ەكى  ٴماجىلىس حابارلارى   
12-كەزەكتى مەملەكەتتىك حالىق قۇرىلتايىنىڭ 5-رەتكى ءماجىلىسى تىلشىلەردى 4 مايدان قابىلداۋ جيىنىن اشتى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-12 11:14


    ءوز حابارىمىز: 12-كەزەكتى مەملەكەتتىك حالىق قۇرىلتايىنىڭ 5-رەتكى ءماجىلىسى ناۋرىزدىڭ 11-كۇنى تىلشىلەردى 4 مايدان قابىلداۋ جيىنىن اشتى. ونەركاسىپ جانە ينفورماتسيالاندىرۋ مينيسترى مياۋ يۇي، مەملەكەتتىك دەنساۋلىق ساقتاۋ-جوسپارلى تۋىت كوميتەتىنىڭ مەڭگەرۋشىسى لي بين، عىلىم-تەحنيكا مينيسترى ۋان گاڭ، ساۋدا ىستەرى مينيسترى جۇڭ شان تىلشىلەردىڭ سۇراۋلارىنا جەكە-جەكە جاۋاپ قايتاردى.


    توراپ قارقىنىن تەزدەتىپ، اقىسىن ارزانداتۋ ماسەلەسى جايلى ونەركاسىپ جانە ينفورماتسيالاندىرۋ مينيسترى مياۋ يۇي بىلاي دەدى: قولفون ارقىلى الىس جەردەگىلەرمەن حابارلاسۋ اقىسى جانە سىرت جەردە قولفونمەن حابارلاسۋ اقىسىن كۇشىنەن قالدىرۋعا وسكەلەڭ ءمان بەرۋدەمىز.


    مەملەكەتتىك دەنساۋلىق ساقتاۋ-جوسپارلى تۋىت كوميتەتىنىڭ مەڭگەرۋشىسى لي بين نەگىزدىك ەمدەلۋ قامسىزداندىرۋىن بۇكىل ەلدە توراپ ارقىلى بايلانىستىرىپ سىرت جەردە ەسەپتەن كوتەرتۋ جايلى بىلاي دەدى: بۇل دا وسى كەزەكتى ۇكىمەتتىڭ بەرگەن ءبىر ۋادەسى. قاتىستى تاراۋلار مەن جەر-جەرلەردە قاتاڭ بويسىنۋدا. بىلتىر ولكە ىشىندەگى سىرت جەرلەردە تىكەلەي ەسەپتەن كوتەرتۋ جولعا قويىلدى، بيىل تەبىندى ارتتىرامىز.


    دۇنيە ءجۇزى بويىنشا عىلىم-تەحنيكا جاعىندا ەگەي ەل قۇرۋ ماسەلەسى جايلى عىلىم-تەحنيكا مينيسترى ۋان گاڭ بىلاي دەدى: ەلىمىزدىڭ تۇلعالىق عىلىم-تەحنيكا قۋاتى ءۇرتىس ارتۋدا، شارۋاشىلىق پەن قوعامنىڭ دامۋىنا بولعان جەتەكشىلىك رولى دا كورنەكتى كۇشەيىپ، ەلەۋلى تابىستار قولعا كەلدى، قاتىستى ءبىر قىدىرۋ ساياساتتار جاسالۋدا.


    سىرتقى ساۋدا جاعىنداعى نىساناعا قول جەتەمە، جوق پا؟-دەگەن ماسەلە جايلى ساۋدا ىستەرى مينيسترى جۇڭ شان بىلاي دەدى: بيىل قاڭتار-اقپان ايلارىندا ەلىمىزدىڭ يمپورت-ەكسپورتى شىنىمەن ارتتى، كەلەر ساتىدا ءبىز قامداۋ جاعىنان باستاپ كىرىسىپ، سانىن ارتتىرىپ-ساپاسىن جوعارىلاتىپ، ساۋدا جاعىندا ەگەي ەل بولۋ اياق الىسىن تەزدەتەمىز.


اۋدارعان: امانتاي مۇسايىپ ۇلى