سۋرەتتەر سويلەيدى   
سايكەستى ساياساتتار شىعارىپ جاسى ەگدەلەپ بالا كوتەرگەن ايەلدەردى ۋايىمنان ارىلتۋ قاجەت
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-09 09:31


    ءوز حابارىمىز: ايەلدەر مەرەكەسى كۇنى ايەلدەر ىسىنە قاتىستى ماسەلەلەر ەكى ماجىلىسكە قاتىناسقان ۋاكىل-مۇشەلەردىڭ نازار اۋدارعان تۇيىنىنە اينالدى. ەكى بالالى بولۋ ساياساتى جالپى بەتتىك اتقارىلعان 1 جىلدان بەرى مەملەكەتتىك حالىق قۇرىلتايىنىڭ ۋاكىلى، جياڭسۋ ولكەلىك دەنساۋلىق ساقتاۋ-جوسپارلى تۋىت كوميتەتىنىڭ مەڭگەرۋشىسى ۋاڭ يۇڭحۇڭ ەكىنشى بالاسىن الماق بولعان ايەلدەردىڭ ۇقىق-مۇددەسى ءۇشىن جان-جاققا شاپقىلاپ ۇگىت جۇرگىزدى.

 


    ۋاڭ يۇڭحۇڭ بىلاي دەدى: جايشىلىقتا جاسى 36 دان اسقان ايەلدەر تۋىت جاسىنىڭ مولشەرى جوعارى دەپ قارالاتىندىقتان بالا كوتەرسە ومىرىنە بەلگىلى دارەجەدە حاۋىپ تونەدى، وسى سەبەپتى سايكەستى ساياساتتار شىعارىپ وسى جاس قۇرامىنداعى ايەلدەردى ۋايىمنان ارىلتۋ قاجەت.


    ايەلدەر قاۋىمىنا ايىرىقشا نازار اۋدارۋ كەرەك، كەدەيلەرگەدە ەرەكشە قامقورلىق كورسەتۋ ءتيىس. مەملەكەتتىك حالىق قۇرىلتايىنىڭ ۋاكىلى، مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ مەڭگەرۋشىسى ليۋ يۇڭفۋ گانسۋ ۋاكىلدەر ۇيىرمەسىنىڭ گرۋپپالار تالقىسىندا بىلاي دەدى: كەدەيلەردى اۋقاتتاندىرۋعا باستاۋ ءۇشىن كادرلار وزدەرىن قۇربان ەتىپ، جاۋاپكەرلىكتى ارقالاپ، نەگىزگى ساتىعا تامىر تارتۋى كەرەك.


    كەدەيلىكتەن ارىلتۋ شايقاسى باستالىپ كەتتى، مادەنيەت جاعىنان دا جەتىسۋ كەرەك. مەملەكەتتىك حالىق قۇرىلتايىنىڭ ۋاكىلى، ايگىلى جازۋشى ىريۋەحى بىلاي دەدى: جۇڭگونىڭ مول مادەنيەت بايلىعىن دۇنيەگە بەت العان مادەنيەتتىڭ ايگىلى ماركاسىنا اينالدىرۋ قاجەت.