حالىق تىلەگى   
اۋىل جاسى يگەرىڭىز قوس ءتىلدى، تولىقتاڭىز بىلىممەننەن بوس كۇندى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-09 19:56

 

   قۋانگۇل شايمۇرات قىزى

     انا ءتىلىڭ ارىڭ بۇل، 
    ۇياتىڭ بوپ تۇر بەتتە. 
    وزگە ءتىلدىڭ ءبارىن ءبىل 
    ءوز ءتىلىڭدى قۇرمەتتە!!! – اقىن قادىر اتانىڭ وسى ولەڭى ءار ءبىر انا ءتىلىن سۇيەتىن قازاق بالاسىنىڭ جۇرەگىنە ساقتالۋلى، جاتتاۋلى مۇمكىن. ال بۇگىنگى ايتار اڭگىمەدە وسى ءتىل جايىندا بولعالى وتىر. الىپ جۇڭحۋا توپىراعىندا 56 ۇلت جاساپ جاتىر، وسى 56 ۇلتتىڭ مەملەكەتتىك ورتاق ءتىلى حانزۋ ءتىلى. ناقتىلاپ ايتاساق ەلۋ التى ۇلتتىق ءبىر ۋىعىن شانشىپ وتىرعان جۇڭگوداعى قازاق ۇلتىنادا حانزۋ ءتىلىن ءبىلۋ، يگەرۋ تەحنيكانىڭ تەتىگىن يگەرۋگە، ساۋدا بارىس-كەلسىن جاساۋدا كەم بولسا بولمايتىن قۇرالدىڭ ءبىرى بولىپ قالدى. بۇل ارادا جۇڭگوداعى قازاق ۇلتىن حانزۋشادان كەنجە قالدى دەۋدەن اۋلاقپىن. دەسەدە مالشىلارىمىزدىڭ اراسىندا كەيبىر سەبەپتەردەن جوعارىلاپ ءبىلىم الۋ ورايى بولماي حانزۋ ءتىلىن تولىق يگەرە الماي باستاۋىشتىق ساۋاتتا، اۋەلدەسەڭىز، سالەمنەن ارى اسا المايتىن حالگە ءتۇسىپ قالعان قانداستارىمىزدا از ەمەس. ال وسى تۋرالى قالام تەربەۋىمە مەنىڭ قىزمەتىم سەبەپ بولدى.

    ۇستەگى جىلى قاراماعاي قالاشىق اقارال قىستاعىنا تۇسكەن قىزمەت اترەتىمەن بىرگە قىستاققا ءتۇستىم. ءبىرىنشى كۇننەن باستاپ، قىستاق ەكى القا باسشى القالارمەن تىعىز ىنتىماقتاسىپ وتىرىپ، قىستاقتاعى پارتيا مۇشەسى، قىستاق تۇرعىندارى بولىپ 30 دان استام بەلسەندى جاستاردى ۇيىمداستىرىپ، «ۇلتتار ىنتىماعىن جىرلاۋ» ماقساتىنداعى قوس ءتىل ۇيرەنۋ كۋرسىن الىپ بارۋ بولدى.

    قىستاق قىزمەت اترەتىنىڭ مۇشەسى بولعان مەن قوس تىلدەن ساباق بەرۋگە جاۋاپتى بولدىم. قىزمەتىمدى الدىمەن وسى قىستاقتاعى كەڭەسۋدەن باستادىم، سەبەبى قىستاق تۇرعىندارىنىڭ قوس تىلگە دەگەن قىزعىندىلىعىن جانە حانزۋ ءتىلى ساۋياسىىنىڭ دەڭگەيىن ءبىلۋ ءۇشىن بولاتىن-دى.


    مالشىلارعا ساۋال تاستادىم. 


    -حانزۋ ءتىلىن ۇيرەنۋگە قالاي قالايسىزدار؟

    جۇرت جان-جاقتان شۋلاپ كەتتى. بىرەۋ ايتادى، تراكتورىم بۇزىلسا، سونى جوندەتە الماي قاتتى قينالدىم، ايتەۋ بۇزىلعان جەرىن «جىگى»، «ناگى» دەپ جۇرىپ ازەر تۇزەتتىردىم، ءتىل بىلمەۋ قورلىق ەكەن... تاعى بىرەۋ ايتادى، بالالارىم تاپسىرما ورىندايتىن كەزدە مەننەن سۇراسا دەپ جاۋاپ بەرەرىمدى بىلمەي داعداردىم، بىرەۋ ايتادى، جاڭا ءشوپ تايلايتىن تراكتور الايىن دەسەم اتىن نەدەپ ايتارىمدى بىلمەي قينالدىم... قويشى ايتەۋ، قايسسىن ءتىزىپ وتىرايىن. ءۇنسىز قاتيراما ءتۇسىرىپ الدىم بارلىعىن. سوسىن ولارعا ناۋرىزدىڭ 1-كۇننەن باستاپ قوس تىلدە ساباق بەرەتىنىمدى ايتتىم. وزدەرى دە ۇيرەنۋگە قۇندىلى ەكەن، قۋانعان الپەتتەرى جۇزدەرىنەن شىعىپ تۇردى.

    جاتاققا قايتىپ كەلگەن سوڭ، قىستاقتاعى مالشىلاردىڭ حانزۋ تىلىنەن قينالعانداعى بەينەلەرى كوز الدىما كەلىپ، كوزىمە جاس الدىم.

    اۋەلى نەدەن باستاۋ كەرەك، قالاي ۇيرەتۋ قاجەت دەگەن ويلارمەن جوسپارىمدى قۇرا باستادىم. قىستاق تۇرعىندارىنىڭ حانزۋ ءتىلى قابىلەتى ءار كەلكى بولعان سوڭ ساباعىمنىڭ باسىن الپپەلىك ساۋاتتان باستاۋدان ءجون كوردىم.


    وسىلايشا ساباعىمدى دا باستاپ كەتتىم. كۋرس ۋاقىتىن تولىق ءبىر جىل دەپ بەلگىلەدىم، ءار اپتانىڭ دۇيسەنبى، سارسەنبى كۇندەرى ءتورت ساعات ۋاقىتپەن تولىق وتەتىن بولىپ ۋادە بەردىم، ساباق بارىسىندا قىستاقتاعىلاردىڭ قوس ءتىل ۇيرەنۋگە دەگەن قىزعىندىلىعىن جوعارلاتىپ، پارتيانى، وتاندى جىرلاۋ، ۇلتتار ىنتىماعىن جىرلاۋ، سىندى ساياسي جاقتا ۇيرەنۋ ورەسىن جوعارلاتۋعادا ءمان بەردىم. كۇننە ءبىر سويلەم ءبىلۋ، جاتتاۋ، تاپسىرما بەرۋ، ەمتيقان الۋ سىندى قىزمەت جوسپارىن جۇيەلى ورنالاستىرىپ قىستاقتاعى بەلسەندى جاستاردى قوس ءتىل قابىلەتىن جوعارلاۋعا كۇش سالدىم.


    ش ۇ ا ر پارتكوم مەن حالىق ۇكىمەتى ءار ۇلت حالقىنىڭ ءبىر-ءبىرىنىڭ ءتىل جازۋىن ءوزارا ۇيرەنۋىنە باسا نازار اۋدارىپ كەلەدى. ش ۇ ا ر پارتكوم مەن حالىق ۇكىمەتى تۇتاس شينجياڭداعى كادرلار مەن بۇقاراعا ءار ۇلت حالقىنىڭ ءبىر-ءبىرىنىڭ ءتىل جازۋىن ءوزارا ۇيرەنۋىن نىعايتۋعا ۇندەۋ جاريالاپ، ءارى باسشىلىق قۇرىلىمىن ۇيىمداستىرىپ، پارمەندى شارالار قولدانىپ، ءار ۇلت كادىر-بۇقارالارىنىڭ ءبىر –ءبىرىنىڭ ءتىل –جازۋىن ءوزارا ۇيرەنۋ قىزمەتىن نىعايتتى. مەندە ۇيىمعا ءبىر كىسلىك ۇلەسىمدى قوسۋ ماقساتىممەن مالشى -ەگىنشى قاۋىمعا حانزۋ ءتىلى دەگەن –مەملەكەتتە ءبىر تۇتاس قولدانىلاتىن ءتىل، ۇلتتار ارا قارىم –قاتىناس جاسايتىن ورتاق ءتىل، عىلىم –مادەنيەت بلىمدەرىن تاراتۋدىڭ ماڭىزدى تاسىمالداۋشىسى، سونداي-اق ەڭ ماڭىزدى قۇرالى؛ از ۇلت ءتىلى –از ۇلتتاردىڭ يدەيالىق اۋىس –ءتۇيىس جاسايتىن جانە سۇيسپەنشىلىك ورناتاتىن قۇرالى ەكەنىن تۇسىندىردىم. مالشى ەگىنشى قاۋىمنىڭ ساپاسىن جەتىلدىرۋ تاربيەسى، ءوندىرىس ىسكەرلىگى تاربيەسى، ءارى وسى قوعامداعى ەكونوميكا، عىلىم –تەحىنيكا، جاڭا بىلىمدەردى ەداۋىر تەز يگەرۋدە رولى زور ەكەنىن دىتتەدىم.

    ساباعىمدا كۇن ءتارتىبىم بويىنشا جالعاسىپ جاتىر، «وقۋشىلارىم» دا بەلسەندى. سانالى ادام بالاسى بولعان سوڭ انا ءتىلىمىزدىڭ قادىرىن بىلەتىنىمىز انىق، سوسىندا وزگە ءتىلدى ۇيرەنىپ، قۇلاشىمىزدى كەڭ سەرمەپ، ءورىسمىزدى اشۋعا قۇلشىنايىق اۋىل جاستارى.