حالىق تىلەگى   
مەيىرگە تولى جۇرەگى، ۇرپاق بوپ ماڭگى تىلەگى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-09 17:43

 

    ادىلەت داۋلەتباي ۇلى راپىق راشىت ۇلى حابارلايدى. ۇلى ليريىك اقىن تۇمانباي مولداعالي ”:مىنا ومىردەن ايەلدەر ەرتەڭ جوعالادى دەسە، مەن ونى توسپايمىن، بۇگىن كەتەم -،“ دەگەن ەكەن قانداي تاۋىپ ايتقان.....


    دەگەندەي سول اينالاعا ادەمىلىك، سەمياعا سۇلۋلىق باعىشتاعان الەمنىڭ ادەمى قىزدارىنا اق جۇرەگىممەن ۇزاق عۇمىر، تايماس باقىت، ورتايماس داۋلەت، جاراسىمدى سۇلۋلىق، تىنىش ءومىر تىلەيمىن !


    كۇمىس بەينەلى ناۋرىز تاڭىن اسا ءبىر دابىرالى كۇيمەن قارسالىپ، اق سۇڭگىگە ورانعان اعايازدىڭ اتىرابى اق جاۋلىقتى انالارمەن اق سامايلى اجەلەردى كيە تۇتقانداي شاعي تۇسكە ەنگەنى تەگىن ەمەس - تۇعىن.


    7-ناۋرىز كۇنى ەرتەمەن - اق مۇڭعۇلكۇرە اۋدانى قاراسۋ قالاشىعى اقساي قىستاعى تۇرعىندار كوميتەتى ايىرىقشا دايىندىقپەن جىلىنا ءبىر كەلەتىن ” 8 - ناۋرىز حالىقارالىق ەڭبەكشى ايەلدەر “ مەرەكەسىن قارسى الۋ قيمىلىن جاڭاشا تۇسپەن، كەمەلدى جوبامەن مارەلى وتكىزدى.


    قيمىلدىڭ بەلگىلەنگەن ءتۇرلى كۇن تارتىپتەرى بويىنشا، قىستاق تۇرعىندارى جينالعان شارشى الاڭدا ايازدىڭ سۋىق ىزعارىن، لەبى ىستىق مەرەكەلىك ءتۇس بىردەن جادىراتىپ اكەتتى. ەڭ اۋەلى، جارتى الەمنىڭ جارىق جۇلدىزىنا باعالاناتىن انالار قاۋىمى دەنىن ۇستاعان ۇيىمدىق توپتى رەتتى ساپقا تۇرعىزىپ بولعاسىن، مەملەكەت ءانى ورىندالىپ، بەس جۇلدىزدى نارت قىزىل تۋ باياۋ سىرعىپ كوككە كوتەرىلدى. قىزىل تۋ استىندا وركەنيەتى وزەكتى، مادەنيەتى مايەكتى، باياشات قىستاق تۇرعىندارى مەرەكەنىڭ كەلەسى قيمىل كەزەگىنە ۇلاستى. اتالعان قيمىلدا قاراسۋ قالاشىعىنىڭ ورىنباسار قالاشىق باستىعى اينۇر ابىلماجىن قىزى باستالۋ ءسوزىن سويلەپ - 8 ” ناۋرىز حالىقارالىق ەڭبەكشى ايەلدەر “ مەرەكەسىنە قالاشىق پارتكوم، ۇكىمەت اتىنان قۇتتىقتاۋ لەبىزىن ءبىلدىردى. سوڭىنان ىلە قازاق اۆتونوميالى وبلسىنىڭ ارىز - شاعىم مەكەمەسىنىڭ تومەنگە تۇسكەن كادىر، اقساي قىستاعىنىڭ قىزمەت گرۋپپاسىنىڭ جاۋاپتىسى شوكىرات جولداس قۇتتىقتاۋ ءسوزىن جەتكىزدى. شاتىرلاعان شاپالاق ىشىندە اسەم اۋەن، ادەمى بيگە كەزەك بەرىلىپ، تالپىنعان تالانىتتى جاستار بارلىق جاندى ءتانتى ەتىپ، انالار مەرەكەسىنىڭ قيمىل مارەسىن تىپتەن اسپانداتتى.


    قيمىلدا، شاعىن كولەمدى اقىندار ايتىسى ۇيىمداستىرىلىپ، اۋىزىنان وت بۇرىككەن، كوكەيىنەن وي تۋعىزعان اقىنداردىڭ ۇتقىرءتىل، ۇنامدى ۇيقاستارىنا قۇرىلعان ءتۇرلى ىزگى ساياساتتىق ۇگىتتەۋلەر تىڭداۋشىنىڭ قۇلاعىنا بىردەن قۇيىلىپ، كوكەيلەرىنە قونىپ، ءبىر قىرىنان كورىنپ جاتتى.


    قيمىلدىڭ كەزەگىندە،” ۇلگىلى قىزىل تۋشى انالار “ اۋىل اراسىندا تيىپتىك ۇزدىك بولىپ ءوز الدىنا كاسىپ جاراتىپ،” يگىلىك تىكتەگەن“ جەلەكتىلەردى ماراپاتتاۋ، سولاردان ۇيرەنۋ، سونداي - اق، وتباسىنىڭ ماقتانشى، اۋىلدىڭ ۇلگى تۇتارى بولعان” يبالى كەلىن“ تالداۋ قيمىلى ىركەس - تىركەس ءوتىپ جاتتى. قيمىل سوڭى كۇش - بىرلكتە، باياشات تۇرمىس - ىنتىماق پەن بەرەكەدە دەيتىن تاماشا ۇعىمدى ايعاقتادى.


    سوڭىندا، اقساي قىستاعىنىڭ پارتيا ياچەيكا شۋجيى ەرسىنبەك مادىباي ۇلى قيمىلدىڭ جابىلۋ ءسوزىن سويلەپ، ماراپاتتالعان جەلەكتىلەرگە قۇتتىقتاۋ ايتا كەلىپ، وتان وتباسىنان باستالادى، جاراسىمدىلىقتىڭ كىلتى انالاردىڭ الاقانىندا، كەلەگەن مەرەكەلەرىڭىز مەرەيلى، وتباسىلارىڭىز وردا بولسىن دەگەن ىزگى تىلەگمەن قيمىلدىڭ اياقتاعانىن جاريالادى.


    قيمىلعا قاتىناسقان بارلىق ايەلدەر قاۋىمى مەرەكە مەرەيىنە بولەنىپ قايتتى.


    وسى ساتتە، حالىقارالىق 107 - رەتكى مەرەكەلەرىڭىزدىڭ شاتتىعىندا مەنىڭدە انالارىما، الەمنىڭ جارىق جۇلدىزدارىنىڭ قۇرمەتىنە، اق - تىلەگىمدى ءبىلدىردىم.


    قىستىڭ كەتىپ ىزعارى، 
    سۋدىڭ ەرىپ مۇزدارى . 
    قۇتتى بولسىن مەرەكەڭ، 
    الەمنىڭ اسىل قىزدارى .


موڭعۇلكۇرە اۋدانى قاراسۋ قالاشىعى پارتكوم ۇگىت كەڭسەسى