سۋرەتتەر سويلەيدى   
ۋاڭ ياڭ مەملەكەتتىك ساياسي كەڭەستىڭ ٴتوراعاسى بولىپ سايلاندى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2018-03-15 09:23

 

    ٴوز حابارىمىز: جاڭا داۋىردەگى جۇڭگوشا سوتسياليزىمىنىڭ ۇلى جەڭىسىن قولعا كەلتىرۋ ۇلى جورىعىندا جىگەرلەنە العا باسقان ساتتە حالىق ساياسي كەڭەسى تاعى ٴبىر رەتكى كونە جانە جاڭا باسشىلاردىڭ الماسۋىن ٴساتتى تامامدادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ ياڭ ناۋرىزدىڭ 14-كۇنى تۇستەن كەيىن وتكىزىلگەن ساياسي كەڭەس 13-كەزەكتى مەملەكەتتىك ورتالىق كوميتەتى 1-ٴماجىلىىسنىڭ 4-جالپى ماجىلسىندە، مەملەكەتتىك ساياسي كەڭەستىڭ ٴتوراعاسى بولىپ سايلاندى. ماجىلىستە تاعى ساياسي كەڭەس ٴتوراعاسىنىڭ 24 ورىنباسار ٴتوراعاسى سايلاندى.

 

سايلام ناتيجەسى جاريالانۋدان بۇرىن 12-كەزەكتى مەملەكەتتىك ساياسي كەڭەستىڭ ٴتوراعاسى يۇي جىڭشىڭ ٴماجىلىس مايدانىنا كەلىپ، جاڭادان سايلاناتىن جاڭا كەزەكتى ساياسي كەڭەس مەملەكەتتىك ٴتۇراقتى كوميتەتىنە قۇتتى بولسىن ايتتى، ٴماجىلىستى باسقارۋشى ۋاڭ ياڭىنىڭ ساياسي كەڭەس 13-كەزەكتى مەملەكەتتىك كوميتەتىنىڭ ٴتوراعاسى بولعانىن جاريالاعاننان كەيىن، يۇي جىڭشىڭ مەن ۋاڭ ياڭ قول ۇستاسقاندا، تۇتاس الاڭدى ۇزاق ۋاقىت شاتىرلاعان شاپالاق ٴۇنى كەرنەدى.

 

ماجىلىستە:جاڭ چيڭلي، ليۋچيباۋ، باپالا.گىلەلاڭجيە، دوڭ جيانحۋا، ۋان گاڭ، حى حوۋحۋا، لۋ جانگوڭ، ۋاڭ جىڭۋي، مابياۋ، چىن شياۋگۋاڭ، لياڭ جىنيڭ، شيا باۋلوڭ، ياڭ چۋانتاڭ، لي بين، باتىر، ۋاڭ يوڭچيڭ، حى ليفىڭ، سۋحۇي، جىڭ جيانباڭ، گۋشىڭزۋ، ليۋ شينچىڭ، حى ۋي، شاۋ حوڭ، گاۋ يۇنلوڭ قاتارلىلار ساياسي كەڭەس 13-كەزەكتى مەملەكەتتىك كوميتەتىنىڭ ورىنباسار ٴتوراعاسى بولىپ سايلاندى.

 

ٴماجىلىس شيا باۋلۇڭدى ساياسي كەڭەس 13 - كەزەكتى مەملەكەتتىك كوميتەتىنىڭ باس حاتشىسىنا سايلادى ٴارى ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ 300 مۇشەسىن سايلادى.

 

ٴماجىلىس ناۋرىزدىڭ 14 - كۇنى تۇستەن كەيىن ساعات 3 دە حالىق سارايىندا اشىلدى، جاڭ چيڭلي، دۇڭ جيانحۋا، حى حوۋحۋا، لياڭ جىڭيىڭ ٴماجىلىستىڭ اتقارۋشى ٴتوراعالارى بولدى، ٴماجىلىستى جاڭ چيڭلي باسقاردى، ساياسي كەڭەس 13 - كەزەكتى مەملەكەتتىك كوميتەتىنىڭ 2158 مۇشەسىنەن 2144 ادام داۋىس بەرۋگە قاتىناستى، بۇل سايلام بەلگىلەمەسىندەگى ادام سانىنا ۇيلەسەدى.

 

 

سايلامنان بۇرىن، ٴماجىلىستىڭ باسقارۋشىسى قىزمەتكەرگە باس بەلەت باقىلاۋشى، بەلەت باقىلاۋشىلار ەسىمدىگىن جاريالاتتى. باس بەلەت باقىلاۋشى، بەلەت باقىلاۋشىلار قىزمەتكە كىرىسىپ، مايدانداعى بەلەت تاستايتىن 23 بەلەت ساندىعىن تەكسەردى. باس بەلەت باقىلاۋشى ەكى ادام ماجىلىسكە بەلەت ساندىعىن تەكسەرۋ ناتيجەسىن باياندادى. ىلە-شالا قىزمەتكەرلەر ەكى بەت سايلام بەلەتىن تاراتتى، بۇل جەكە - جەكە ٴتوراعا، ٴتوراعانىڭ ورىنباسارى، باس حاتشىنى سايلاۋ بەلەتى مەن تۇراقتى كوميتەت مۇشەلەرىن سايلاۋ بەلەتى.

 

مەملەكەتتىك ساياسي كەڭەس 13-كەزەكتى 1-ٴماجىلىسىنىڭ سايلام ادىسىنە ساي، ٴماجىلىس سايلامىندا جاسىرىن داۋىس بەرۋ ٴادىسى قولدانىلدى. ٴتوراعا، ورىنباسار ٴتوراعا، باس حاتشى جانە تۇراقتى مۇشەلەر ۇقساس سالىسترماداعى سايلام ٴادىسى بويىنشا سايلانىپ شىعادى. كانديداتتارعا بەرىلگەن داۋىس سانى بارلىق مۇشە سانىنىڭ تەڭ جارىمىنان اسسا سايلانادى. قىزمەتكەر سايلام بەلەتىن جازۋ تالابىن وقىعاننان كەيىن مۇشەلەر سايلام بەلەتىن تولتىردى. داۋىس بەرۋ باستالعاننان كەيىن، باس داۋىس باقىلاۋشى مەن داۋىس باقىلاۋشى بەلگىلەنگەن ورىندا تۇرىپ الدىمەن داۋىس بەلەتىن ساندىققا تاستادى، مۇشەلەر وتىرعان ورنى بويىنشا بەلگىلەنگەن داۋىس ساندىعىنا بەلەت تاستادى.

 

قىزمەتكەرلەر تاستالعان داۋىس بەلەتىن ەسەپتەپ بولعاننان كەيىن باس داۋىس باقىلاۋشى ٴماجىلىس باسقارۋشىعا داۋىس بەرۋ ناتيجەسى جونىندەگى دوكلاتتى تاپسىردى. ٴماجىلىس باسقارۋشى سايلامنىڭ كۇشكە يە بولعاندىعىن جاريالادى.

 

داۋىس ەسەپتەلىپ بولعاننان كەيىن قىزمەتكەر سايلام داۋىس ناتيجەسىن جاريالادى. سايلام ناتيجەسى- ٴتوراعا، ورىنباسار ٴتوراعا، باس حاتشى جانە تۇراقتى مۇشەلەردەن 325 كانديداتقا جالپى مۇشەنىڭ تەڭ جارىمنان استامى داۋىس بەرىپ، تۇگەلدەي سايلانعاندىعىن كورسەتتى.

 

جاڭادان سايلانعان مەملەكەتتىك ساياسي كەڭەستىڭ ٴتوراعاسى مەن ورىنباسارىنىڭ ورتاشا جاسى 64. ورىنباسار ٴتوراعالاردىڭ ىشىندە كوممۋنيستىك پارتيا مۇشەسىنەن 11 ادام، پارتيادا جوق قايراتكەر 13 ادام، از ۇلت قايراتكەرىنەن 4 ادام جانە ەكى ايەل مۇشە بار. جاڭادان تاعايىندالعان تۇراقتى كوميتەت مۇشەلەرىنىڭ ورتاشا جاسى %59.3 جاس، بۇنىڭ ىشىندە پارتيادا جوق قايراتكەر 195 ادام بولىپ %65 تىن يەلەيدى، از ۇلت قايراتكەرىنەن 33 ادام، 39 ايەل مۇشە بار.

 

زالداعى بارلىق مۇشەلەر دۋ قول شاپالاق سوعىپ جاڭا كەزەكتى ساياسي كەڭەس مەملەكەتتىك كوميتەتى تۇراقتى كوميتەتىنىڭ قۇرىلعاندىعىن قۇتتىقتادى.

 

اۋدارعاندار: نۇربولات ءداۋىتاقىن ۇلى، گۇلميرا قوزىقان قىزى، نازار ءارىپ ۇلى، كۇلان ىرىسباي قىزى