جاڭالىقتار   
وڭىرلىك ساياحات ىستەرى تۇڭعىش رەت ۇكىمەت قىزمەت بايانداماسىنا ەنگىزىلدى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-06 17:03



    ءوز حابارىمىز: ۇكىمەت قىزمەتى بايانداماسىندا: ساياحات قۇرىلعىلارى مەن قىزمەت وتەۋ ورەسىن كەمەلدەندىرىپ، اۋىل قىستاق، كوڭىل اشۋ ورىندارى، وڭىرلىك ساياحات ىستەرىن بار كۇشپەن دامىتۋ تۇڭعىش رەت ايقىندالدى. بۇل وڭىرلىك ساياحات قىزمەتىنىڭ ۇكىمەت قىزمەتىنەن بايانداماعا تۇڭعىش رەت ەنگىزىلۋى.


    مەملەكەتتىك ساياحات مەكەمەسىنىڭ باستىعى لي جيڭجاۋ ناۋرىزدىڭ 5 - كۇنى بىلاي دەدى: ەلىمىز ساياحاتى كەزەكتە كورىنىس رايون ساياحاتىنان وڭىرلىك ساياحاتقا قاراي بۇرىلىس جاساۋدا، ەلىمىز ساياحاتىنىڭ العاشقى دامۋ كەزەڭىندە نەگىزگى ەرەكشەلىگى ساياحات كورىنىس رايوندارى، تۇسەلحانا، قوناق ءۇي قاتارلى قۇرىلعىلاردى سالۋ جاعىندا بەينەلەنۋدە، ساياحات كاسىبى دامىعان قازىرگە دەيىن، جالپى حالىق ساياحاتى، جەكەلەر ساياحاتى نەمەسە وزدەرى كولىك ايداپ ساياحاتتاۋ سىندى تىڭ كەزەڭگە وتىپ، ءداستۇرلى كورىنىس رايون ساياحات فورماسى وسىزامانعى ساياحات ىستەرىن دامىتۋ قاجەتىن قاناعاتتاندىرا الماي قالدى.


    لي جيڭجاۋ بىلاي دەدى: 2016 - جىلى، بۇكىل ەلىمىزدىڭ ساياحات كىرىسى 4 تريلليون 690 ميلليارد يۋان بولىپ، ۇقساس مەزگىلدەگىدەن %13.6 ارتىپ، ساياحاتشىلار سانى 4 ميلليارد 400 ميلليون ادام رەتكە جەتتى. ب م ۇ نىڭ دۇنيە ساياحات قۇرىلىمىنىڭ مەجەسىنە قاراعاندا، 2016 - جىلى ەلىمىزدىڭ ساياحات كاسىبىنىڭ حالىق شارۋاشىلىعىن ۋنيۆەرسال دامىتۋعا قوسقان ۇلەسى %11 كە، قوعامدىق كاسىپتەندىرۋ ىستەرىنە ۋنيۆەرسال قوسقان ۇلەسى%10.26 كە جەتكەن.


اۋدارعان: نازار ءارىپ ۇلى