ۇسىنىستار   
وقۋ اعارتۋ مينيسترى: ءۇش جاقتاعى شارانى كۇشەيتىپ، مەكتەپتەردىڭ دەنە- تاربيە قۇرىلىستارىنداعى كەلەڭسىز ىستەردى ءبىر جايلى ەتۋ كەرەكتىگىن ايتتى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-13 10:57


    شينحۋا اگەنتتىگىنىڭ حابارى. تاياۋ مەزگىلدەن بەرى مەكتەپتەردىڭ دەنە-تاربيە قۇرىلىستارىندا تۋىلعان جۇگىرۋ جولىنا توسەلگەن زياندى توسەنىش وقىيعاسى تۋرالى وقۋ اعارتۋ مينيسترى چىن باۋشىڭ ناۋرىزدىڭ 12-كۇنى 12-كەزەكتى مەملەكەتتىك حالىق قۇرىلتايىنىڭ بەسىنشى ماجىلىسىنىڭ تىلشىلەر جينالىسىندا بىلاي دەدى: ولشەم بەلگىلەۋ، مەردىگەر قابىلداۋ تۇزىمىن وزگەرتۋ، جەرلىك ۇكىمەتتەردىڭ باقىلاۋ جاۋاپكەرشىلىگىن تياناقتاندىرۋ سىياقتى 3 جاقتان كىرىسىپ، مەكتەپتەردىڭ دەنە تاربيە قۇرىلىستارىنداعى كەلەڭسىز ىستەر وڭالادى.


    چىن باۋشىڭ بىلاي دەدى: دەنە تاربيە قۇرىلىستارىنىڭ ماتەريالدارىنان، ينجەنەرياعا، جوسپارعا دەيىن ولشەم بولماۋ نەمەسە ولشەم ەسكى بولۋ، مەردىگەر شاقىرعاندا تومەن باعاعا جۇگىرۋ، ساپا تانىمى بولماۋ سىياقتى فاكتورلاردىڭ سالدارىنان جۇگىرۋ جولىنا زياندى توسەنىش توسەۋ وقيعاسى سىياقتى وقيعالار جۇز بەردى. وقۋ اعارتۋ مينيسترلىگى قاتىستى تاراۋلارمەن، زەرتتەۋ قۇرىلىمدارىمەن سەلبەسىپ، جۇگىرۋ جولىن سالۋ قۇرىلىسىنا قاجەتتى ماتەريال جانە جوسبار جاعىندا ءتۇرلى ولشەمدەر بەلگىلەدى. بيىل العاشقى جارىم جىلدا كەڭ كولەمدە تەكسەرۋ ورىستەتىلىپ، قوعامعا اشىق جاريالانادى ءارى اتقارىلادى.


اۋدارعان: شالقار قازەز ۇلى