حالىق تىلەگى   
ٴادىليا ادىلدىگىن بىرلىكتە قورعايىق
كەلۋقاينارى:     |جاۋاپتى رەداكتور:|    جاڭالانعان ۋاقىت: 2018-03-10 20:49


    13-كەزەكتى مەملەكەتتىك حالىق قۇرىلتايىنىڭ 1-ٴماجىلىسى ناۋرىزدىڭ 9-كۇنى تۇستەن كەيىن حالىق سارايىندا 2-جالپى ٴماجىلىسىن اشىپ، ەڭ جوعارى حالىق سوتىنىڭ قىزمەت بايانداماسى مەن ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى. شينجياڭنىڭ ٴادىليا سالاسىنىڭ كادىر-قىزمەتكەرلەرى ٴتۇرلى مەديالار ارقىلى ٴماجىلىس حابارىنا نازار اۋدارىپ، ٴماجىلىس رۋحىنان سۋسىندادى.


    شىڭگىل اۋداندىق حالىق پروكۋراتۋراسىنىڭ باس پروكۋروى مۇقيات قۇسايىن ۇلى قىزمەت دوكلاتىن تىڭداپ قاتتى اسەرلەنگەنىن، وتكەن بەس جىلدا حالىق پروكۋراتۋرا ورگاندارىنىڭ ٴتۇرلى قيىنشىلىقتاردى جەڭىپ، قىزمەتتى جالپى بەتتىك قانات جايدىرىپ، حالىق ٴۇشىن شىنايى قىزمەت وتەپ، ٴادىليا ٴتۇزىلىس رەفورماسىن تەرەڭدەتۋ جاعىندا قوماقتى ناتيجەلەرگە قول جەتكىزگەندىگىن ايتتى.

 


    ەڭ جوعارى حالىق سوتىنىڭ باستىعى جوۋ چياڭنىڭ جاساعان قىزمەت بايانداماسىن تىڭداعان اقساي قازاق اۆتونوميالى اۋدانى حالىق سوت مەكەمەسى دەلو تۇرعىزۋ ٴبولىمىنىڭ باستىعى گۇلباق تايىپ قىزى: «مەن نەگىزگى ساتىدا قىزمەت اتقاراتىن سۋديا بولعاندىعىمنان، ەڭ جوعارى حالىق سوتىنىڭ قىزمەت بايانداماسىن ىشكەرلەي ۇيرەنۋمەن بىرگە، الداعى قىزمەتىمە جەتەكشى باعىت ەتەمىن، ٴارى قىزمەت بايانداماسىنىڭ رۋحىن الدىمەن ٴوزىم جەتە ٴتۇسىنىپ، ودان سوڭ ٴاربىر حالىق-بۇقاراسىنا جەتكىزەمىن»،- دەگەن سەنىمىن ٴبىلدىردى.

 


    شينجياڭ ۇيعۇر اۆتونوميالى رايوندىق ەڭ جوعارى حالىق سوتى مەكەمەسى قىلمىستىق ىستەر ٴبىرىنشى كوللوگياسىنىڭ كومەكشى سوتشىسى ساعدات سايلامقان ۇلى: «وتكەن بەس جىلدا، شينجياڭ قوعام ورنىقتىلىعى مەن باياندى تىنىشتىقتى تىعىز توڭىرەكتەپ، شينجياڭدى زاڭمەن جونگە سالۋ ٴىسىن ىلگەرىلەتتى، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ دەڭگەيى ۇزدىكسىز جوعارىلاتىپ، زاڭمەن جونگە سالۋ تانىمى قوعامدىق باسقارۋ مەن قوعامدىق ٴومىردىڭ سان-سالاسىنا ٴسىڭىپ، زاڭمەن جونگە سالۋ تيانشاننىڭ تۇستىگى مەن تەرىستىگىندە ورنىقتىلىقتى قورعاپ، جاراسىمدىلىقتى جەبەۋدىڭ نەگىزگى ىرعاعىن اۋەلەتتى»،- دەگەن ويىن ورتاعا قويدى.

 


    مەملەكەتتى زاڭمەن جونگە سالۋدىڭ ىشكەرلەپ قانات جايدىرىلىپ، زاڭدار عىلمي جولمەن جاسالىپ، ٴادىليا جۇمىستارى ٴادىل اتقارىلىپ، اكىمشىلىك ىستەر زاڭ بويىنشا جۇرگىزىلىپ، جالپى حالىق جابال زاڭ ۇيرەنىپ، زاڭمەن قارۋلاناتىن تاماشا جاعداي قالىپتاساتىنا سەنىمىمىز كامىل. 

    حاباردى دايىنداعان: گۇلباقشا ٴمادى قىزى