ۇسىنىستار   
ساياسي كەڭەس مۇشەلەرى حالىق تۇرمىسىن جاقسارتۋعا ايالدادى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2018-03-11 19:34


    حالىق گازەتىنىڭ حابارى. ساياسي كەڭەس 13-كەزەكتى مەمىلەكەتتىك كوميتەتىنىڭ 1-ٴماجىلىسى 10-ناۋرىز كۇنى ساياسي كەڭەس مۇشەلەرى حالىقتىڭ تۇرمىس ورەسىن جوعارلاتۋعا جانە جاقسارتۋعا كەپىلدىك ەتۋ تاقىرىبىندا تىلشىلەر ٴماجىلىسىن اشىپ حۋاڭ رۇنچيۋ، ليۋ ليميڭ، ليۋ يۇيسۇن، شۇي جيايىن، ليۋ چياڭدوڭدار ەكولوگيا قىزىل سىزىعى، وقۋعا تۇسۋدەن بۇرىنعى تاربيە، ەمدەۋ-دەنساۋلىق ساقتاۋ ٴتۇزىلىسى رەفورماسى، حالىق تيجاراتىنداعى كاسىپورىندار حالىق تۇرمىسىنا كومەكتەسۋ، كەدەيلەردى كاسىپ ارقىلى سۇيەمەلدەۋ قاتارلى قولامتالى ماسەلە جونىندە تىلشىلەردىڭ سۇراۋىنا جاۋاپ بەردى. اتمەسفورانىڭ لاستانۋىن وڭاۋ جاعدايىنا توقتالعاندا ورتانى قورعاۋ مينسترىنىڭ ورىنباسارى، 3-قىركۇيەك ٴىلمي قوعامى ورتالىق كوميتەتىنىڭ ورىنباسار ٴتورعاسى حۋاڭ يانچيۋ بىلاي دەدى: كەلەسى قادامداعى اتموسفەرانىڭ لاستانۋىن جونگە سالۋدىڭ ٴتۇيىنى كاسىپ قۇرلىمىن، ەنەرگيا قۇرلىمىن، قاتىناس تاسىمال قۇرلىمىن رەتتەۋ مەن ساپالاندىرۋعا سايادى. كاسىپ قۇرلىمىن تۇبەگەيلى رەتتەۋ؛كومىرگە سۇيەنەتىن ەنەرگيا قۇرلىمىن وزگەرتۋ، تەمىرجول تاسىمالىنىڭ ارا سالماعىن جوعارلاتۋ، شەكتەن تىس لاس زاتتاردى شىعاراتىن اۋىر تيپتەگى تاسىمالدى قاتاڭ مەڭگەرۋ كەرەك. ۇيدە قالعان جانە كوشپەلى بالالارعا تەڭ دارەجەدە ساپالى تاربيە بەرۋگە توقتالعاندا جوڭگو حالقارالىق وقۋاعارتۋ اۋىس-كۇيىس بىرلەستىگىنىڭ باستىعى، ەۋروپا-امەريكا ساباقتاستار قوعامىنىڭ ورىنباسار باستىعى ليۋ ليميڭ بىلاي دەدى: قازىر جوڭگوداعى مىندەتتى وقۋ اعارتۋ ساتىسىندا تۇرعان وقۋشى سانى 140 ميليونعا جەتتى. وقۋ اعارتۋ مينسترلىگى ۇيدە قالعان جانە كوشپەلى بالالاردىڭ وقۋ ماعلۇماتىن ەلەكتروندىق جۇيەمەن انىق يگەرىپ وتىر. سونىمەن بىرگە ولار قالاعا كەلسە دە ”ەكىنى كەشىرىپ قوسىمشا بەرۋ“ساياساتىنان يگىلىكتەنەدى. قالاعا كىرگەن جۇمىسكەرلەردىڭ 14 ميليون پەرزەنتىنىڭ 80% تى ۇكىمەت باسقاراتىن مىكتەپتە، قالعاندارى حالىق باسقارۋىنداعى مەكتەپتە وقۋدا. بەيجيڭ ۋينۆەرسيتەتى پارتكومىنىڭ ورىنباسار شۋجيى، مەديتسينا ٴبولىمى پارتكومىنىڭ شۋجيى ليۋ يۇيسۇن بىلاي دەدى: ەمدەۋ-دەنساۋلىق ساقتاۋ ٴتۇزىلىسى رەفورماسى دۇنيەگە ورتاق قيىن ماسەلە. جوڭگو ەڭ ٴىرى دامۋ جولىنداعى ەل رەتىندە زور تىرىسشاڭدىق كورسەتتى، الايدا، كوپتەگەن قيىن تۇيىندەر الى دە شەشىلگەن جوق. مەنشە، كادىر مەن ەڭبەكاقى ٴتۇزىلىسى رەفورماسىن جەبەۋدى تەزدەتىپ، ەمدەۋ قىزمەتكەرلەرىنىڭ بەلسەندىلىگىن جۇمىلدىرىپ، ولارعا جاسالاتىن مامىلەنى بەلگىلى دارەجەدە جوعارلاتىپ، ەڭ ۇزدىك وقۋشىلاردى دارىگەرلىك وقۋعا باۋراۋ كەرەك. حىڭدا توبى جورالار كەڭەسىنىڭ ٴتوراعاسى شۇي جيايىن بىلاي دەدى: بىلتىر جىل سوڭىنا دەيىن حالىق تيرجاراتىنداعى شارۋاشىلىقتىڭ ەل ٴشى جالپى ٴونىم قۇنىنداعى سالىستىرماسى 60% تەن، كاسىپتەنۋى 80% تەن، باجىسى 50% تەن استى. حالىق باسقارۋىنداعى كاسىپورىننىڭ دامۋى پارتيانىڭ ابزال ساياساتى مەن قوعامداعى ٴارسالانىڭ قولداپ-قۋاتتاۋىنان ايرىلا المايدى. پارتيانىڭ 18-قۇرىلتايىنان بەرى ٴبىر توپ حالىق تيجاراتىنداعى كاسپورىن تەزدەن زورايدى. 19-قۇرىلتاي رۋحنىڭ جەتەكشىلىگىندە حالىق تيجاراتىنداعى كاسىپورىندار ٴسوزسىز جىلدام، ويداعىداي دامىپ، حالىق تۇرمىسىن جاقسارتۋدا ٴتىپتى دە زور رول اتقارادى. جاستاردىڭ كاسىپ جاراتۋىنا توقتالعاندا جيڭدوڭ توبى جورالار كەڭەسىنىڭ ٴتوراعاسى، باس اتقارۋشى ليۋ چياڭدوڭ مىناداي ۇسىنىس قويدى: الدىمەن ٴتۇيىندى ٴدال تاۋىپ، ساۋدا فورماسىمەن ٴبىر ٴبولىم كاسىپ پەن قوعامدىق ماسەلەنى شەشۋ؛ ودان كەيىن جاڭا داۋىرگە لايىق سەرگەك تە جاڭاشا اكىمشىلىك-ساۋدا قاتىناسىن ورناتۋ، كاسىپ جاراتۋشىلار مىزعىماس نىسانا مەن باعىت ۇستانىپ، قوعامعا پايدالى ىستەرمەن تاباندىلىقپەن اينالىسسا قالايدا تابىسقا جەتەدى.