ەكى  ٴماجىلىس حابارلارى   
ۋاكىل-مۇشەلەر مەملەكەت ءىسىن تالقىلادى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-15 18:55


    ءوز حابارىمىز. مەملەكەتتىك ەكى ءماجىلىس بۇگىن جەڭىسپەن جابىلادى، بۇل وسى كەزەكتى مەملەكەتتىك حالىق قۇرىلتايى مەن مەملەكەتتىك ساياسي كەڭەستىڭ سوڭعى ءماجىلىسى. پارتيانىڭ 18-قۇرىلتايىنان بەرگى بەس رەتكى ماجىلىسكە نازار سالساق، باس شۋجي شي جينپيڭ جىل سايىن حالىق قۇرىلتايىنىڭ، ساياسي كەڭەستىڭ ۇيىرمە-گرۋپپالارىنا بارىپ، ۋاكىلدەرمەن بىرگە مەملەكەت ءىسىن اقىلداسىپ، حالىق بۇقاراسىن باقىتقا كەنەلتۋ جولىن قاراستىرعاندىعىن بايقايمىز.

    
    مەملەكەتتىك ساياسي كەڭەستىڭ مۇشەسى، چيڭحاي ۆەنيۋەرسيتەتىنىڭ باستىعى ۋاڭ گۋاڭچيان بىلاي دەدى: 2013-جىلعى ەكى ءماجىلىس كەزىندە، باس شۋجي شي جينپيڭ ءبىزدىڭ عىلىم-تەحنيكا قوعامىنىڭ، عىلىم-تەحنيكا سالاسىنىڭ مۇشەلەرىنە امانداسا كەلدى، عىلىم-تەحنيكا قىزمەتكەرلەرى بولعان ءبىز بۇدان ەرەكشە شابىت الدىق. مەن باس شۋجي شي جينپيڭعا جاس عىلىم-تەحنيكا قىزمەتكەرلەرىنىڭ ەڭبەكاقى مامىلەسى تومەن بولۋ قاتارلى ماسەلەلەردى اڭىس ەتكەن ەدىم، باس شۋجي ءبىر جاعىنان تىڭداپ، ءبىر جاعىنان ەستەلىككە الىپ، مەنىڭ ءسوزىمدى تۇراقتاندىردى. عىلىم-تەحنيكادا جاڭالىق جاراتۋ جونىندە باس شۋجي ەكەۋمىزدىڭ ويلاعانىمىز ءبىر جەردەن شىقتى، ول كوپشىلىكتى قيانكەسكى ۆەنيۋەرسال مەملەكەت قۋاتى باسەكەسىندە ارىنداي العا ۇمتىلىپ، دەربەس جاڭالىق جاراتۋدىڭ تىڭ جولىنا تۇسۋگە جىگەرلەندىردى.


    مەملەكەتتىك حالىق قۇرىلتايىنىڭ ۋاكىلى، شاڭحاي قالالىق قوعامدىق عىلىم ورنىنىڭ باستىعى ۋاڭ جان بىلاي دەدى: باس شۋجيدىڭ الدىندا ەكى رەت پىكىر-ۇسىنىس بەردىم. 2014-جىلى، ءبىز پۋدۇڭداعى شاڭحاي ەركىن ساۋدا رايونى قۇرىلىسىن تالقىلاپ جاتقان بولاتىنبىز، سول كەزدە باس شۋجي ءبىزدى جۇرەكتىلىكپەن ىستەپ، باتىلدىقپەن سىناق جاساپ، دەربەس رەفورما جۇرگىزىپ، ەلىكتەي جاسالاتىن، جالپىلاستىرۋعا بولاتىن جاڭا ءتۇزىمدى تەزىرەك قالىپتاستىرۋعا جىگەرلەندىردى. 2015-جىلى ءبىز چاڭجياڭ شارۋاشىلىق بەلدەۋى قۇرىلىسىن تالقىلاعان كەزدە، مەن چاڭجياڭ جاعالاۋىنىڭ ەكولوگيالىق ورتاسىن قورعاۋ ۇسىنىسىن قويدىم. ەكىنشى جىلى اشىلعان چاڭجياڭ شارۋاشىلىق بەلدەۋىن دامىتۋ اڭگىمە ماجىلىسىندە، باس شۋجي ورتانى كوزسىزدىكپەن اشپاي، بارىنشا قورعاۋدى ايقىن ورتاعا قويدى. ءبىزدىڭ كوكەيىمدەگى ىستەردى باس شۋجي دا ەسىنەن شىعارمايتىندىعىن وسى بارىستا سەزىندىم.


    مەملەكەتتىك حالىق قۇرىلتايىنىڭ ۋاكىلى، داچيڭ مۇناي الابىنىڭ بۇرىنعى پارتكوم شۋجيى جياڭ ۋانچۇن اسەرلەنە بىلاي دەدى: بىلتىرعى ەكى ءماجىلىس كەزىندە باس شۋجي حيلۇڭجياڭ ۋاكىلدەر ۇيىرمەسىنە كەلگەندە ماعان ايتقان سوزدەرىن ەسىمە السام، ايىرىقشا اسەرلەنىپ، قايراتىم تاسقىنداي تۇسەدى. باس شۋجي مەنەن مۇناي الابىنىڭ تيجاراتى قانداي، جۇمىسشىلاردىڭ كىرىسى قانشا، قوسىن ورنىقتى ما، جوق دەگەن ماسەلەلەردى تاپتىشتەي سۇرادى. باس شۋجي حالىقتى ەشقاشان كوكەيىنەن شىعارىپ كورگەن جوق، جۇمىسشىلاردىڭ جاعدايىن ۇنەمى ۇعىسىپ تۇرادى.


    مەملەكەتتىك حالىق قۇرىلتايىنىڭ ۋاكىلى، لاسا قالاسى ناجين اۋدانى تاما قىستاعى پارتيا ياچەيكاسىنىڭ ءبىرىنشى شۋجيى گىساڭ جوگى بىلاي دەدى: نەشە كۇننىڭ الدىندا وتكىزىلگەن مەملەكەتتىك ەكى ءماجىلىس كەزىندەگى از ۇلت ۋاكىل-مۇشەلەرىنىڭ شاي ماجىلىسىندە، ءساتى ءتۇسىپ، باس شۋجيدىڭ قاسىندا وتىردىم. ءبىز شيزاڭدا ءارقايسى ۇلت باس قوسقان كەزدە «ءبىر انانىڭ ۇل-قىزدارى» دەگەن ءاندى شىرقاۋدى ۇناتامىز، 56 ۇلت ءبىر انانىڭ بالالارى، ءار ۇلتتىڭ تاعدىرى وتاننىڭ تاعدىرىمەن تامىرلاسىپ جاتادى. باس شۋجي: دوڭگەلەك داۋلەتتى قوعامدى جالپى بەتتىك قۇرۋدا ەشقايسى ۇلتتىڭ ارتتا قالۋىنا بولمايدى،-دەگەن كەزدە، اسەرلەنگەندىكتەن شاتىرلاتا شاپالاق سوقتىق. باس شۋجيدىڭ باسشىلىق قامقورلىعىندا، وتانىمىز بارعان سايىن گۇلدەنىپ، تۇرمىسىمىز جاقسارا تۇسەتىن بولادى.

 


اۋدارعان: گۇلنۇر قابىلقاق قىزى