سۋرەتتەر سويلەيدى   
جۇڭگو ەكى ٴماجىلىس كەزەڭىنە وتكەندە حالىقارا جۇڭگوعا نازار اۋداردى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2018-03-04 11:55

 

 

    شينحۋا اگەنتتىگىنىڭ حابارى: مەملەكەتتىك ساياسي كەڭەس 13-كەزەكتى 1-ٴماجىلىسىنىڭ ناۋرىزدىڭ 3- كۇنى تۇستەن كەيىن بەيجيڭدە اشىلۋىنا وراي جۇڭگونىڭ ەكى ٴماجىلىس كەزەڭى رەسىمي باستالدى. بيىل ج ك پ 19- قۇرىلتايىنىڭ رۋحىن جالپى بەتتىك دايەكتىلەندىرۋدەگى باستاما جىل، جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى ٴارى دوڭگەلەك داۋلەتتى قوعامدى جالپى بەتتىك قۇرۋدا شەشۋشى شايقاسقا اتتانىپ، 13- بەسجىلدىق جوسپاردى ورىنداۋدا الدىنعىعا مۇراگەر، كەيىنگىگە بۇيداگەر بولۋدىڭ شەشۋشى جىلى، بيىلعى ەكى ٴماجىلىس حالىقارالىق قوعامنىڭ نازارىن وسكەلەڭ اۋداردى، حالىقارا وسى رەتكى ەكى ٴماجىلىس جۇڭگونىڭ جۇڭحۋا ۇلتىن ۇلى كوركەيتۋ نىساناسىن جۇزەگە اسىرۋىنا كۇشتى قوزعاۋشى كۇش قوسادى دەپ قارادى.

 

«گەرمانيا ٴۇنى» راديو ىستانسياسىنىڭ توراپ بەكەتىندە بىلاي دەلىندى: حالىقارالىق قوعام بيىلعى ەكى ماجىلىستە كەيبىر كەلەلى كەڭەس تاقىرىپتارىنا كوبىرەك نازار اۋدارادى.

 

رەسەي اقپارات اگەنتتىگىنىڭ حابارىندا بىلاي دەلىندى: جۇڭگو جاڭا كەزەكتى رەفورما بەلەسىنە قادام تاستادى، ٴبىر سىپىرا ٴتۇيىندى وزگەرىس بولدى. جۇڭگونىڭ باسشىلارى وزدەرى ەڭ تاماشا دەپ قاراعان ساياساتتى اتقارماقشى.

 

ا ق ش- تىڭ «ۆول سترۇيت كوشەسى گازەتىندە» مىناداي ماقالا جاريالاندى: بيىلعى ەكى ٴماجىلىس كەزىندە جۇڭگو ۇكىمەتىنىڭ قۇرىلىم رەفورما جوباسى قارالادى، ٴارقايسى ەلدەر بۇعان قاداعالاي نازار اۋدارۋدا.

 

 

انگليانىڭ ريتەر اگەنتتىگى ەكى ٴماجىلىس كەزىندە ورتاعا قويىلۋى مۇمكىن بولعان شارۋاشىلىق رەفورماسى جايلى جاڭا شارالار، مەملەكەت قۇرىلىمدارىن رەفورمالاۋ سياقتى مازمۇندارعا نازار اۋدارۋدا.

 

جاپونيانىڭ كيودو اگەنتتىگى جۇڭگو ۇكىمەتىنىڭ شارۋاشىلىق سالاسىندا قايسى رەفورما جوبالارىن ورتاعا قوياتىندىعىنا جالعاستى نازار اۋدارۋدا.

 

باس ىشتابى انگليانىڭ لوندون قالاسىنداعى اراب جازۋىندا باسىلاتىن «تۇرمىس گازەتىندە» مىناداي ماقالا جاريالاندى: جۇڭگو كوممۋنيستىك پارتياسى پارتيا مەن مەملەكەت قۇرىلىمدارىن رەفورمالاۋدى جوسپارلاپ، باسقارۋ جۇيەسى مەن باسقارۋ قۋاتىن وسىزامانداندىرۋدى جەبەپ، جالپى بەتتىك دامۋدى تەزدەتپەكشى.

 

اۋدارعان: امانتاي مۇسايىپ ۇلى