ەكى  ٴماجىلىس حابارلارى   
12-كەزەكتى مەملەكەتتىك حالىق قۇرىلتايىنىڭ 5-ٴماجىلىسى اياقتادى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-15 10:24


    ءوز حابارىمىز: ناۋرىزدىڭ 15-كۇنى تۇستەن بۇرىن، 12-كەزەكتى مەملەكەتتىك حالىق قۇرىلتايىنىڭ 5-ءماجىلىسى بەيجيڭدەگى حالىق سارايىندا جابىلۋ سالتىن وتكىزدى. ماجىلىستە ۇكىمەت قىزمەتىنەن بايانداما، جىلدىق جوسپار، جىلدىق مەجە ەسەپ،، حالىق قۇرىلتايى ءتۇراقتى كوميتەتىنىڭ قىزمەت بايانداماسى، ەڭ جوعارى حالىق سوتىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى قاتارلى التى قاۋلى جوبا، ازاماتتىق ىستەر زاڭى جالپى ەرەجە جوباسى، 13-كەزەكتى مەملەكەتتىك حالىق قۇرىلتايى ۋاكىلدەرىنىڭ سانى مەن سايلام ماسەلەسى جونىندەگى قاۋلى جوبا، شياڭگاڭ ەرەكشە اكىمشىلىك رايونىنان 13-كەزەكتى مەملەكەتتىك حالىق قۇرىلتايى ۋاكىلىن سايلاۋ ءادىسى جونىندەگى جوبا، اۋمىن ەرەكشە اكىمشىلىك رايونىنان 13-كەزەكتى مەملەكەتتىك حالىق قۇرىلتايى ۋاكىلىن سايلاۋ ءادىسى جونىندەگى جوبا، مەملەكەتتىك حالىق قۇرىلتايى ءتۇراقتى كوميتەتىنىڭ شۇي شينانميڭىنىڭ 12-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەسىندىك مىندەتىنەن بوساۋ ءوتىنىشىن قابىلداۋدى تۇراقتاندىرۋ جونىندەگى قاۋلى جوبا داۋسقا سالىنىپ ماقۇلداندى.


    جابىلۋ سالتىنان كەيىن، مەملەكەتتىك كەڭەستىڭ زۇڭليى لي كىچياڭ ءماجىلستى حابارلاعان جۇڭگو--شەتەل تىلشىلەرىمەن كەزدەسىپ ولاردىڭ سۇراقتارىنا جاۋاپ بەردى.

 

اۋدارعان: نۇربولات ءداۋىتاقىن ۇلى