جاڭالىقتار   
باس شۋجيدىڭ ماعان ايتقانى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2017-03-11 16:45

 

    8-ناۋرىزدا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سىچۋان ۋاكىلدەر ۇيىرمەسىنە كەلىپ، ولارمەن بىرگە مەملەكەت ءىسىن اقىلداستى. شي ءتوراعا لياڭشان وبلىسى «جالاما قىستاعىنىڭ» دوكلاتىن كورىپ اسا الاڭداپ قالعانىن ايتتى. ماجىلىستە باس شۋجي تاعى قانداي ىستەردى سۇرادى، ۋاكىلدەر نە دەدى؟ مۇنى بىلگىڭىز كەلسە، نازارىڭىز ءتىلشى سانانىڭ حابارىندا بولسىن.

 

8-ناۋرىزدا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سىچۋان ۋاكىلدەر ۇيىرمەسىنە كەلدى، ماجىلىستە، ۋاڭ دۇڭميڭ، لۇ يۇنليان، تاڭ لياڭجى، جيا دىڭ. لۇ جيەشياڭبا، لين شۋچىڭ، چيۋ فۋ قاتارلى 6 تى ۋاكىل پىكىر ٴبىلدىرىپ ٴسوز سويلەدى. لياڭشان وبلىستىق كوميتەتىنىڭ شۋجيى لين شۋچىڭ باس شۋجيمەن ٴماسىليحاتتاسقان كەزىن بىلايشا ەسكە الادى:

 

مەن باس شۋجيعا يزۋ رايونىندا ٴبىلىم الۋ دارەجەسىنىڭ تومەن، ساۋاتسىزداردىڭ ءبىرشاما كوپ ەكەنىن، كەيبىر كەدەي قىستاقتاردا ورتالاۋدان جوعارلاپ وقىعانداردىڭ ساۋساقپەن سانارلىق ەكەنىن، كوپتەگەن بۇقارانىڭ حانزۋ ءتىلىن بىلمەۋى ولاردىڭ سىرت جەرگە شىعىپ، جۇمىس ىستەۋلەرىنە كەسىرىن تيگىزىپ وتىرعانىن ايتتىم. باس شۋجي دا يزۋ ۇلتىنىڭ جاعدايىنا ايىرىقشا دەن قويىپ وتىردى، مەن لياڭشان يزۋ رايونىنىڭ كەدەيلىك جاعدايىن، اسىرەسە كەدەي بولۋىنىڭ سەبەبىن ٴتۇسىندىردىم. ول جالاما قىستاعىنىڭ جاعدايىنا ايىرىقشا نازار اۋداردى.

 

سىچان ولكەسىنىڭ لياڭشان وبلىسى جىرمۋ اۋىلى اتۋلە قىستاعى زامانىندا كوشتەن قالعان كەدەي قىستاق ەدى، سىرتپەن تەك 800 مەترلىك جالامادان ىرا تومەن تۇسەتىن تاۋ جولىمەن قاتىنايتىن، سوندىقتان جۇرت بۇل قىستاقتى «جالاما قىستاعى» دەپ اتاۋشى ەدى.

 

لين شۋچىڭ: دوكلاتتا قىستاقتاعى بالالاردىڭ وقۋعا بارىپ- قايتقاندا قاتەرلى جالامادان شىرماۋىق ساتىسىمەن وتەتىنىن كورگەندە باس شۋجي قاتتى الاڭداپ قالادى. سوڭىنان تەمىر ساتى جاسالعانىن بىلگەندە بارىپ، كوڭىلى ورنىنا تۇسكەندەي بولادى. ءبىزدىڭ كەدەيلىكتەن قۇتىلۋداعى قامال الۋ قىزمەتىمىزگە ول ەرەكشە نازار اۋداردى، بۇقارانىڭ تۇرمىسىنداعى قينشىلىقتارعا دەن قويدى، سونىمەن قاتار، كەدەيىلىكتەن قۇتىلۋداعى قامال الۋ جونىندە كەستە تىككەندەي شەبەرلىك، مۇقياتتىلىق، ىجداعاتتىق، تاباندىلىق بولۋى كەرەكتىگىن سوزگە تيەك ەتتى.

 

 

سىچۋان ولكەسىنىڭ يا-ان قالاسى حانيۋان اۋدانى يۇڭلي اۋىلى گۋلۋ قىستاعىنىڭ جاعدايى دا جوعارىداعىمەن قارايلاس ەدى، ول دا تەرەڭ تاۋ اڭعارىنا ورنالاسقان بولىپ، يا-ان قالاسىنداعى بىردەن-ءبىر قاتىناس جولى جوق «ساتىلى قىستاق» بولاتىن. وتكەن جىلى قىستاققا قولايلى قاتىناس جولى سالىندى دا كەدەيلىكتەن قۇتىلۋدىڭ داڭعىل جولى اشىلدى. گۋلۋ قىستاعىنىڭ ياچەيكا شۋجيى لۇ يۇنليان باس شۋجيدىڭ ماجىلىستە ايتقان سوزىن ەسىنە الىپ بىلاي دەدى:

 

ول ماجىلىستە قىستاعىمىزدىڭ قاتىناس قۇرالىنىڭ بۇرىن سىرعىما ارقان كۇيىندە بولعان-بولماعانىن سۇرادى، مەن وعان تۇسىندىرىپ، بۇرىن سىرعىما ارقان ەكەنىن، كەيىننەن بىرتىندەپ جاقسارىپ سىم جولعا اينالعانىن ايتتىم. بۇنى ەستىگەندە ول قۋانىپ، جولعا كەتكەن قاراجاتتى ۇكىمەت شىعارعان-شىعارماعانىن سۇرادى. مەن ۇكىمەت قارجىسىمەن سالىنعانىن ايتىپ ەدىم، ريزا بولىپ كەتتى.

 

باس شۋجيدىڭ ماڭىزدى ءسوزى سىچۋان ۇيىرمەسىندەگى بارلىق ۋاكىلدەر اراسىندا قىزۋ اڭىس تۋدىردى. ۋاكىلدەر ءۇشىن كەدەيىلىكتەن قۇتىلدىرۋ مىندەتى جاپالى بولىپ، ارقاعا ايازداي باتادى، ءبىراق باس شۋجيدىڭ شابىتتاندىرۋىنىڭ ارقاسىندا، ولاردىڭ سەنىمى مەن جىگەرى تاسقىنداي تۇستى. سىچۋان ولكەلىك ساياسي كەڭەستىڭ ورىنباسار ءتوراعاسى جيا دىڭ. لۇ جيەشياڭبا قاتارلىلار بىلاي دەدى:

 

ول كەدەيلەردى سۇيەمەلدەۋگى قامال الۋ كەزەڭىنىڭ يزۋ رايونىندا ەرەكشە اتقارىلۋىن كۇشەيتىپ، ءبىر تۇتاس دوڭگەلەك داۋلەتتى قوعام قۇرۋدا، كەدەيلەردى سۇيەمەلدەۋدە، بۇقارالاردىڭ ناقتىلى ماسەلەرىن شەشەۋدە، ٴارقانداي ۇلتتىڭ، ٴارقانداي بۇقارانىڭ ەشقايسىنىڭ قاعىس قالماۋىن قاداعالادى.

 

لۇ يۇنليان: قايتىپ بارعاننان كەيىن، حالىق بۇقاراسىن باستاپ، اتا مەكەنىمىزدىڭ گۇلدەنىپ-كوركەيۋىنە ءتىپتى دە كۇش سالىپ، بۇقاراعا باسشىلىق ەتۋدى كەدەيىلىكتەن قۇتىلۋدىڭ ءبىر نىسانى ەتىپ، مەيلى وندىرىستە، الدە ساياحات كاسىبىندە بولسىن، وزىمىزدى الۋەتتەندىرىپ، بۇقارانى كەدەيىلكتەن قۇتىلىپ، بايۋدىڭ سارا جولىنا باستاۋعا كۇش سالامىز.

 

لين شۋچىڭ: قايتىپ بارعاننان كەيىن، ستراتەگيالىق يدەيانى مۇقياتىلىقپەن سەزىنىپ، كەدەيلەردى سۇيەمەلدەۋ قىزمەتىنە جان-جاقتىلى قاراپ، ونىڭ اناعۇرلىم شىنايى اتقارۋىلۋىنا كەپىلدىك ەتەمىز.