حالىق تىلەگى   
بۇل مەنىڭ ومىرىمدەگى ەڭ باعالى كەشىرمە بولدى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2017-03-13 15:05

 

    ۋاكىل گۇلنۇر مامەت (شينجياڭ جەڭىل ونەركاسىپ كاسىپتىك تەحنيكالىق ينيستيتۋتى پارتكومىنىڭ مۇشەسى، ورىنباسار مەكتەپ باستىعى) : باس شۋجيمەن بىرگە ۇكىمەت قىزمەتىنەن باياندامانى تالقىلاعان كەزدى ەسىمە السام بولدى تەبىرەنىپ، جىگەرىم تاسقىندايدى.

 

باس شۋجيمەن بەت كورىسۋ، قول الىسۋ، بايانداما قاراۋ مەنىڭ ومىرىمدەگى ەڭ باعالى كەشىرمەم بولدى.

 

باس شۋجي شينجياڭ قىزمەتىنىڭ قىرى مەن سىرىن بەس ساۋساعىنداي قانىق بىلەدى ەكەن، ول تاعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇرۋ قىزمەتىن دە اۋىزعا الدى. مەن بىلتىر «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇرۋ قىزمەتىنە قاتىناسىپ، ماكىت اۋدانى عازكول اۋىلى قاماكول قىستاعىنا باردىم، ءبىر جىلدىق قىزمەت جاپالى بولعانىمەن تابىسى دا مول بولدى. باس شۋجي «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇرۋ قىزمەتىن تولىق تۇراقتاندىردى، ونىمەن قويماي ءبىزدى شينجياڭنىڭ قوعام ورنىقتىلىعى قىزمەتىن ونان ارى جاقسى ىستەۋگە جىگەرلەندىردى، ءبىزدىڭ سەنىمىمىز ءتىپتى دە كۇشەيە ءتۇستى.

 

باس شۋجيمەن بىرگە باياندامانى تالقىلاعان ۋاقىتىمىز تەك ءبىر نەشە ساعات بولعانىمەن بار زەيىنىممەن ۇيىپ تىڭداپ، باس شۋجيدىڭ ايتقان ءار ءبىر اۋىز ءسوزىن ەستە بەرىك ساقتاۋعا تىرىستىم. مەن قايتىپ بارعاننان سوڭ باس شۋجيدىڭ ايتقاندارىن ءۇي ىشىمدەگىلەرگە، قىزمەتتەستەرىمە، وقۋشىلارىما ايتىپ بەرەمىن، ولارعا شينجياڭ استانادان شالعايدا بولعانىمەن، باس شۋجيدىڭ شينجياڭداعى ءار ۇلت حالقىمەن جۇرەكتەس، تىلەكتەس ەكەندىگىن ايتامىن.

 

باس شۋجي وتە-موتە حالىق تۇرمىسىنا ەرەكشە ءمان بەردى، ول حالىق تۇرمىسىنا ءتيىمدى ناقتى ىستەردى كوپتەپ ىستەۋدى، ءار ۇلت حالقىنىڭ كوكەيتەستى ماسەلەسىن كوبىرەك شەشىم ەتۋدى ايتتى. باس شۋجيدىڭ حالىقتىڭ قامىن جەگەن تەرەڭ ىقىلاسىنان ايرىقشا اسەرلەندىم.

 

كاسىپتەندىرۋ حالىق تۇرمىسىنىڭ نەگىزى، كاسىپتىك وقۋ-اعارتۋ مەن تەحنيكالىق جاقتان باۋلۋدى كۇشەيتۋ كاسىپتەنۋ قابىلەتىن جوعارىلاتۋدىڭ ماڭىزدى جولى. ءبىز باس شۋجيدىڭ ءسوزىنىڭ رۋحىن مۇقيات دايەكتى تياناقتاندىرىپ، ءتۇرلى پاندەردىڭ ساباعىن كاسىپ سالاسىنىڭ قاجەتىن شىعار ءتۇيىن ەتە وتىرىپ ورنالاستىرۋىمىز، مەكتەپ پەن كاسىپورىننىڭ سەلبەستىك ورناتۋ سەرپىنىن كۇشەيتىپ، كاسىپورىننىڭ دامۋىنا ساپالى كاسىپتىك تەحنيكالىق دارىندىلار ازىرلەۋىمىز كەرەك. سونىمەن بىرگە وقۋشىلارعا «بەس ورتاق تانىم» تاربيەسىن كۇشەيتىپ، ۇلتتار ىنتىماعىن مەكتەپ تاربيەسىنىڭ ءار قىرىنا توعىستىرىپ، جاس ستۋدەنتتەردىڭ ۇلتتار ىنتىماعى ساناسى مەن جۇڭحۋا ۇلتى ورتاق تانىمىن كۇشەيتۋىمىز كەرەك.