ۇسىنىستار   
ىشكى مۇڭعۇل، شيزاڭ، شينجياڭنان كەلگەن وكىلدەر مەن مۇشەلەر: باس شۋجيدىڭ ٴۇمىتىن ەستە بەرىك ساقتاپ، ەكولوگيالىق قۇرىلىستى جاقسى جۇرگىزىپ، ۇلتتىق رايونداردىڭ ەكولوگيالىق ورتاسىن جاقسى قورعاۋدى العا قويدى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2017-03-13 16:48

 

    ٴوز حابارىمىز: ۇلتتىق رايونداردىڭ ەكولوگيالىق ورتا قۇرىلىسى پارتيا مەن مەملەكەت باسشىلارىنىڭ نازارىنان تىس قالعان ەمەس. باس شۋجي شي جينپيڭ ىشكى مۇڭعۇل، شيزاڭ، شينجياڭ ٴوڭىرىنىڭ ەكولوەيالىق قۇرىلىسىن كۇشەيتۋدى تالاي رەت باسا دارىپتەدى. تاياۋ كۇندەردەن بەرى، 12-كەزەكتى مەملەكەتتىك حالىق قۇرىلتايىنىڭ 5-ماجىلىسىنە قاتىناسقان ىشكى مۇڭعۇل، شيزاڭ، شينجياڭدىق وكىلدەر: باس شۋجيدىڭ ٴۇمىتىن ەستە بەرىك ساقتاپ، ەكولوگيالىق قۇرىلىستى جاقسى جۇرگىزىپ، ۇلتتىق رايونداردىڭ ەكولوگيالىق ورتاسىن جاقسى قورعاۋدى العا قويدى.

 

ناۋرىزدىڭ 10-كۇنى تۇستەن بۇرىن، ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شينجياڭ وكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ اتاپ كورسەتتى: ەكولوگيالىق ورتانى قورعاۋدى كۇشەيتىپ، ەكولوەيانى بۇلدىرەتىن وبەكتىلەردىڭ شينجياڭعا كىرۋىنە قاتاڭ تىيىم سالىپ، ىلاستىقتى ازايتۋ جانە قۇمايتتانۋدان ساقتانۋ تەبىنىن ۇلعايتىپ، تابيعاتى تازا كوركەم شينجياڭ قۇرىپ شىعۋعا قۇلشىنۋ كەرەك.

 

بۇل جونىندە مەملەكەتتىك حالىق قۇرىلتايىنىڭ وكىلى، شينجياڭ جەڭىل ونەركاسىپ كاسىپتىك تەحنيكا ينستيتۋتى پارتكومىنىڭ مۇشەسى، ورىنباسار ينستيتۋت باستىعى گۇلنۇر.مامەتتىڭ اسەرى مول. 2016-جىلى، ول قاشقار ايماعى ماكت اۋدانىندا «حالىق رايىن ۇعىسۋ، حالىق تۇرمىسىنا ىيگىلىك جاراتۋ، جۇرت تىلەگىن توعىستىرۋ» ماقساتىندا قىستاقتا قىزمەت ىستەۋگە جىبەرىلەدى. ماكت اۋدانىنىڭ توڭىرەگىن تۇگەلدەي قۇمدىق قورشاپ جاتقاندىقتان، ٴبىر جىلدىڭ 4 ايىندا قۇمدى بوران سوعىپ تۇرادى. تۇتاس اۋدانداعى حالىق جۇرتشىلىعى قۇمدى بورانعا توتەپ بەرۋدى تاباندى جالعاستىرىپ كەلەدى. گۇلنۇر بىلاي دەدى: الدا ساياساتتىق جاقتان قولداۋ كورسەتىلىپ، تەحنيكالىق جاقتان جەتەكشىلىك ەتىلسە، تۇرعىنداردىڭ جاسىل القاپتى اتا مەكەندى قايتادان قالپىنا كەلتىرۋگە دەگەن سەنىمى بەكەمدەلە تۇسەرى داۋسىز.

 

مەملەكەتتىك حالىق قۇرىلتايىنىڭ وكىلى، ىشكى مۇڭعۇل اۆتونوميالى رايوندىق پارتكومنىڭ شۋجيى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى لي جيحىڭ بىلاي دەدى: ىشكى مۇڭعۇل باس شۋجيدىڭ دارىپتەمەسىن ەستە بەرىك ساقتاپ، وتانىمىزدىڭ سولتۇستىك جىيەگىنىڭ كوركەم تابيعاتىن ساقتاپ قالۋعا كۇش سالىپ، جاسىل ٴتۇستى دامۋعا باسا ٴمان بەرىپ، ىشكى مۇڭعۇلدىڭ ساحاراسىنىڭ ٴسانىن ارتتىرىپ، ەكولوگيالىق ورتاسىن جاقسارتا تۇسۋگە كۇش سالامىز.

 

حولۇنبەر ساحاراسىنان كەلگەن مەملەكەتتىك حالىق قۇرىلتايى وكىلى تاي يي بىلاي دەدى: حولۇنبەر بەس اي بويى قار قىمتانىپ جاتادى. الداعى قادامدا ٴبىز قىسقى ساياحاتتى نەگىز ەتىپ، وسى جاعىنداعى ابىزالدىقتاردى ساۋلەلەندىرىپ، كىرىس كوزىن اشامىز.

 

مەملەكەتتىك حالىق قۇرىلتايىنىڭ وكىلى، شيزاڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى لو ساڭ جياڭ سۇن بىلاي دەدى: شيزاڭ باس شۋجي شي جينپيڭنىڭ «دۇنيەدەگى ەڭ سوڭعى تازا توپىراقتى ساقتاپ قالايىق» دەگەن ماڭىزدى نۇسقاۋىن ىشكەرىلەي دايەكتەندىرىپ، قارلى ۇستىرتتىڭ ٴار ٴبىر تال شوبى مەن ٴار ٴبىر تامشى سۋىنا دەيىن كوزىمىزدىڭ قاراشىعىنداي قورعاپ، تابيعاتتىڭ زاڭدىلىعىنا بويسۇنىپ، جاراتىلىستىق ورتانى كۇش سالا قورعايدى.

 

مەملەكەتتىك حالىق قۇرىلتايى وكىلى، شيزاڭ اۆتونوميالى رايونىنىڭ ٴتوراعاسىە چيزالا: چيڭحاي شيزاڭ ۇستىرتىنىڭ ەكولوگياسىن قورعاۋ- جۇڭحۋا ۇلتتارىنىڭ ٴومىر سۇرۋى مەن دامۋىنا قوسقان ەڭ زور ۇلەس-دەپ اتاپ كورسەتتى.

 

اۋدارعان: شالقار قازەز ۇلى