ەكى  ٴماجىلىس حابارلارى   
12-كەزەكتى مەملەكەتتىك حالىق قۇرىلتايىنىڭ زاڭ كوميتەتى جالپى ءماجىلىس اشتى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-12 11:07


    شينحۋا اگەنتتىگىنىڭ حابارى: 12-كەزەكتى مەملەكەتتىك حالىق قۇرىلتايىنىڭ زاڭ كوميتەتى ناۋرىزدىڭ 11-كۇنى تۇستەن بۇرىن جالپى ءماجىلىس اشىپ، ءارقايسى ۋاكىلدەر ۇيىرمەلەرىنىڭ قاراۋ پىكىرى بويىنشا ازاماتتىق زاڭ جالپى ەرەجەسىنىڭ دايىندىق جوباسىن جانە 13-كەزەكتى مەملەكەتتىك حالىق قۇرىلتايى ۋاكىلدەرىنىڭ سانى مەن سايلام ماسەلەسى جايلى ۇيعارىم دايىندىق جوباسىن، شياڭگاڭ ەرەكشە اكىمشىلىك رايونىنىڭ 13-كەزەكتى مەملەكەتتىك حالىق قۇرىلتايى ۋاكىلدەرىن سايلاۋ ءادىسىنىڭ دايىندىق جوباسىن، اۋمىن ەرەكشە اكىمشىلىك رايونىنىڭ 13-كەزەكتى مەملەكەتتىك حالىق قۇرىلتايى ۋاكىلدەرىن سايلاۋ ءادىسىنىڭ دايىندىق جوباسىن ءبىر تۇتاس قاراپ تالقىلادى. زاڭ كوميتەتىنىڭ مۇشەلەرى ماجىلىسكە قاتىناستى. مەملەكەتتىك حالىق قۇرىلتايى ىشكى ىستەر ءادىليا كوميتەتى، ەڭ جوعارى حالىق سوتى، ەڭ جوعارى حالىق پروكۋراتۋراسى، مەملەكەتتىك كەڭەستىڭ زاڭ-ءتۇزىم كەڭسەسى، جۇڭگو قوعامدىق عىلىمدار اكادەمياسى جانە جۇڭگو زاڭ ءىلىمى قوعامىنىڭ قاتىستى جاۋاپتىلارى ماجىلىسكە قاتىناستى.


    12-كەزەكتى مەملەكەتتىك حالىق قۇرىلتايىنىڭ 5-رەتكى ءماجىلىس كۇن ءتارتىبى بويىنشا، ءارقايسى ۋاكىلدەر ۇيىرمەلەرى ناۋرىزدىڭ 10-كۇنى ازاماتتىق زاڭ جالپى ەرەجەسىنىڭ دايىندىق جوباسىن قاراپ تالقىلادى.


    جينالىستىڭ حاتشىلار باسقارماسى ۋاكىلدەردىڭ ورتاعا قويعان پىكىرلەرىن دەركەزىندە جيناپ، رەتتەدى. سول كۇنى اشىلعان زاڭ كوميتەتىنىڭ ماجىلىسىندە ۋاكىلدەردىڭ ورتاعا قويعان پىكىرلەرى مۇقيات زەرتتەلىپ، ازاماتتىق زاڭ جالپى ەرەجەسىنىڭ دايىندىق جوباسى مەن «ءبىر ۇيعارىم، ەكى ءادىس دايىندىق جوباسىنا» وزگەرىس ەنگىزىپ، كەمەلدەندىرۋ ءىسى زەرتتەلدى، قاراۋ ناتيجەسىن دوكلات ەتۋ جانە دايىندىق جوباسىنا وزگەرىس ەنگىزۋ ورتاعا قويىلدى. كەلەر ساتىدا، زاڭدىق ءتارتىپ بويىنشا جينالىس ءتوراعالار القاسى تۇراقتى ىستەر ءتوراعا ءماجىلىسى مەن ءتوراعالار القاسى ماجىلىسىندە قارالىپ، تالقىلانعاننان كەيىن ءارقايسى ۋاكىلدەر ۇيىرمەلەرىنىڭ جالپى ماجىلىسىندە قارالادى.


    زاڭ شىعارۋ زاڭىنداعى بەلگىلەمە بويىنشا، مەملەكەتتىك حالىق قۇرىلتايى ءماجىلىسىنىڭ كەڭەس تارتىبىنە ەنگىزىلگەن زاڭ جوباسىن مەملەكەتتىك حالىق قۇرىلتايىنىڭ زاڭ كوميتەتى ءارقايسى ۋاكىلدەر ۇيىرمەلەرى مەن قاتىستى ارناۋلى كوميتەتتىڭ قاراۋ پىكىرى بويىنشا زاڭ جوباسىن ءبىر تۇتاس قاراپ-تالقىلاپ، قاراۋ ناتيجەسى جايلى دوكلات بەرەدى جانە زاڭ دايىندىق جوباسىنا وزگەرىس ەنگىزەدى.

 


اۋدارعان: امانتاي مۇسايىپ ۇلى