ەكى  ٴماجىلىس حابارلارى   
ءۇي وتىراتىن باسپانا اينالىمعا سالاتىن تاۋار ەمەس
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-15 09:01


    ءوز حابارىمىز: تۇرعىن ءۇي حالىق تۇرمىسىنىڭ نەگىزى، سان مىڭداعان وتباسىنىڭ نەگىزدىك تۇرمىسىن قامتاماسىزداندىرۋعا ساياتىن ماڭىزدى ءتۇيىن، سوندىقتان ءۇي باعاسىنىڭ دامۋ بەتالىسى جۇرت نازارىن جالپى بەتتىك اۋدارىپ كەلەدى. تاياۋ جىلداردان بەرى، ەلىمىز قوراجاي بازارىن تەڭشەپ ۇستاۋ تەبىنىن ارتتىرۋمەن بىرگە الۋان ءتۇرلى شارالار قولدانىپ، وتباسى سايىن ءۇي بولۋعا كەپىلدىك ەتۋدە.


    مەملەكەتتىك حالىق قۇرىلتايىنىڭ ۋاكىلى، انحۇي ولكەسى حىفي قالالىق پارتيا كوميتەتىنىڭ شۋجيى سۇڭ گوچۋان بىلاي دەدى: ءۇي وتىراتىن باسپانا اينالىمعا سالاتىن تاۋار ەمەس. بۇل ورتالىق شارۋاشىلىق قىزمەت ماجىلىسىندە قوراجاي بازارى جونىندە تۇراقتاندىرعان ايقىن تۇجىرىم. ءۇي باعاسى ارتۋ قىسىمىنا ۇشىراعان قالالار الدا تەڭشەپ ۇستاۋ ساياساتىن جالعاستى قولدانادى. حىفي قالاسى قۇرىلىس مينيسترلىگى ءتۇيىندى باقىلاۋعا العان 16 قالانىڭ ىشىندە ءۇي باعاسىنىڭ ارتۋ قارقىنى ءبىرشاما تەز بولعان قالالاردىڭ ءبىرى. سوندىقتان حىفي قالاسى الدا قوراجاي بازارىن تۇرگە بولىپ تەڭشەپ ۇستاپ، قوراجاي سالۋعا ىستەتىلەتىن جەر كولەمىن ارتتىرادى، سونىمەن بىرگە قوراجاي بازارىنا قاتىستى ارەكەتتەردى دە بىرتىندەپ جونگە سالادى.


    مەملەكەتتىك ساياسي كەڭەستىڭ مۇشەسى حۋاڭ چيسىن بىلاي دەدى: قوراجاي بازارىن تەڭشەپ ۇستاۋ جاعىندا ءسوز جوق ورنىقتى ساياسات اتقارۋ كەرەك، مۇندا ماكرولىق تەڭشەۋ ساياساتى ءونىمدى جۇرگىزىلۋى ءتيىس، سونىمەن بىرگە فينانىستىق باقىلاپ باسقارۋدى ءتىپتى دە جۇيەلەندىرۋ تيىس، قورا جاي بازارىندا بيىل وتكەن جىلدارداعى سياقتى زور تولقۋ تۋىلمايدى.


    مەملەكەتتىك حالىق قۇرىلتايىنىڭ ۋاكىلى ساي جيميڭ بىلاي دەدى: تۇرعىنداردى ءوزى وتىراتىن ۇيمەن قامداۋ سالىستىرماسىن جوعارىلاتىپ، قوراجاي بازارىنا قارجى قوسۋ ارقىلى پايدانى كوزدەۋ ارەكەتتەرىن تەجەۋ كەرەك. قالالاردا جاڭادان ءۇي سالۋعا بولىنگەن جەردىڭ %60 تا %70 تىن تۇرعىنداردىڭ ءوزى وتىراعان ۇيلەرگە ءبولۋ كەرەك، سونىمەن بىرگە بەس جىلدىڭ ىشىندە ونى اينالىمعا سالۋعا بولمايتىن ەتىپ شەكتەمە قويۋ ءتيىس. تۇرعىن ءۇيدى بازارعا سالىپ پايدانى كوزدەۋ ارەكەتىن ءونىمدى تەجەيتىن بولسا ءۇيدىڭ بايىرعى ادامدار تۇراقتاپ وتىرىپ باسپانا ەتەتىن رولى قايتادان قالپىنا كەلدى.