ۋاكىلدەرمەن سۇحبات   
ساياسي كەڭەس مۇشەلەرىنىڭ گرۋپپالار تالقىسى باستالدى
كەلۋقاينارى:جۇڭگو قازاق راديو تورابى     |جاۋاپتى رەداكتور:ايناگۇل|    جاڭالانعان ۋاقىت: 2018-03-07 15:52

ٴوز تىلشىلەرىمىز ايناگۇل تولەگەن قىزى مەن ماقپال كومۇنيسقان قىزى حابارلايدى. ساياسي كەڭەس 13-كەزەكتى مەملەكەتتىك كوميتەتىنىڭ 1-ماجىلىسىنە قاتىناسقان مۇشەلەر ناۋرىزدىڭ 4-كۇنى گرۋپپالارعا ٴبولىنىپ ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەت بايانداماسى مەن ۇسىنىس جوبا قىزمەت احۋالىنان جاسالعان باياندامانى تالقىلادى. بۇدان تىس، ساياسي كەڭەس مۇشەلەرى شارۋاشىلىق، كەدەيلەردى سۇيەمەلدەۋ، مادەنيەت، دەنساۋلىق ساقتاۋ قاتارلى تاقىرىپتاردا ٴسوز قوزعادى.


    ساياسي كەڭەس مۇشەسى ەرزات زادا ۇلى: «مەملەكەتتىك كەڭەستىڭ ٴتوراعاسى يۇي جىڭشىڭنىڭ جاساعان بايانداماسىن تىڭداعاننان كەيىن ەرەكشە رازى بولدىم، 12-رەتكى ساياسي كەڭەستە 29 مىڭنان استام ۇسىنىس تاپسىرىلىپ، 23 مىڭنان استامى تىزىمگە الىندى، ۇسىنىس جوبانىڭ %99 تى شەشىم تاپقان. وسىنىڭ وزىنەن وتكەن بەس جىلداعى قىزمەتتىڭ ٴساتتى بولعانىن اڭعاراۋعا بولادى. باس شۋجي شي جينپيڭنىڭ شينجياڭعا بولعان قامقورلىعى شەكسىز، ٴبىز الدىڭعى بەس جىلدىڭ تاجىريبەسىن توپتاپ، حالىقتى اۋقاتتاندىرۋعا كۇش سالامىز»،-دەدى.


    ساياسي كەڭەس مۇشەسى يۇكساك . ٴشيجات ٴوز اسەرىن بىلاي دەپ جەتكىزدى: «يۇي جىڭشىڭ جولداستىڭ بايانداماسى وتكەن بەس جىلداعى قىزمەتتەرگە شولۋ، بەس جىلدىق قىزمەتتەن العان باستى اسەر، بۇدان بىلايعى قىزمەتتەر جونىندەگى ۇسىنس سىندى 3 مازمۇننان قۇرالعان بولىپ، بىزگە تەك جۇڭگو كوممۋنيستىك پارتياسىنىڭ باسشىلىعىندا عانا دامۋعا بولاتىندىعىن ۇعىندىردى. اۋىلعا قايتقان سوڭ ديقاندارعا ٴماجىلىس رۋحىن جەتكىزىپ، حالىقتىڭ اۋقاتتانۋىنا ٴبىر كىسلىك ۇلەسىمدى قوسۋعا قۇلشىنامىن».


    ساياسي كەڭەس مۇشەلەرى باياندامانىڭ شىندىققا جاناسىمدى ەكەندىگىن، سونداي-اق، وتكەن بەس جىلداعى تابىستاردىڭ تولىقتاي قورىتىندىلانعانىن، حالىق تۇرمىسىنا ٴتيىمدى، جۇرت جۇرەگىنەن ورىن الاتىن ساياساتتاردىڭ جاڭا داۋىردە جاڭا وراي الىپ كەلەتىندىكتەرىنە سەنىمدەرىن ٴبىلدىردى.

باقىلاۋشى: ەرشات سەيىتكامال ۇلى