ەكى  ٴماجىلىس حابارلارى   
قالام اقى تابىس باجىسىندا ءتيىمدى ساياسات تولىق ايگىلەنسە
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-10 18:27

   ءتىلشىمىز اينۇر گىمىڭعازى قىزى حابارلايدى. قالامگەرلەردىڭ ادەبي-كوركومونەر جاسامپازدىعى كوپ جىلعى ىزدەنستەر مەن ەرىنبەي ەڭبەك ەتۋىندە، جۇرتپەن جۇزدەسەدى. الايدا قالاماقسى ءبىر- اق رەتكى كىرىس رەتىندە قارالىپ، قالاماقسى قولدارىنا تيەر تيمەستەن، ءبىر ءبولىمى جەكەلىك تابىس باجىسىنا تارتىلاتىندىقتان، قالامگەرلەر كوز مايىن تامىزىپ جازعان ەڭبەك جەمىسىنىڭ ءدامىن تاتار-تاتپاستان، سۇلكىندەرىن تۇسىرەدى. ارينە بۇنداعى يدەيا تەك قاراپايىم قالاماقى ماسەلەسى ەمەس، توككەن تەرىنىڭ قارىمجىسىن كورە الماۋ، بۇل قالامگەرلەردىڭ شابىتىن قايتارىپ، جالعاستى شىعارماشىلىقپەن شۇعىلدانىپ، جاسامپازدىق جاراتۋ تەبىنىن السىرەتەدى.


مەملەكەتتىك ساياسي كەڭەستىڭ مۇشەسى، تانىمالى جازۋشى اكبار ءماجيت ۇلى


    قالاماقى باجىسى جونىندە، مەملەكەتتىك ساياسي كەڭەستىڭ مۇشەسى، تانىمالى جازۋشى اكبار ءماجيت ۇلى: بيىلدان باستاپ، مەملەكەت قالاماقىنى ءوسىردى، بۇل قالامگەرلەردى ءتىپتى دە مول جاسامپازدىق، تارتىمدى تۋىندىلار جاراتۋىنا جەبەۋشى بولادى. الايدا قازىرگى اتقارىلىپ وتىرعان جەكەلىك تابىس باجىسىن الۋ بەلگىلەمەسى بوينشا، قالاماقى قانشا جوعارى بولعان سايىن، جەكەلىك تابىس باجىسى ىلەسە ورلەيدى، ال قالاماقىنىڭ وسكەن ءبولىمى تاعى دا سول مەملەكەت قازىناسىنا كىرەدى، الايدا بۇل مەملەكەتتىڭ جاسامپازدىق جاراتۋدى شابتتاندىرۋ ساياساتىنىڭ ناقتىلى ىسكە اسۋىن تولىق ايگىلەپ بەرە المايدى. قالامگەرلەر ءبىر جاسامپازدىق تۋىندىسىن 5 جىل جازۋى نەمەسە 10جىل جازۋى مۇمكىن، ناقتىراق ايتساق، قالامگەرلەردىڭ شىعارماسى ۇزاق جىلدار ەڭبەكتەنۋ ارقىلى باسپادان شىعادى. الايدا جەكەلىك تابىس باجىسى تەك ءبىر-اق رەتكى ەڭبەك رەتىندە قارالىپ، باجى تارتىلعاننان كەيىنگى قالاماقى كوپ ازايادى،-دەيدى.


    قالاماقىنىڭ جەكەلىك تابىس باجىسى جونىندە، مەملەكەت ساياسي كەڭەستىڭ مۇشەسى، تانىمالى جازۋشى اكبار ءماجيت ۇلى مەملەكەتتىك ساياسي كەڭەستىڭ قاتىستى تاراۋلارىنا مىناداي ۇسىنىستى ورتاعا قويدى: كوپ جىل ەڭبەكتەنىپ جارىققا شىققان ادەبي-كوركومونەر تۋىندىلاردى، كينو-تەلەفيلىم سەنارياسى، ساحىنالىق شىعارمالاردان جەكەلىك تابىس باجىسىن العان كەزدە، باسقالاي جولدارمەن ەسەپتەيتىن بولسا، وسى ارقىلى ادەبيەت-كوركەمونەرمەن شۇعىلدانۋشىلاردىڭ جاڭالىق جاراتۋداعى بەلسەندىلىگى مەن قىزعىندىلىعىن ارتتىرىپ، كەسەك تۋىندىلار جاراتىپ، وقىرماندار قاجەتىنەن شىعىپ، ۇلت مادەنيەتىنىڭ جارقىن بولاشاعىنا ۇلەس قوسۋىن جەبەپ، مەملەكەتتىڭ تيىمدى ساياساتىن تولىق ايگىلەۋىن ءۇمىت ەتەمىن.


    رەداكتورى: نۇربولات ءداۋتاقىن ۇلى
باقىلاۋشى: قاناتبەك جۇماباي ۇلى
💛💛💛💛💛💛💛