حالىق تىلەگى   
ورنىقتى دا اۋقاتتى بەرەكەلى، زاماننىڭ ايەل زاتى دانەكەرى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-07 17:47


    ومىربەك وزاتبەك ۇلى 

    سارى ايازدىڭ بەتى ءسال قايتقانداي بولعانىمەن، اردا التايدىڭ ءبىز تىرشىلىك ەتىپ جاتقان اۋىلدارىنداعى قىستىڭ تاڭى ءالى دە اق سۇڭگىگە كومكەرىلىپ، شەبەر قولدىڭ كۇمىستەگەن اشەكەيىندەي كوزدىڭ جاۋىن الاتىن ادەمى تۇسكە ەنىپ اتاتىن-دى.


    كوكتوعاي اۋدانىنىڭ 118 كيلومەتر قيىس وڭتۇستىگىندە، ۇلىڭگىر وزەنىنىڭ بويىنا ورنالاسقان تۇرعىن اۋىلىنىڭ ۇياباي قىستاعى جالپى 161 ءتۇتىن، 610 جان سانى بار كوشپەندى شارۋاشىلىقتى نەگىز، ەكپەشىلىكتى قوسىمشا ەتەتىن مالشىلىق قىستاق ەدى.


    كۇمىس بەينەلى ناۋىرىز تاڭىن اسا ءبىر دابىرالى كۇيمەن قارسى الىپ، اق سۇڭگىگە ورانعان ۇياباي اتىرابى اق جاۋلىقتى انالار مەن اق سامايلى اجەلەردى كيە تۇتقانداي سۇڭگى ورانىپ شاعي تۇسكە ەنگەنى تەگىن ەمەس-تۇعىن.


    3-ناۋرىز كۇنى ەرتەمەن-اق ۇياباي قىستاعى تۇرعىندار كوميتەتى ايىرىقشا دايىندىقپەن جىلىنا ءبىر كەلەتىن «8-ناۋرىز» انالار مەرەكەسىن قارسى الۋ قيمىلىن جاڭاشا تۇسپەن، كەمەلدى جوبامەن مارەلى وتكىزبەككە ابىگەرلەنىپ جاتتى.


    قيمىلدىڭ بەلگىلەنگەن ءتۇرلى كۇن تارتىپتەرى بويىنشا، قىستاق تۇرعىندارى جينالعان شارشى الاڭدا ۋاقىتتىق ساحىنا جاسالىپ،« ورنىقتى دا اۋقاتتى بەرەكەلى، زاماننىڭ ايەل زاتى دانەكەرى» اتتى قيمىل تاقىرىبىن كوتەرگەن كەرمە تۋ ءىلىنىپ، ايازدىڭ سۋىق ىزعارىن لەبى ىستىق مەرەكەلىك ءتۇس بىردەن جادىراتىپ اكەتتى.


    ەڭ اۋەلى، جارتى الەمنىڭ جارىق جۇلدىزىنا باعالاناتىن انالار قاۋىمى دەنىن ۇستاعان ۇيىمدىق توپتى رەتتى ساپقا تۇرعىزىپ بولعاسىن، مەملەكەت گيمىنى ورىندالىپ، بەس جۇلدىزدى نارت قىزىل تۋ باياۋ سىرعىپ كوككە كوتەرىلدى. نارت قىزىل تۋ استىندا وركەنيەتى وزەكتى، مادەنيەتى مايەكتى، باياشات قىستاق تۇرعىندارى مەرەكەنىڭ كەلەسى قيمىل كەزەگىنە ۇلاستى.


    اتالعان قيمىلدا كوكتوعاي اۋدانى تۇرعىن اۋىلدىق ساياسي كەڭەس كەڭسە مەڭگەرۋشىسى، قىستاقتى كوتەرەگە الۋشى باسشى جارقىن توقتاۋ ۇلى باستالۋ ءسوزىن سويلەپ، «8-ناۋرىز» انالار مەرەكەسىنە اۋىلدىق پارتكوم، ۇكىمەت اتىنان قۇتتىقتاۋ لەبىزىن ءبىلدىردى. شاتىرلاعان شاپالاق ىشىندە اسەم اۋەن، ادەمى بيگە كەزەك بەرىلىپ، قىستاق بالالار باقشاسىنداعى بالدىرعاندار توپتىق ءبي دايىنداپ، بال قىلىقتارىمەن بارلىق جاندى ءتانتى ەتىپ، انالار مەرەكەسىنىڭ قيمىل مارەسىن تىپتەن اسپانداتتى.


    قيمىلدا، شاعىن كولەمدى اقىندار ايتىسى ۇيىمداستىرىلىپ، اۋىزىنان وت بۇرىككەن اقىنداردىڭ ۇتقىر ءتىل، ۇنامدى ۇيقاستارىنا قۇرىلعان ءتۇرلى ىزگى ساياساتتىق ۇگىتتەۋلەر تىڭداۋشىنىڭ قۇلاعىنا بىردەن قۇيىلىپ، كوكەيلەرىنە قونىپ جاتتى. وسىنداي ۇگىت فورماسى اقجارقىن اۋىل ادامدارىنا قۇبا- قۇپ كەلەتىنىن ەرتە سەزگەن كوكتوعاي اۋداندىق حايۋاناتتار تازالىعىن باقىلاپ-باسقارۋ بولىمشەسىنىڭ ياچەيكا سەكىراتارى نۇرلان ءشاري ۇلى كۇن ىلگەرى قاتىستى ادامداردىڭ تانىستىرۋىندا، اۋىل اراسىنداعى ونەرپاز، اقىنداردى ۇيىمداستىرىپ، ولارعا قازىرگى كەزدەگى ءجۇرىلىپ جاتقان حالىققا ءتيىمدى زاڭ-ساياساتتان ساباق بەرە وتىرىپ، ولاردى حالىقتىڭ تىلىمەن ايتىس فورماسىندا حالىققا جەتكىزۋ جاعىندا ۇندەپ، از بولماعان جۇمىستار جاساعان ەدى. مىنە بۇگىن سول ەڭبەكتىڭ ەلەۋلى جەمىسى جۇرت الدىندا ءبىر قىرىنان كورىنپ جاتتى.


    قيمىلدىڭ كەزەگىندە، اۋىل اراسىندا تيىپتىك ۇلگى بولىپ ءوز الدىنا كاسىپ جاراتىپ، ‹يگىلىك تىكتەگەن» جەلەكتىلەردى ماراپاتتاۋ، سولاردان ۇيرەنۋ، سونداي-اق، وتباسىنىڭ ماقتانىشى، اۋىلدىڭ ۇلگى تۇتارى بولعان «ۇلگىلى كەلىن» تالداۋ قيمىلى ىركەس-تىركەس ءوتىپ جاتتى.


    قىستاق كوميتەتىنىڭ دەمەۋىندە «مەيىربان انالار» قور ۇيىمى وسى قيمىل ورايىنان پايدالانىپ 1500 يۋان جىلۋ جيناپ، تۇرمىسىندا ەرەكشە قيىنشىلىعى بار2 سەمياعا مەيىر باعىشتادى.


    جەلەكتىلەردى جانەدە ءبىر قىرىنان تانىتاتىنى ونەرلى قولدان پىسىپ شىققان ءدامدى اس-سۋ ەكەنى بارىمىزگە ايان. وسى ءبىر اس-سۋ دايىنداۋ تەحنيكاسىن ورتاعا سالىپ، ءوزارا ۇيرەنۋ ورايىنا يە ەتەتىن وسى تۇردەن دە ءبىر مايدان باسەكە ءوتىپ، اۋىل جەلەكتىلەرى بار ونەرلەرىن سالدى.


    جاستار جاعى ءوزارا ۇيىمداسىپ «دوستىق ءبىرىنشى، جارىس ەكىنشى» تاقىرىبىندا قيمىلعا كورىك بەرۋ ماقساتىمەن شاعىن قۇنان بايگە سالىپ، كورەرمەندەرىنە كوڭىلدى بايگەدەن كوپ قىزىق سىيلادى.


    قيمىل سوڭىن الا ارقان تارتۋ قيمىلى الىپ بارىلىپ، كۇش-بىرلىكتە، باياشات تۇرمىس-ىنتىماق پەن بەرەكەدە دەيتىن تاماشا ۇعىمدى ايعاقتادى.


    سوڭىندا ۇياباي قىستاعى تۇرعىندار كوميتەتىنىڭ مەڭگەرۋشىسى سالەن جولداس قيمىلدىڭ جابىلۋ ءسوزىن سويلەپ، ماراپاتتالعان جەلەكتىلەرگە قۇتتىقتاۋ ايتا كەلىپ، وتان وتباسىنان باستالادى، جاراسىمدىلىقتىڭ كىلتى انالاردىڭ الاقانىندا، كەلە جاتقان مەرەكەلەرىڭىز مەرەيلى، وتباسىلارىڭىز وردا بولسىن دەگەن ىزگى تىلەگىمەن قيمىلدىڭ اياقتاعانىن جاريالادى. قيمىلعا قاتىناسقان بارلىق انالار قاۋىمى مەرەكە مەرەيىنە بولەنىپ قايتتى.


التاي ايماعى كوكتوعاي اۋدانى مال شارۋاشىلىق مال دارىگەرلىك مەكەمەسى