۋ ورايى بولىپ جاتسادا، بارلىعىنان باس تارتىپ، جالعاستى انا مەكتەبىندە وقىتۋشىلىق قىزمەتىن اتقارادى.


    2012-جىلى قىر كۇيەك ايىنىڭ جاڭا وقۋ ماۋسىمىندا مەكتەپتىڭ دايىندىق كىلاسىنا ءتۇرت جاسار حانزۋ قىزى لي فەي-ىر كەلىپ وقۋعا تۇسەدى، لي فەي-ىردىڭ جۇپىنى كىيىمىنە، جۇتاڭداۋ بەينەسىنە، جابىرقاۋ كوڭىل- كۇيىنە قاراپ ىلەسباي ىشتەي جايسىزدانىپ جۇرەدى. وقۋعا تۇسكەلى جارىم اي عانا بولعان لي فەي-ىر توسىننان نەشەكۇن وقۋعا كەلمەيدى، قاتتى ابىرجىعان ىلەسباي قىزمەتتەن كەيىن جۇبايى نۇرگۇل مەن بىرلىكتە لي فەي-ىردىڭ ۇيىنە ىزدەپ بارىپ، ناقتىلى جاعدايدان حاباردار بولادى.


    لي فەي-ىردىڭ اكەسى ۇزاق جىلدار بويى سالماقتى اۋىرۋعا كىرىپتار بولىپ اۋىر دەنە ەڭبەگىمەن شۇعىلدانۋعا امالسىز ەدى، ال شەشەسى بولسا تالاي جىلدار بويى رۋحاني اۋىرۋعا دۋشار بولىپ جەكە دارا تىرشىلىك ەتۋ مۇمكىندىگى جوق ەدى. ولار توزىعى جەتكەن ءبىربولمەلى جاتاعان ۇيدە تۇرادى ەكەن. تۇرمىس جاعدايى توتەنشە مۇشكىل ەدى.


    ءسابي كوڭىلىنە قاياۋ تۇسكەن لي فەي-ىر ءوزىن ىزدەپ كەلگەن ىلەسباي مەن نۇرگۇلدى كورىپ،جەڭىل دىبىسپەن «مۇعالىم» دەپ شاقىردى دا، ومىرگە دەگەن ومىتسىزدىك بەينەمەن وكسىپ جىلادى، ءسابي جۇرەكتىڭ وسى ءبىرمۇشكىل حالىن كورگەن ىلەسباي مەن نۇرگۇل ءبىر ءسات ۇنسىزدىككە شومدى.


    لي فەي-ىردىڭ ايانىشتى بەينەسىن، مۇشكىل جاعدايىن كورگەن ىلەسباي كوپ تولعانباي لي فەي-ىردى ءوز ۇيىنە الىپ كەتۋ بەكىمىنە كەلىپ، اكە-شەشەسىنىڭ رۇحساتىمەن لي فەي-ىردى ۇيىنە ەرتىپ كەلەدى.


    ۇيگە كەلگەننەن كەيىن لي فەي-ىردى جىلى سۋعا جۋىندىرىپ، ادەمى كىيىمدەردى كيىندىرىپ، ستىق استان تاماقتاندىرادى. ءارى ءتۇرلى وقۋ-وقىتۋ بۇيىمدارىن، ءتۇرلى ويىنشىقتاردى ساتىپ الىپ بەرەدى، بۇل لي فەي-ىر ءۇشىن ايىتقاندا تابىلماس تارتۋ، باعا جەتپەس اسىل ەدى، قۇلازىعان ءسابي جۇرەككە لەزدە كۇلكى ۇيىرىلە باستادى.


    ىلەسباي لي فەي-ىردى قوس ءتىل كىلاسىنا وقۋعا بەردى، لي فەي-ىر وسى ءبىر مەيىرگە تولى سەميا قۇشاعىندا ءوزىن باقىتتى سەزىنە باستادى، ءار ءبىر مەرەكەلىك ساتىندە ىلەسباي لي فەي-ىردى ءوز ۇلىمەن بىرگە ۇزاق ساپارلارعا الىپ ءجۇردى، ءار ءتۇرلى ساياحات ورىندارىنا بارىپ سەرۋەندەدى، لي فەي-ىر ەجەلدەن بۇنداي جاعدايدى كورمەگەن ەدى، بۇل لي فەي-ىر ءۇشىن ايىتقاندا شەتسىزدە شەكسىز قۋانىش، ۇمتىلماس باقىتتى كۇندەر ەدى، وسىلايشا كۇندەر ءوتىپ، ايلار اۋنادى. لي فەي-ىر ىلەسباي مەن نۇرگۇلدى قازاق اكە، قازاق شەشە دەپ اتاۋعا ابدەن ۇيرەندى. ىلەسباي وتباسىدا وعان ليرا دەپ قازاقشا ات قويدى.


    لي فەي-ىردىڭ بەس جاسقا تولعان تۋىلعان كۇنى كەلىپتە ۇلگىردى، لي فەي-ىر ءوز اكە-شەشەسىنەن بولەكشەلەنىپ ىلەسباي وتباسىندا تۇرعالى جىلعا تاياۋ ۋاقىت بولعان ەدى، ىلەسبايدا بۇل ىستەن ىڭعايسىزدانىپ لي فەي-ىردىڭ تۋىلعان كۇن ساتىندە اكە-شەشەسىن ءوز ۇيىنە ۇسىنىس ەتىپ تۋىلعان كۇندى بىرلىكتە تويلاۋعا شاقىردى. لي فەي-ىر ومىرىندەگى تۇڭعىش تۋىلعان كۇنىن اكە-شەشەلەرىمەن بىرلىكتە قۋانىشتى تۇردە وتكىزدى، لي فەي-ىردىڭ اكەسى ىلەسبايدىڭ قولىن قىسىپ ءتۇرىپ: «قىزىمدى سىزدەرگە تاپسىردىم، سىزدەرمەن بىرگە تۇرسا مەن الاڭسىز بولامىن» دەدى. بۇل لي فەي-ىر اكەسىنىڭ اقتىق ءسوزى ەكەنىن ەشكىمدە ويلاپ كورمەگەن ەدى.


    2013-جىلى ماۋسىم ايىنىڭ ءبىر كۇنى ىلەسباي مەكتەپتەگى وقىتۋشلارمەن بىرلىكتە تارتۋ-تارالعى الىپ لي فەي-ىردىڭ اكە-شەشەسىن كورۋگە بارادى. ەسىكتەن كىرىسىمەن لي فەي-ىردىڭ اكەسىنىڭ جەردە ەكبەتتەپ جاتقانىن، شەشەسىنىڭ جانىندا سىلەيىپ وتىرعانىن كورەدى دە ەس تۇسسز جاتقان اكەسىن توسەككە جاتقىزىپ قۇتقارۋ ماشيناسىن شاقىرادى، لي فەي-ىردىڭ اكەسى قۇتقارۋ ءونىم بەرمەي وسىلايشا ماڭگىلىككە كوز جۇمادى.


    لي فەي-ىر ىلەسباي سەمياسىندا جالعاستى باقتتى تۇرمىس كەشىرۋدە. جارىم ايدان كەيىن لي فەي-ىردىڭ ناعاشى اعاسى ل لي فەي-ىر مەن ونىڭ شەشەسىن ءوزى قارايتىنىن ايتىپ ولاردى الىپ كەتپەكشى بولادى، لي فەي-ىر كەتۋگە ۇنامايدى، ىلەسباي زاڭدى كەلىسىم ارقىلى لي فەي-ىر ءوزى جالعاستى قاراۋىن وتىنەدى.


    ءبىراقتا، لي فەي-ىردىڭ ناعاشى اعاسى كەلىسىمگە كەلمەي لي فەي-ىردى اراسان اۋدانى اققوي مال فەرماسىندا تۇراتىن ناعاشى اتاسى مەن ناعاشى اپاسىنا اپارىپ تاپسىرادى. ىلەسبايعا ابدەن باۋىر باسقان ءسابي جۇرەك ىلەسبايعا بولعان ساعىنشىن ايتىپ تۇرۋعا ۇنامايدى، وسىلايشا ىلەسباي مەن لي فەي-ىردىڭ اكەلى بالالى ماحابباتى ولاردى قايتا قاۋىشۋىنا ءناسىپ ەتەدى.


    لي فەي-ىر جالعاستى اكە-شەشە مەيىرىنەن سۋسىنداپ ءومىر جولىن ىلەسباي وتباسىندا باقتتى وتكىزۋدە.


    ىلەسباي وتباسىنىڭ يگى ىسىنە ۇزاقتان كۋا بولىپ كەلگەن كورشى-قولاڭدارى، ونىڭ ادامگەرشىلىك اسىل قاسيەتىن، باۋىرمالدىعىن، ءتىپتى وزگە ۇلتقا دەگەن جان جومارتتعىن، كوڭىل كوپەستىگىن ەكى ەتپەي ايتىپ، ازاماتتىق تۇلعاسى بولەك ىلەسبايدىڭ ۇلگى ىستەرىنەن اقتارىلا سىر شەرتەدى.


    سان بيىكتى باعىندىرىپ، سان كومبەنىڭ ماڭدايى بولىپ، داڭق تورىنەن كورىنىپ جۇرگەن ىلەسباي ءبىلال ۇلى بۇگىندە ءوز كاسىبىندە مايتالمان مەكتەپ وقىتۋشىسى، بايسالدى مەكتەپ باسشىسى اتانسا، وبىلىس اۋدان كولەمىندە، ۇلتتار ىنتىماعىنىڭ، ءمورالدىڭ جارقىن ۇلگىسىنە اينالىپ ۇلگىردى، 2016-جىلى ول بۇراتالا وبلىسى ءتۇرتىنشى كەزەكتى ۇلتتار ىنتىماعىنىڭ ۇلگىسى بولىپ باعالاندى.


    ارينە جاراسىمدى قوعام ءۇشىن، جۇڭگونىڭ اسىل ارمانى ءۇشىن ءاربىر ازامات قۇلشىنۋى، ۇلەس قوسۋعا مىندەتتى، رايونىمىزداعى ۇلتتار ىنتىماعىن كوز قاراشىعىنداي قورعاۋ سىندى ۇلى ىسكە ىلەسبايدا وسىلايشا شەكاراسىز جومارتتىعىمەن، مول مەيىرىمەن پەيىلىن جەتكىزدى، تۇسىنەر كىسگە بۇلدا ءبىر ۇلگى مەنەن ونەگەنىڭ مەكتەبى، باباسىنىڭ ورلىگىن، دالاسىنىڭ كەڭدىگىن، اناسىنىڭ مەيىرىن، ەلىنىڭ پەيىلىن ۇزىننان سىمىرىپ ۇلگى ۇستانىپ وسكەن ىلەسباي وسىلايشا ءوز ۇلتىنىڭ ۇلى قاسيەتتەرىن ءوز بويىنان ورگىزىپ، اينالاسىنا ۇلگى شاشتى، تۋىسقان ۇلتتار ىلەسبايدىڭ تۇلعاسىنان، ازاماتتىعىنان ماحاببات مەيىردى، كىرشىكسىز پەيىلدى، داڭسالى دارقاندىقتى، شەكاراسىز سۇيىسپەنشىلىكتى كورىپ قانا ءتۇيىپ قانا قويعان جوق، ءبىر ۇلتتىڭ بولمىس ءبىتىمىن، مەرەكەمەن بەرەكە ءۇشىن جاسايتىن اسىلدىعىن اڭعارعانداي.


    ىلەسبايداي تالعامى مەن تالپىنىسى بىيىك، تابىستى دا نامىستى ازاماتتىڭ قاتارى كوبەيە بەرگەي.



اراسان اۋدان راديو- تەلەۆيزيا ستانسىياسى