ەكى  ٴماجىلىس حابارلارى   
شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەت باياندامالارىن گرۋپپالارعا ءبولىنىپ قارادى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2017-03-14 11:09

 

 

    شينجياڭ گازەتىنىڭ تىلشىلەرى ياۋ تۇڭ، لي ياڭ 13-ناۋرىزدا بەيجيڭنەن حابارلايدى. مەملەكەتتىك 12-كەزەكتى حالىق قۇرىلتايىنىڭ 5-ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى 13-ناۋرىزدا ۋاكىلدەردىڭ گرۋپپالار جيىنىن وتكىزىپ، ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەت باياندامالارىن قارادى.

 

مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى ۇلت كوميتەتىنىڭ ورىنباسار مەڭگەرۋشى جوراسى اسحات كەرىمباي ۇلى قاتارلى ۋاكىلدەر تالقىعا قاتىناستى. ەڭ جوعارى حالىق سوتى مەكەمەسى سوت القاسىنىڭ ارناۋلى مىندەتتەگى مۇشەسى دۋ ۋانحۋا جانە ەڭ جوعارى حالىق سوتى مەكەمەسىنىڭ قاتىستى تاراۋلارىنىڭ جاۋاپتىلارى، ەڭ جوعارى حالىق پروكۋراتۋراسىنىڭ قاتىستى تاراۋلارىنىڭ جاۋاپتىلارى جيىنعا قاتىناسىپ، پىكىرلەردى تىڭدادى.

 

 

ۋاكىلدەر ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن توڭىرەكتەي وتىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، قاتاڭ سوققى بەرۋ ارناۋلى ارەكەتىن، بولشەكتەۋشىلىككە قارسى تۇرۋ كۇرەسىن، لاڭكەستىككە قارسى تۇرۋدى تەرەڭدەتۋمەن ت.ب ۇشتاستىرىپ، ماسەلەلەردى اقىلداسىپ، ونى شەشۋدىڭ ءادىسىن تاۋىپ، ۇسىنىس بەردى. كوپشىلىك بىلاي دەپ قارادى: ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەت باياندامالارىندا تۇيىندەر، جارقىن تۇيىندەر بار، ءادىليا ءتۇزىلىس رەفورماسى مىندەتىن جاپپاي تياناقتاندىرۋدا كورنەكتى ناتيجەلەرگە قول جەتكەن. وتكەن ءبىر جىلدا ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى باس شۋجي شي جينپيڭنىڭ ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن دەن قويا دايەكتى تياناقتاندىرىپ، ءتورت تانىمدى بەرىك ورناتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان-اياق وسكەلەڭ ءبىر اۋىزدىلىقتى ساقتاپ، «حالىق بۇقاراسىنىڭ ءاربىر ءادىليالىق دەلودا ادىلدىكتى، تۋراشىلدىقتى سەزىنۋىنە مۇمكىندىك جاساۋعا قۇلشىنۋ» نىساناسىن بەرىك ارقاۋ ەتىپ، «حالىق ءادىلياسىن حالىق ءۇشىن جۇرگىزۋ» باعىتىنا تاباندى بولىپ، دەلو قاراۋشىنىڭ تورەلىك ايتۋىنا، تورەلىك ايتۋشىنىڭ جاۋاپتى بولۋىنا مۇمكىندىك جاساپ، جازىقسىز ادامنىڭ قىلمىستىق ىستەر بويىنشا قۋزاستىرىلماۋىنا كەپىلدىك ەتىپ، حالىق بۇقاراسىنا انىق تاسىلمەن ادىلدىكتى، تۋراشىلدىقتى ىسكە اسىرىپ، نەگىزگى زاڭ مەن زاڭداردا جۇكتەلگەن مىندەت جاۋاپكەرشىلىگىن ادالدىقپەن ادا ەتىپ، قىزمەتتەردە جاڭا ىلگەرىلەۋشىلىككە قول جەتكىزدى.

 

 

ۋاكىلدەر بىلاي دەدى: ادىلدىك تارازىسىن كوتەرىپ، تۋراشىلدىق سەمسەرىن ۇستاۋ كەرەك. ءادىليا ورگاندارى قوعامدىق ادىلدىكتى، تۋراشىلدىقتى قورعاۋشى رەتىندە مەملەكەتتى زاڭ بويىنشا جاپپاي جونگە سالۋدا توتەنشە ماڭىزدى رول اتقارادى. مەملەكەتتى زاڭ بويىنشا جاپپاي جونگە سالۋدى دەن قويا دايەكتى تياناقتاندىرىپ، نەگىزگى زاڭنىڭ، زاڭداردىڭ بەدەلىن بەرىك ورناتىپ، زاڭدى ءادىل، جۇيەلى، مادەنيەتتى اتقارىپ، زاڭمەن جونگە سالۋ وي ءتاسىلىن قوعامدىق جونگە سالۋدىڭ ءارقايسى بۋىندارىنىڭ جالپى بارىسىنا ءسىڭىرىپ، حالىق بۇقاراسىنا ءاربىر دەلودان ادىلدىكتى، تۋراشىلدىقتى سەزىندىرىپ، وسى ارقىلى ءار ۇلت حالىق بۇقاراسىنىڭ زاڭدى شىن جۇرەكتەن مويىنداۋىنا، قادىرلەۋىنە، بويسىنۋىنا جانە قۇلاق اسۋىنا مۇمكىندىك جاساپ، شينجياڭدى زاڭ بويىنشا جونگە سالۋدى، زاڭمەن جونگە سالىناتىن شينجياڭ قۇرۋدى ونان ارى ىلگەرىلەتۋ كەرەك.

 

حۋاڭ ۋي، سارقىت اقان ۇلى، ليۋ شينچي، ءمامتىمىن ياسىن، دۇڭ شينگۋاڭ، حۋاڭ رۇڭ، جاروللا يسامدين قاتارلى ۋاكىلدەر تالقىعا قاتىناستى.

 

 

شينجياڭ گازەتى