ۇسىنىستار   
تۇرپان ساياحاتتى ۇشتاستىرۋ ارقىلى وڭىرلىك ساياحاتتى دامىتپاقشى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2017-03-13 16:42

 

    شينحۋا اگەنتتىگىنىڭ حابارى: مەملەكەتتىك وڭىرلىك ساياحات سىناق رايونى بولعان تۇرپان قالاسى بيىل جەرلىك ورىننىڭ بايلىعىن بىرىكتىرىپ، اۋدان ساياحات جولدارى مەن قاتىناس توراپتارىن كەمەلدەندىرىپ، تۇرلىشە كورىنىس رايوندارىن ۇشتاستىرىپ، ساياحاتتى اۋىل شارۋاشىلىعىمەن، كۇتىمدەلۋمەن، دەنە تاربيەمەن ۇشتاستىرۋ سياقتى جاڭا ۇلگى جاراتىپ، تۇرپاننىڭ كۇندىك ساياحاتىن كوپ كۇندىك ساياحاتقا، جالاڭ ماۋسىمدىق ساياحاتتى ٴتورت ماۋسىمدىق ساياحاتقا، كورىنىس ساياحاتىن زەرتتەۋ ساياحاتىنا، كورىنىس ساياحاتىن وڭىرلىك ساياحاتقا دامىتپاقشى.

 

تۇرپان تيانشاننىڭ تۇستىگى مەن تەرىستىگىندەگى كوكتەم ەڭ ەرتە بولاتىن جەر، ٴار جىلى ناۋرىز ايىنىڭ اياق شەنىنەن ٴساۋىردىڭ باس شەنىنە دەيىن، بۇل ارادا ورىك گۇلى اشىپ، ساياحاتشىلاردىڭ گۇل تاماشالايتىن ماقساتتى جەرىنە اينالادى. 4 جىل جالعاسىنان وتكىزىلگەن تۇرپان ورىك گۇلىن تاماشالاۋ مەرەكەسى 24-ناۋرىزدا بولادى، تۇرپان قالالىق ساياحات مەكەمەسىنىڭ باستىعى ٴان جينچياڭ بىلاي دەدى: بۇل تۇرپان قالاسىنىڭ مەملەكەتتىك وڭىرلىك ساياحات سىناق رايونىنا كىرگىزىلگەننەن كەيىنگى وتكىزگەن تۇڭعىش كەزەكتى ورىك گۇلىن تاماشالاۋ مەرەكەسى، بۇرىنعى كەزەكتىلەرمەن ۇقساماستىعى-بيىل تۇرپان كورمە، مەرەكەلىك قۇتتىقتاۋ قيمىلدارى جانە كورىنىس رايوندارىن ساياحاتتاۋدى توعىستىرىپ، جارعول ەرتە زامانعى قالاسى، كارىز باقشاسى، ورىك قىستاعى سياقتى بۇرىنعى ساياحات جولدارىن بىرلەستىرىپ، ساياحاتشىلار ورىك گۇلىن تاماشالاۋمەن قاتار جەرلىكتىڭ مادەني، تاريحي كورىنىستەرىنەن ٴلاززاتتانىپ، وڭىرلىك ساياحاتتىڭ جاڭا ۇردىسىن ىسكە اسىرادى.

 

اۋدارعان: سانيا قازەك قىزى