ۇسىنىستار   
ۋاكىلدەر مەن مۇشەلەر: ءار ۇلت بۇقاراسىنىڭ كوكەيىندەگى ماسەلەلەردى شەشۋدى ۇسىنىس ەتتى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-15 10:53


    ءوز حابارىمىز: باس شۋجي شي جينپيڭ حالىق تۇرمىسى قىزمەتىنە وسكەلەڭ ءمان بەرىپ، بۇقارا تۇرمىسىنا ەرەكشە نازار اۋدارىپ كەلدى. بيىلعى ەكى ءماجىلىس كەزىندە باس شۋجي « حالىق تۇرمىسىن بارىنشا قامتاماسىزداندىرۋ جانە جاقسارتۋ»،«ءوندىرىس، تۇرمىس شارت- جاعدايىن جاقسارتاتىن نىسانداردى كوپتەپ جولعا قويۋ، حالىققا يگىلىك جاراتاتىن ناقتى ىستەردى كوپتەپ ىستەۋ، ءار ۇلت بۇقاراسىنىڭ كوكەيىندەگى ماسەلەلەردى بارىنشا شەشۋ كەرەك» دەپ باسا دارىپتەدى. ۋاكىلدەر مەن مۇشەلەردە حالىق بۇقاراسىن ارقاۋ ەتىپ، بۇقارانىڭ باقىت سەزىمىن ارتتىرۋدى ايتتى.


    نيڭشيا حۇيزۋ اۆتونوميالى رايونى شى زۇيشان قالالىق قوعام حاۋىپسىزدىك مەكەمەسى ديحاندارعا يگىلىك جاراتۋ بولىمشە مەكەمەسىنىڭ ساياسي كومميسارى، ۋاكىل جاڭ شيانرۇي بىلاي دەدى: ازاماتتىق كۋالىكتى باسقا جەردە دە ءبىتىرۋ قاتارلى حالىققا قولايلى شارالار بۇقاراعا تيمدىلىكتەر جەتكىزدى، بۇعان ءدال ينفورماتسيالىق ساندىق مالىمەت قاجەت، الايدا نوپوسقا العىزا الماۋ مەن وتباسىلارىنا بارا الماۋ قاتارلى جاعدايلار قوعام حاۋىپسىزدىك ورگاندارىن مازالاپ كەلەدى، ينفورماتسيالىق ساندىق مالىمەتتىڭ دالدىگىنە كەپىلدىك ەتۋ قيىن، سوندىقتان حالىق ساقشىلارى جان سانى ينفورماتسياسىن توپتاعان كەزدە ازاماتتاردىڭ قىزمەتكە سايكەسۋ جاۋاپكەرشىلىگى مەن بورىشى بارلىعىن ايقىنداۋىن، ازاماتتاردىڭ جەكە ينفورماتسياسىن قورعاۋدى كۇشەيتۋىن ۇسىنىس ەتتىم.


    گۋاڭدۇڭ ولكەسى حۋايجي اۋدانى ليانماي قالاشىعى جاڭگاڭ قىستاعىنداعى باعىمشى وتباسى، ۋاكىل شۇي جيانشيان: اۋىل –قىستاقتاردا زاڭمەن باسقارۋ جاعدايىنىڭ قالىپتاسۋىنا بايلانىستى ديحانداردىڭ زاڭمەن باسقارۋ تانىمى كۇشەيدى، ءادىليادا ءادىل بولۋ ارقىلى اۋىل-قىستاقتارداعى ءتۇرلى شارۋاشىلىق جانە قوعامدىق قايشىلىقتاردى جونگە سالىپ، وسى ارقىلى جاڭاشا اۋىل –قسىتاق دامۋى مەن قۇرىلىسنا كەپىلدىك ەتۋ بارعان سايىن ماڭىزدى بولۋدا، سوندىقتان قالاشىقتاردا سوت پەن پروكراتۋراعا قىزمەت وتەۋ ورتالىعىن قۇرىپ، شەكارا شالعاي رايوندارداعى بۇقاراعا قولايلى، جوعارى ءونىمدى زاڭدىق قىزمەت وتەۋدى ۇسىنىس ەتتىم.


    بەيجيڭ قالاسى اماندىق ساقتاۋعا قىزمەت وتەۋ باس سەرىكتىگى حايديان بولىمشە سەرىكتىگىنىڭ ورىنباسار ديرەكتورى، ۋاكىل جۋ لياڭيۇ بىلاي دەدى: اۋىل-قىستاقتاردا قالىڭ مال سالىعىنىڭ اۋىرتپالىعىنان كوپتەگەن جاستار ۇيلەنۋ ماسەلەسىندە تىعىرىققا تىرەلىپ وتىر، وسى ماسەلەنى شەشۋدە ادامداردىڭ كوز قاراسىن وزگەرتۋىنە جەتەكشىلىك ەتۋ مەن ءبىر ۋاقىتتا ماسەلەنى تۇبىرىنەن شەشۋ شاراسىن اتقارعاندا قالا مەن اۋىل پارقىن ازايتۋعا بولادى، سوندىقتان اۋىل –قىستاقتاردا كاسىپ جاراتۋ مەن جاڭالىق اشۋدى جەبەۋ مەحانيزىمىن كەمەلدەندىرىپ، جاستاردى وقۋ-اعارتۋمەن تاربيەلەۋ ارقىلى ولاردىڭ ءوزىن الۋەتتەندىرۋ قابىلەتىن جوعارلاتۋعا كۇش سالۋ، مىسالى، جاستاردى ەلەكتروندى ساۋدامەن اينالىسىپ كاسىپ جاراتۋ ارمانىن جۇزەگە اسىرۋىنا قولداۋ كورسەتۋ سياقتى شارالار اتقارۋ كەرەك.


اۋدارعان: گۇلميرا قوزىقان قىزى