ەكى  ٴماجىلىس حابارلارى   
بانچان ەردەني چوجي جيەبۋ: ەلدى دامىتۋ ءۇشىن ءدىن قىزمەتىن جاقسى ىستەۋ كەرەك - دەدى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-12 10:27


    شينحۋا اگەنتتىگىنىڭ حابارى. بانچان ەردەني. چوجي جيەبۋ 11 - ناۋرىز كۇنى مەملەكەتتىك ساياسي كەڭەستىڭ 5 - رەتكى ءماجىلىسى 4 - جالپى ماجىلسىندە ءسوز سويلەگەندە بىلاي دەدى: ءار كەزەڭدەگى ءدىن سول ءداۋىردىڭ دامۋ تالابىنا سايكەسۋى كەرەك. وسى داۋىردەگى ءدىننىڭ تاريحي بورىشى: وتاندى، ءدىندى ءسۇيۋ، مەملەكەتتى قورعاپ حالىققا يگىلىك جەتكىزۋ، ادامزاتتىڭ باقىتىن كوزدەپ، جۇڭحۋا ۇلتتارىنىڭ كوركەيۋى ءۇشىن كۇش قوسۋ بولىپ تابىلادى.


    ول بىلاي دەدى: بۇددا ءدىنى مەن سوتسياليستىك قوعامدى ءتىپتى دە جاقسى سايكەستىرىپ، مەملەكەتتىڭ دامۋىن جەبەۋدە بەلسەندى رول ساۋلەلەندىرۋ كەرەك. جۇڭگونىڭ بۇددا ءدىنى قايىرىمدىلىق تانىمىن جالعاستىرىپ، جاراسىمدى، بەيبىت شاريعات ۇستانادى. ج ك پ - نىڭ ءدىن ساياساتى، اسىرەسە باس شۋجي شي جينپيڭنىڭ مەملەكەتتىك ءدىن ىستەر قىزمەت ماجىلسىندە سويلەگەن ماڭىزدى ءسوز رۋحىن جەتەكشى ەتىپ، بۇددا ءدىن سالاسى مەن قالىڭ حالىق بۇقاراسىنىڭ قۇلشىنۋى ارقىلى، بۇددا ءدىنى مەملەكەتتىڭ دامۋىندا ءوز رولىن ساۋلەلەندىردى ؛ حالىق بۇقاراسىن ءونىمدى اتتانىسقا كەلتىرىپ، مەملەكەتتىڭ ءبىر تۇتاستىعى مەن ۇلتتار ىنىتىماعىن سانالىلىقپەن قورعاپ، شارۋاشىلىق قوعام قۇرىلسىنا بەلسەندى ارالاستى ؛ قوعامدىق يدەيا قۇرىلىسىن جەبەپ، بەدەلىن ارتتىرىپ، جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن ىسكە اسىرۋدا بۇددا ءدىنى بەلسەندى رول ساۋلەلەندىردى.


    بانچان ەردەني. چوجي جيەبۋ مىناداي ۇسنىس العا قويدى: ءبىرىنشى، زاڭ بويىنشا ساقتانۋ، باسقارۋدى كۇشەيتىپ، ءستيل قۇرىلىسىن ۇزدىكىسىز نىعايتىپ، زاڭعا قايشى ماسەلەلەردى قاتاڭ باسقارىپ، بۇتحانانىڭ ءتارتىپ - تۇزىمىن قاتاڭداستىرۋ. ەكىنشى، شايحىلاردى كۇش سالا تاربيەلەپ، پارتيانى، وتاندى سۇيەتىن ۇزدىك دارىندىلاردى جەتىلدىرۋ. ءۇشىنشى، قوعامدىق ءتۇزىم مەن ءداۋىر دامۋىنا سايكەسىپ، دىنگە سەنۋشىلەردى بۇددا ءدىنىنىڭ تاعىلىمىن تىڭداۋ ارقىلى كەڭ پەيىل، ەڭبەكشىل، بەلسەندى، پاراساتتى بولۋعا باستاۋ.

 


اۋدارعان: نۇرزيا جۇماقان قىزى