ۇسىنىستار   
شي جينپيڭ شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناستى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2017-03-11 17:35

 

    ٴوز حابارىمىز: ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 10-ناۋرىز كۇنى تۇستەن بۇرىن شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناستى. شي جينپيڭ مىنانى باسا دارىپتەدى: قوعامنىڭ جاراسىمدى ورنىقتىلىعىن باتىل قورعاپ، ۇلتتار ىنتىماعىن ونان ارى بەكەمدەپ، ىنتىماقتى دا جاراسىمدى، گۇلدەنىپ-كوركەيگەن، مادەنيەتتى دە العا باسقان، الاڭسىز ٴومىر كەشىرگەن جۇڭگوشا ەرەكشەلىكتەگى شينجياڭ قۇرۋعا قۇلشىنۋ كەرەك.

 

لوپنۇر اۋدانى گۇلباق اۋىلىنىڭ ورىنباسار باستىعى، ۋاكىل ياسىن.تۇرسىن اسەرلەنە بىلاي دەدى: ىنتىماق پەن ورنىقتىلىق باقىت، نەگىزگى ساتى پارتيا ۇيىمىنىڭ بارلىعىن قامتۋى-ورنىقتىلىق قىزمەتى جونىنەن ماڭىزدى رول اتقارادى. باس شۋجي: ەرتە باستان، كىشكەنتايدان، جەدەل، ويداعىداي يگەرۋ كەرەك،-دەدى. ٴبىز شاعىن ىستەردەن باستاپ كىرىسىپ، قىزمەتتى الدىن الا ورىستەتۋىمىز ٴتيىس.

 

شينجياڭ باينعولين مۇڭعۇل اۆتونوميالى وبىلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى، ۋاكىل شى جيانيوڭ بىلاي دەدى: مەن سوزىمدە كورلا المۇرتى جايلى توقتالعانىمدا، باس شۋجي كەزىندە كورلاعا بارىپ، المۇرت باقشاسىن كوزدەن كەشىرگەنىن ەسىنە الدى. كورلا المۇرتى باينعوليننىڭ ماركاسىنا، ٴارى ديحانداردىڭ كىرىسىن ارتتىرىپ، اۋقاتتانۋعا باستايتىن نەگىزگى كاسىپكە اينالدى. ٴبىز جەرلىك ەرەكشەلىكتەگى كاسىپتى دامىتۋدىڭ ٴابىزالدىلىعىن شىنايى سەزىندىك.

 

قاشقار ايماعى قاشقار قالاسى شامالباع قالاشىعىنىڭ ورىنباسار باستىعى، ۋاكىل رايحانگۇل.يمىر بىلاي دەدى: مەن باس شۋجيعا ۇيعۇر ۇلتىنىڭ دوپپاسىن ۇسىندىم، ٴارى باس شۋجيدىڭ الدىندا سوزگە شىقتىم، قازىر ويلاسام توتەنشە تولقۋلىمىن. سوزىمدە اتا مەكەنىمدى تىلگە تيەك ەتىپ، اۋىلداستاردىڭ پارتيانىڭ ٴابىزال ساياساتىن اۋىزدارىنان تاستاماي، شىن جۇرەكتەن القايتىندىعىن، جالپى حالىقتىق دەنساۋلىق تەكسەرۋ ينجەنەرياسى، اۋىل-قىستاقتاعى وقۋعا تۇسۋدەن بۇرىنعى تاربيە قاتارلىلاردىڭ جۇرتتىڭ رازىلىعىنا يە بولعاندىعىن ايتتىم. قازىر قىستاق تۇرعىندارى بالالارىن باقشاعا اپارۋعا توتەنشە ىنتالى، ولار: قوس ٴتىل اعارتۋى جاقسى، بالالار ٴتىل وتكەلىنەن ٴوتتى، بولاشاقتارى نۇرلى بولادى،-دەيدى.

 

حوتان ايماعى شەريا اۋدانى شەريا اۋىلىنىڭ ورىنباسار باستىعى، ۋاكىل مامەت رەيىم.مامتىمىن بىلاي دەدى: شاعاننىڭ الدىندا، باس شۋجي قۇربان.تۇلىمنىڭ قىزىنا حات جولداپ، تىلەك ايتقان ەدى. بەيجيڭگە كەلەرىمدە، قۇربان اتايدىڭ وتباسىنداعىلار ماعان باس شۋجيعا سالەم ايتۋدى، جەرلىك ورىنداعى ٴار ۇلت حالقىنىڭ پارتيانىڭ قامقورلىعىن كوكەيدە ماڭگى ساقتايتىندىعىن جەتكىزۋدى تاپسىردى. قازىر باش ۇجىمە قىستاعىندا وزگەرىستەر تۋىلىپ، بۇقارا ناقتى پايداعا كەنەلىپ، ىنتىماقتى دارىپتەپ، ورنىقتىلىقتى اڭساپ، دامۋدى ويلايتىن بولدى. مەن باس شۋجيگە: كوپشىلىك پارتيانىڭ ساياساتى جاقسى دەپ القايدى،-دەدىم. باس شۋجي دە: جاقسى! قازىر شينجياڭنىڭ ۇلىتتار ىنتىماعىنىڭ بەرەكەلى شاڭىراعى دەگەن قيمىلى جاقسى ورىستەتىلىپ جاتىر، ٴارقايسى ۇلتتار ٴوزارا جۇپ قۇردى،-دەدى. ٴوزارا جۇپ قۇرعان تۋىستار قىستاعىمىزعا كەلىپ امانداسىپ تۇرادى. مەرەكە، توي-تومالاق سياقتى قۋانىشتى ساتتەردى تۋىستارىمىزبەن بىرگە وتكىزەمىز. 56 ۇلت ٴبىر شاڭىراقتىڭ مۇشەسى، ٴبىز اناردىڭ ۇرىعىنداي ٴوزارا ۇيىسۋىمىز ٴتيىس.

 

اۋدارعان: گۇلنۇر قابىلقاق قىزى