ەكى  ٴماجىلىس حابارلارى   
ۇلتتار ىنتىماعى شينجياڭ ءار ۇلت حالىقىنىڭ جان تامىرى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-12 11:05


    ءوز حابارىمىز: شينجياڭ ەجەلدەن بەرى كوپ ۇلت قونستانعان ءوڭىر، ۇلتتار ىنتىماعى شينجياڭداعى ءار ۇلت حالىقىنىڭ جان تامىرى، ولار ۇلتتار ىنتىماعىن كۇز قاراشاعىنداي ايالاپ، تىرشىلىك تىنسى رەتىندە قاستەرلەپ كەلەدى. مەملەكەتتىك حالىق قۇرىلتايىنىڭ ۋاكىلى، شينجياڭ ۇيعۇر اۆتونوميالى رايونىنىڭ ورىنباسار ءتوراعاسى جاروللا يسامدين ناۋرىزدىڭ 11- كۇنى ورتالىق حالىق راديو ستانسياسىنىڭ ەكى ءماجىلىس جونىندەگى ارناۋلى حابارىنا قاتىناسىپ، نەگىزگى ساتى ۋاكىلدەرىمەن بىرلىكتە شينجياڭنىڭ ۇلتتار ىنتىماعى مەن دامۋ جولىن اڭگىمەلەدى.


    ناۋرىزدىڭ 10- كۇنى تۇستەن بۇرىن، باس شۋجي شي جينپيڭ شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناستى.


    شينجياڭ ۇيعۇر اۆتونوميالى رايونىنىڭ ورىنباسار ءتوراعاسى جاروللا يسامدين باس شۋجيمەن بەتپە - بەت وتىرىپ اڭگىمەلەسكەنىنەن كەيىن، شينجياڭىنان كەلگەن ۋاكىلدەر ەرەكشە اسەرلەنىپ، ايرىقشا شابىت الدى -دەدى. جاروللا يسامدين بىلاي دەدى: باس شۋجي شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم ورنىقتىلىق بارسىندا العا باسۋداي قىزمەت جالپى ىرعاعىندا تاباندى بولىپ، قامداۋ جاعىنداعى قۇرلىمدىق رەفورمانى بەلسەندى ىلگەرلەتىپ، شارۋاشىلىق قۇرىلىمىنا بۇرىلىس جاساۋدى تەزدەتىپ، جىبەك جولى شارۋاشىلىق بەلدەۋىنىڭ وزەكتى رايون قۇرىلىسىن ورنىقتى ىلگەرلەتىپ، ۇلتتار ىنتىماعىن اناعۇرلىم بەكەمدەپ، ءار ۇلت باۋىرلاستارى الاڭسىز كاسپپەن شۇعىلدانىپ، حالىق تۇرمىستى ءورتىس جاقسارىپ، مادەنيەت ىستەرى مايەكتەنىپ، باياندى دامۋعا قول جەتكىزدى. اسىرەسە وتكەن جىلى شينجياڭ ۇلتتار ىنتىماعىنىڭ بەرەكەلى شاڭىراعىن قۇرۋ قيمىلىن ورىستەتىپ، ءار ۇلت جۇرتشىلىعى اراسىنداعى، كادىرلار مەن جۇرتشىلىق اراسىنداعى تۇسىنىك تەرەڭدەدى، جۇپ قۇراپ تۋىس تابۋ قيمىلى جاقسى ورستەدى، مەندە ءبىر تۋىس تاپتىم. ونىڭ اتى جاۋ زۇڭرۇڭ ادەتتە تەلەفون ارقىلى سويلەسىپ تۇرامىز، سەمياسىندا قانداي جاعداي بولسا ماعان حابارلاپ تۇرادى. تۋىس تابۋ قيمىلى ارقىلى ءار ۇلت باۋىرلاستارى اراسىنداعى اۋىس - كۇيىس تەرەڭدەدى.

    
شينجياڭىنىڭ ەكولوگيالىق ورتاسى ءبىرشاما ناشار، شينجياڭىنىڭ كەدەيلىك ماسەلەسى دە باتىس وڭىردىڭ شارۋاشىلىق قوعام دامۋىنا ىقپال ەتىپ كەلە جاتقان ماسەلەلەردىڭ ءبىرى. كەدەيلەردى سۇيەمەلدەۋ تەبىنىن ارتتىرىپ، ءار ۇلت باۋىرلاستارىن كەدەيلىكتەن ارىلتۋ قادامىن جەەلدەتۋ اۆتونوميالى رايوننىڭ ماڭىزدى قىزمەت تۇيىنى. ورىنباسار ءتوراعا جاروللا: شينجياڭ كەدەيلەردى دالمە - دال سۇيەمەلدەۋ مەن حالىق تۇرمىسىن جاقسارتۋعا بارىنشا كۇش سالىپ وتىر- دەپ كورسەتتى


    جاروللا يسامدين ءتۇرلى تيىمىدىلىك ساياساتتاردىڭ جەبەۋىندە، شينجياڭداعى ءار ۇلت حالقى ۇلتتار ىنتماعىن قىزمەتىن جاقسى ىستەپ، اناعۇرلىم زور دامۋعا قول جەتكىزەدى - دەدى.


اۋدارعان: سەرىك راقىم ۇلى