ۇسىنىستار   
اسكەري قوسىننان كەلگەن وكىلدەر مەن مۇشەلەر: باتىرلاردان ۇيرەنۋگە ۇندەدى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-13 10:53


    شينحۋا اگەنتتىگىنىڭ حابارى. ازاتتىق ارميا قۇرىلعاندىعىنىڭ 90 جىلدىعى قارساڭىندا، باتىرلاردى ۇلىقتاۋ، باتىرلاردى قورعاۋ، باتىرلاردان ۇيرەنۋ، باتىرلارعا قامقور بولۋ-- ەكى ماجىلىسكە قاتىناسقان اسكەري قوسىننان كەلگەن وكىلدەر مەن مۇشەلەردىڭ قىزۋ تالقى تاقىرىبىنا اينالدى.


    مەملەكەتتىك حالىق قۇرىلتايىنىڭ وكىلى، ورتا بولەك سوعىس رايونى قۇرىلىق ارميا ءمالىم قامباسىنىڭ ورىنباسار مەڭگەرۋشىسى ۋاڭ جيۇن بىلاي دەدى: تاياۋدان بەرى باتىرلاردى قارالايتىن، تاريحي وقىيعالارعا كۇيە جاعاتىن كەلەڭسىز ىستەر بەلەڭ بەرۋدە. مۇنداي جاۋاپكەرسىزدىك داقپىرتتاردىڭ تارالۋى ۇلتتىق سۇيىسپەنشىلىكتى جارالاپ، قوعامدا كەرى ىقپال تۋعىزدى.


    مەملەكەتتىك ساياسي كەڭەس مۇشەسى، تەڭىز ارمياسىنىڭ بۇرىنعى ورىنباسار ساياسي كوميسسارى پان ينحۋا: باتىرلاردى قارالاۋ ارەكەتىنە تيداۋ سالۋ، باتىرلارعا ىززەت قۇرمەتتى كۇشەيتۋ قاجەت-دەدى.


    ۋاڭ جيۇن بىلاي دەدى: باتىرلاردى قارالاۋ جايتتەرى جىيى تۋىلۋدا. قازىرگى زاڭدا باتىرلاردىڭ اتاق داڭقىن قورعاۋ جونىندە ايقىن بەلگىلەمە جوق. ۇلت باتىرلارى مەن توڭكەرىستىك اعا بۋىندار ادەتتەگى جاي حالىقپەن پارىقتالعان جوق. باتىرلاردى قارالايتىن، تاريحقا كۇيە جاعاتىن ارەكەتتەرگە قاراتا زاڭدىق جاۋاپكەرشىلىگىن قۋزاستىرۋ ايقىن ەمەس.


    مەملەكەتتىك حالىق قۇرىلتاي وكىلى، بۇرىنعى 2-زەڭبىرەكشىلەر قوسىنى جابدىقتاۋ ءبولىمىنىڭ ساياسي كوميسسارى نيۋ بيڭشياڭ: ەل باتىرلارىنىڭ اداق داڭقىن قورعاۋ زاڭىن جەدەل بەلگىلەۋ جونىندە ۇسىنىس بەرەمىن-دەدى.

 


اۋدارعان: شالقار قازەز ۇلى