جاڭالىقتار   
زاڭ عىلىم جانە زاڭ سالاسىنداعى مامان وقىمىستىلار نەگىزگى زاڭدى ۇيرەنۋ ۇگىتتەۋ دايەكتىلەندىرۋ اڭگىمە ماجىلىسىن وتكىزدى
كەلۋقاينارى:جۇڭگو قازاق راديو تورابى     |جاۋاپتى رەداكتور:|    جاڭالانعان ۋاقىت: 2018-03-14 18:32

 

    شينحۋا اگەنتتىگىنىڭ حابارى: ناۋرىزدىڭ 13 - كۇنى، ورتالىق ساياسي زاڭ كوميتەتى بەيجيڭدە زاڭ عىلىمى جانە زاڭ سالاسىنداعىلاردىڭ نەگىزگى زاڭدى ۇيرەنۋ ۇگىتتەۋ دايەكتىلەندىرۋ اڭگىمە ٴماجىلىسىن اشتى. ماجىلىسكە قاتىناسقان ماماندار ٴبىر اۋىزدان بىلاي دەپ قارادى: 13 - كەزەكتى مەملەكەتتىك حالىق قۇرىلتايى 1 - ماجىلىسىندە ماقۇلدانعان « جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىن » باتىل قولدايمىز جانە بۇكىلدەي قۇپتايمىز، نەگىزگى زاڭعا وزگەرىس ەنگىزۋ داۋىردىڭ بەتالىسى، ىستەرىمىزدى دامىتۋدىڭ قاجەتى، پارتيا مەن حالىقتىڭ تىلەگى، پارتيا مەن مەملەكەت ىستەرىن گۇلدەندىرۋ، باياندى تىنىشتىقتى ساقتاۋدا كەلەلى مانگە يە. نەگىزگى زاڭعا وزگەرىس ەنگىزۋ جوباسىن مۇقيات ۇيرەنىپ جانە يگەرىپ، نەگىزگى زاڭدى بار كۇشپەن ۇگىتتەپ جانە دايەكتى تياناقتاندىرىپ، ەلدى جالپى بەتتىك زاڭمەن باسقارۋدى جەبەۋ، جۇڭحۋا ۇلتىن ۇلى گۇلدەندىرۋدەگى جۇڭگو ارمانىن جۇزەگە اسىرۋعا ٴتىپتى دە زور ۇلەس قوسامىز.


    جۇڭگو زاڭ عىلىم قوعامى پارتگرۋپپاسىنىڭ شۋجيى، تۇراقتى ىستەرگە جاۋاپتى ورىنباسار باستىعى چىن جيپيڭ بىلاي دەدى: بۇل رەت نەگىزگى زاڭعا وزگەرىس ەنگىزۋ پارتيانىڭ باسشىلىعىنا تاباندى بولعان، زاڭ تارتىپكە قاتاڭ بويسىنعان، دەموكراتيا تولىق ساۋلەلەنگەن، ورتاق تانىم جالپى بەتتىك ۇيىستىرىلعان بولدى ٴارى پارتيانىڭ زاڭ شىعارۋ قىزمەتىنە باسشىلىق ەتۋ، زاڭنىڭ اتقارىلۋىنا كەپىلدىك ەتۋ جانە زاڭعا باس بولىپ ويسىنۋىنىڭ جاندى امالياتى بولدى.


    جۇڭگو ساياسي زاڭ ۋنيۆەرسيتەتىنىڭ باستىعى حۋاڭ جين بىلاي دەدى: جاڭا جاعدايدا، نەگىزگى زاڭعا وزگەرىس ەنگىزۋ پارتيا مەن مەملەكەت ىستەرىن دامىتۋداعى تىڭ تابىس، تىڭ تاجيربە جانە تىڭ تالاپتاردى بەينەلەپ، دەر كەزىندە جۇرگىزىلگەن اسا قاجەتتى وزگەرىس بولدى ، نەگىزگى زاڭعا وزگەرىس ەنگىزۋ نەگىز زاڭنىڭ العا باسارلىعىن، باياندىلىعىن جانە ورنىقتىلىعىن ساقتاۋ ماسەلەسىن شەشىپ قالماستان، نەگىزگى زاڭنىڭ ۇرتىس ومىرشەڭدىگىن ساقتادى.


    بەيجيڭ ۋنيۆەرسيتەتى زاڭ ينيستيتۋتىنىڭ باستىعى جاڭ شۋۋىن بىلاي دەدى: زاڭ عىلىمنىڭ ٴار قايسى پاندەرى نەگىزگى زاڭمەن تىعىز بايلانىستى، ٴار قايسى عىلمي پاندەرگە نەگىزگى زاڭ تۇرعىسىنان زەرتتەۋ جۇرگىزىپ جانە ونى وقىتۋ، وقۋلىق قۇراستىرۋ بارىسىنا دايەكتىلەندىرىپ، وقۋشىلاردىڭ نەگىزگى زاڭدى ىشكەرلەي تولىق يگەرۋىنە جاعداي جاراتۋ كەرەك.


    چيڭحۋا ۋنيۆەرسيتەتى زاڭ ينستيتۋتىنىڭ باستىعى شىن ۋيشيڭ بىلاي دەدى: بۇل رەتكى نەگىزگى زاڭعا وزگەرىس ەنگىزۋ بۇكىل قوعامدا زاڭ تۇزىمدى ۇيرەنۋ ورلەۋىن كوتەردى، چيڭحۋا ۋنيۆەرسيتەتى نەگىزگى زاڭعا وزگەرىس ەنگىزۋدى ماڭىزدى وراي ەتىپ، نەگىزگى زاڭ رۋحىن جاقسى ۇيرەنىپ، جاقسى ۇگىتتەپ جانە جاقسى دايەكتىلەندىرىپ، زاڭ عىلىم وقۋ-اعارتۋ رەفورماسىن ونان ارى ىشكەرلەتىپ، ەلىمىزدىڭ زاڭ تۇزىم قۇرىلىسىنا ساپالى زاڭ دارىندىلارىن جەتىلدىرۋگە كۇش سالادى


    اۋدارعان: نازار ٴارىپ ۇلى