سۋرەتتەر سويلەيدى   
مەملەكەتتىك حالىق قۇرىلتايىنىڭ زاڭ شىعارۋداعى تابىستارى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2018-03-12 16:22

 

    ٴوز تىلشىمىز سەرىك راقىم ۇلى بەيجيڭنەن حابارلايدى: 13-كەزەكتى مەملەكەتتىك حالىق قۇرىلتايىنىڭ 1-ٴماجىلىسى 11-ناۋرىز كۇنى تۇستەن كەيىن حالىق سارايىندا 3-جالپى ٴماجىلىسىن اشىپ، بيىلعى ەكى ماجىلىستەگى قولامتالى تاقىرىپتاردىڭ ٴبىرى بولعان «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىنا» داۋىس بەرىپ، 2958 داۋىستىڭ قۇپتاۋى، 2 داۋىستىڭ قارسى شىعۋى، 3 داۋىستىڭ قالىس قالۋىنداي ناتيجەمەن، جوعارى داۋىسىپەن ماقۇلدادى.

 

سوڭىنان 12-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، جاڭ دىجياڭ ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. جاڭ دىجياڭ وتكەن بەس جىلداعى حالىق قۇرىلتايىنىڭ قىزمەتىن جەتى جاقتان قورىتىندىلاپ، حالىق قۇرىلتاي قىزمەتىن ويداعداي جەبەۋ جونىندەگى تابىستى تاجىربيەلەردى ورتاعا قويدى.

 

 

 2017- جىلى جەلتوقساننىڭ سوڭىنا دەيىن جاڭادان 25 ءتۇرلى زاڭ شىعارىلدى، زاڭدارعا 127 رەت وزگەرىس ەنگىزىلدى، قاتىستى زاڭدىق ماسەلەلەر مەن كەلەلى ماسەلەلەرگە 44 پارشا ۇيعارىم شىعارىلىپ، 9 زاڭدىق تۇسىنىك بەرىلدى. بۇلار مەملەكەتتىك 12 – كەزەكتى حالىق قۇرىلتايى تۇراقتى كوميتەتى تاپسىرعان بەس جىلدىق زاڭ شىعارۋدىڭ تابىس تىزىمدىگى سانالادى.

 

كەمەلدى زاڭدىق جۇيە بولۋ -ەل باسقارىپ، بيلىك جۇرگىزۋدىڭ ىرگە تاسى سانالادى. بەس جىلدان بەرى مەملەكەتتىك حالىق قۇرىلتايى تۇراقتى كوميتەتى عىلمي جولمەن زاڭ شىعارۋ، دەموكراتيالىق جولمەن زاڭ شىعارۋدا تاباندى بولىپ، جۇڭگوشا سوتسياليزمنىڭ زاڭدىق جۇيەسىن بىرتىندەپ كەمەلدەندىرىپ، زاڭمەن باسقارىلاتىن جۇڭگو قۇرىلىسىن پارمەندى ىلگەرىلەتتى.

 

 

وسى ورايدا ٴبىز 12- كەزەكتى مەملەكەتتىك حالىق قۇرىلتايىنىڭ زاڭ شىعارۋ قىزمەتىنە بەلسەندى ات سالىسقان 12- كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، مەملەكەتتىك حالىق قۇرىلتايى ۇلتتار كوميتەتىنىڭ ورىنباسار مەڭگەرۋشىسى اسحات كەرىمباي ۇلىنا ميكروفون ۇسىنىپ، 12- كەزەكتى مەملەكەتتىك حالىق قۇرىلتايىنىڭ زاڭ شىعارۋ سالاسىنداعى تابىستارى اياسىندا سۇحبات قۇرىپ ەدىك.

 

 

 

سۇحباتتى دايىنداعان: سەرىك راقىم ۇلى

باقىلاۋشى: ەرشات سەيتكامال ۇلى