حالىق تىلەگى   
تاپسىرمانى ەستە بەرىك ساقتاپ، بورىشتى ارقالايمىز
كەلۋقاينارى:     |جاۋاپتى رەداكتور:|    جاڭالانعان ۋاقىت: 2017-03-13 14:54

 

    مەملەكەتتىك حالىق قۇرىلتايىنىڭ اۆتونوميالى رايونىمىزداعى ۋاكىلدەرى مەن مەملەكەتتىك ساياسي كەڭەستىڭ شينجياڭداعى مۇشەلەرى باس شۋجي شي جينپيڭنىڭ شيجياڭ ۋاكىلدەر ۇيىرمەسىندە سويلەگەن ماڭىزدى ءسوزىنىڭ رۋحىن قىزۋ تالقىلادى.

 

ۋاكىل ياڭ چين (سانجى حۇيزۋ اۆتونوميالى وبلىسى ماناس يشين جەمىس-جيدەك كاسىپتىك سەلبەستىك كووپەراتيۆىنىڭ القا باستى) : بىلەكتى سىبانىپ قايراتتانا ىستەيمىز

 

باس شۋجي شي جينپيڭمەن بەتپە-بەت كەزدەسىپ، مەملەكەت ىستەرىن تالقىلاعانىما قاتتى اسەرلەندىم، ەرەكشە جەلپىندىم. باس شۋجي ءماجىلىس زالىنا كىرىپ، ءبىر-بىردەن قول الىسىپ امانداسقاندا سونشالىقتى جاقىن سەزىندىك. تالقى كەزىندە باس شۋجي كوپشىلىكتىڭ لەبىزىن تىڭداپ، ماڭىزدى ءسوز سويلەپ، شينجياڭ قىزمەتى جونىنەن ماڭىزدى نۇسقاۋ بەردى، مەن بىردە-بىرەۋىن قالدىرماي، مۇقيات ەستەلىككە الىپ وتىردىم.

 

باس شۋجي شي جينپيڭ سوزىندە «ەرەكشە ابزال كاسىپ سالاسىن باۋلۋ، الۋەتتەندىرۋ كەرەك» دەپ باسا دارىپتەدى، مەن مۇنان ەرەكشە تەرەڭ اسەر الدىم. شينجياڭنىڭ اۋىل شارۋاشىلىعى ونىمدەرى، وتە-موتە، قاۋىن-قاربىز، جەمىس-جيدەكتەرى ساپالى، ايگىلى بولعانىمەن ايتارلىقتاي دامىتىلعان تانىمالى ماركالار كوپ ەمەس. مەنىڭ جەمىس-جيدەك سەلبەستىك كووپەراتيۆم دامۋدىڭ العاشقى كەزەڭىندە تالاي قيىنشىلىقتارعا كەز بولدى، سەلبەستىكتىڭ بۇگىنگىدەي كۇنگە جەتۋى اۋىل شارۋاشىلىعىن وسىزامانداندىرا دامىتۋعا تىعىز ارقا سۇيەپ، ءتۇرلى جەمىس-جيدەك ونىمدەرىن تۇرلەرگە ءبولىپ تەكسەرىپ، ولاردىڭ ەرەكشەلىگى مەن باسىمدىلىعىن سارالاپ، تۇتىنۋ بازارىنىڭ ەرەكشەلىكتەرىنە تالداۋ جۇرگىزىپ، قاجەت ەتۋ مولشەرى ەڭ زور بولعان وڭىرلەرگە باعىتتامالى تۇردە ساۋدالادىڭ ارقاسى، وسىلايشا بىرتىندەپ دامىتىپ، الۋەتتەندىرىپ، يشين ماركاسىن سومدادىق.

 

شينجياڭعا قايتىپ بارعاننان كەيىن باس شۋجيدىڭ ماڭىزدى ءسوزىنىڭ رۋحىن سەلبەستىك كووپەراتيۆىنىڭ ءار ءبىر مۇشەسىنە، قىستاقتاعى ءار ءبىر تۇرعىنعا جەدەل جەتكىزىپ، باس شۋجيدىڭ تالابىنا ساي، ەگىنشى، مالشىلاردىڭ كىرىسىن ارتتىرۋدى، اۋىل شارۋاشىلىعى قوسىمشا ونىمدەرىنىڭ قوسىمشا قۇنىن جوعارىلاتۋدى نىسانا ەتىپ، كوپشىلىكتى بىلەكتى سىبانىپ قايراتتانا ىستەۋگە باستاپ، ءبىرىنشى كاسىپتىڭ دەڭگەيىن وسىرۋدەن جازباي، اۋىل شارۋاشىلىعىنىڭ شارۋاشىلىق تىزبەگىن جان-جاقتى كەڭەيتىپ، وزىندىك قۇندى ونان سايىن تومەندەتىپ، ءونىم مولشەرىن ارتتىرىپ، ساپانى جوعارىلاتىپ، ساپالى اۋىل شارۋاشىلىعى ونىمدەرىن تانىمالى ماركاعا اينالدىرىپ، ءار ۇلت جۇرتشىلىعىنىڭ دامۋ بارىسىندا ناقتى يگىلىككە كەنەلۋىنە مۇمكىندىك جاسايمىن.

 

شينجياڭ گازەتى