ۇسىنىستار   
مۇشە ياڭ فاميڭ: ەلىمىزدىڭ ءىسلام ءدىنىن جۇڭگولاندىرۋ باعىتىندا تاباندى بولۋ كەرەك،-دەدى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىل|    جاڭالانعان ۋاقىت: 2018-03-11 19:30

    
    شينحۋا اگەنتتىگىنىڭ حابارى: مۇشە ياڭ فاميڭ ناۋرىزدىڭ 10 ـ كۇنى ساياسي كەڭەس13ـ كەزەكتى مەملەكەتتىك كوميتەتى 1 ـ ءماجىلىسىنىڭ 3 ـ رەتكى جالپى ماجىلىسىندە ءسوز سويلەگەندە بىلاي دەدى: ادامزات تاريحىنا جالپىلاي قاراعاندا، ءار قانداي ءدىننىڭ ءومىر ءسۇرۋى مەن دامۋى سول ءدىن تاۋەلدى مەملەكەتتىڭ مويىنداۋىن، تاۋەلدى قوعامعا ۇيلەسۋدى، تاۋەلدى مادەنيەتپەن توعىسۋدى قاجەت ەتەدى. جاڭا داۋىرگە قادام تاستاپ وتىرعان شاقتا، جۇڭگونىڭ ءىسلام دىنىندە بۇرىنعىعا مۇراگەر، كەيىنگىگە بۇيداگەر بولۋدا جۇڭگولاندىرۋ باعىتىندا باستان اياق تاباندى بولۋ، ءوز توپىراعىندا وركەندەپ، ولمەس ومىرشەڭدىك الۋداي ءسوزسىز باساتىن وسىناۋ جولدان جاڭىلماۋ جۇرە بەرۋ كەرەك.


    ياڭ فاميڭ بىلاي دەدى: ءىسلام ءدىنىن جۇڭگولاندىرۋ باعىتى ــ ەلىمىزدىڭ ءىسلام ءدىنىنىڭ تابىستى تاجىريبەلەرىنىڭ قورتىندىسى، جاڭا تاريحي شارت جاعدايدا ەلىمىزدىڭ ءىسلام ءدىنى ىستەرىن اقاۋسىز دامىتۋدىڭ بەرىك نەگىزى. ءىسلام ءدىنىن جۇڭگولاندىرۋ باعىتىندا تاباندى بولۋدا،ءسوزسىز وتاندى، ءدىندى ءسۇيۋ ۇلى تۋىن بيىك كوتەرىپ، جۇڭحۋا ۇلتتارىنىڭ ۇلى كوركەيۋىندەي جۇڭگو ارمانىن تىلەكتەس، بىلەكتەس بولا جۇزەگە اسىراتىن بولۋ ؛ ءسوزسىز جۇڭحۋا ۇلتتارىنىڭ ۇزدىك ءداستۇرلى مادەنيەتى ارقىلى ءىسلام ءدىنىن مايەكتەندىرىپ، جۇڭحۋا ۇلتتارىنىڭ رۋحانيات باقشاسىن ورتاق قورعايتىن بولۋ ؛ ءسوزسىز سوتسيالىستىك وزەكتى قۇن كوزقاراسى ارقىلى باستاماشىلدىق ەتىپ، جۇڭگو ءىسلام ءدىنى ءتالىمياتىنىڭ يدەيا جۇيەسىن قۇرۋ كەرەك.


    جۇڭگو ءىسلام ءدىنى قوعامى مىناداي دارىپتەمە شىعاردى: سوتسيالىستىك وزەكتى قۇن كوزقاراسى تاربيەسىن مەشىتتەردە جۇرگىزۋ؛ جۇڭحۋا ۇزدىك مادەنيەتىن مەشىتتەردە دارىپتەۋ؛ مۇسىلمانداردىڭ وتانشىلدىق وقۋلىعىن مەشىتتەردە جالپىلاستىرۋ؛ ءدىن جورالعىلارىندا، ءدىن مادەنيەتىندە، ءدىنني قۇرىلىستاردا جۇڭگوشا ەرەكشەلىكتى، جۇڭگو سالتىن، جۇڭگو سالاۋاتىن ايگىلەۋ ؛ ءىسلام دىنى سالاسىندا ءدىنني ۇشقارىلىقتى سىن تەزىنە الۋدى جانە ساقتانۋدى شاريعات ايتۋ قىزمەتىندەگى ماڭداي الدى ماڭىزدى ورىنعا قويۋ، كەسەپاتتى الاستاپ اقيقاتتى قولداۋ، ءتۇبىن تۇزەپ، ءتۇبىرىن تازالاۋ كەرەك.


    ياڭ فاميڭ بىلاي دەدى: ءىسلام ءدىنىن جۇڭگولاندىرۋداعى تەتىك ــ وتاندى ءسۇيۋ پەن دىندى ءسۇيۋسى ءوزارا بىرلەستىرۋدە. قالىڭ مۇسىلماندار جۇڭحۋا ۇلتتارىنىڭ ورتاق كوركەيۋىندەي جۇڭگو ارمانىن جۇزەگە اسىرۋدى مەملەكەت پەن ۇلتتىڭ ەڭ جوعارى مۇدەسى ەتۋ، نيەتتەس ـ تىلەكتەس بولىپ، يدەيا مەن كۇش قۋاتتى شوعىرلاندىرىپ، رەفورمالاۋ، ەسىك اشۋ مەن سوتسيالىستىك وسىزامانداندىرۋ قۇرىلىسىنا بەلسەنە ات سالىسسۋ كەرەك. 

    اۋدارعان: قاناتبەك جۇماباي ۇلى