حالىق تىلەگى   
تورعايتى قالاشىعىندا تويلانعان حالىقارالىق ەڭبەكشى ايەلدەر مەرەكەسى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-07 19:01

 


    اداق شايمۇرات ۇلى حابارلايدى. كۇلىمدەگەن كوكتەم لەبى ەسىپ، جان- جانۋار جادىراعان، قوزى-لاق جامىراعان ناۋرىز ايىنىڭ باستاپقى كۇندەرىندە قۇتىبي اۋدانى تورعايتى قالاشىق شيگۋ قىستاعى كاسپتەندىرۋ باقشا قۇرىلسىنىڭ ىشىندە كۇمبىرلى كۇي، اسەم ءان قالىقتاپ، قىستاق جەلەكتىلەرى وسى جەرگە جينالىپ، ايەلدەر مەرەكەسىن شات- شادىمان تويلاپ جاتتى. اتالعان مەرەكەنى قىستاق ەكى القاسى سانجى وبلستىق پارتيا مەكتەبىنەن «حالىق جاعدايىن ۇعىسۋ، حالىق تۇرمىسنا تيمدىلىك جاساۋ، حالىق تىلەگىن توعىستىرۋ» قيمىلىندا 4-كەزەكتە وس قىستاققا تۇسكەن قىزمەت اترەتىندەگى كادرلارمەن سايكەسىپ، مەركەدەن ەكى كۇن بۇرىن «8- ناۋرىز حالىقارالىق ەڭبەكشى ايەلدەر مەرەكەسىن» تويلادى.


    بۇل قىستاق وسىزامانعى وزىق مادەنيەتتى جەتەكشى ەتە وتىرىپ، وتاننىڭ تۇتاستىعىن قورعاپ، ۇلتتار ىنتىماعى ۇلى تۋىن بيىك كوتەرىپ، ۇشقارلىقتى الاستاپ، قوعام ورنىقتىلىعىن ساقتاپ، بەرەكە - بىرلىكتى، جۇڭگو ارمانىن جىرلاۋ نەگىزىندە ءان- كۇي، كومەديا، سياقتى تارتىمدى كونسەرت نومىرلەرىن كورسەتىپ، مەرەكەنىڭ مەرەيىن، شات زاماننىڭ شاتتىعىن سيلاپ، ايەلدەر مەرەكەسىن قىزۋ مەرەيمەن قارسى الدى.

   بۇل قيمىلدىڭ تاعى ءبىر ەرەكشەلىگى سانجى وبلستىق پارتيا مەكتەبىنىڭ وقىتۋشسى، وسى قىستاققا تۇسكەن قىزمەت اترەتىنىڭ باستىعى احىمەت اسەيىن ۇلى جالپى قىستاق جەلەكتىلەرىنە ۇلتتار ىنتىماعىن قورعاپ، ۇشقارلىققا قارسى تۇرۋ، ءداۋىر كەزەڭىندەگى ايەلدەردىڭ رولى جانە جارامدى ۇرپاق تاربيەلەۋ جونىندە تارتمدى لەكسيا سويلەپ، ايەل قاۋمنىڭ قولداۋنا يە بولدى. قيمىل سوڭىندا ۇلتتىق كيىم ولگىلەرى جانە ايەلدەردىڭ ءوز قولدارمەن تىككەن تۇرلى قول ونەر بۇيىمدارى باعالانىپ، ءۇش دارەجە بوينشا سيلاندى.


قۇتىبي اۋدانى تورعايتى قالاشىعى