ەكى  ٴماجىلىس حابارلارى   
ساياسي كەڭەس مۇشەلەرى جاڭا بورىش ارقالاپ، جاڭا جورىققا اتتاندى
كەلۋقاينارى:     |جاۋاپتى رەداكتور:|    جاڭالانعان ۋاقىت: 2018-03-15 17:06

ساياسي كەڭەس 13-كەزەكتى مەملەكەتتىك كوميتەتىنىڭ 1-ٴماجىلىسى جەڭىسپەن جابىلدى

 


ٴوز ٴتىلشىمىز ماقپال كومۇنيسقان قىزى، ايناگۇل تولەگەن قىزى بەيجيڭنەن حابارلايدى.

 

ساياسي كەڭەس 13-كەزەكتى مەملەكەتتىك كوميتەتىنىڭ 1-ٴماجىلىسى 15-ناۋرىز كۇنى تۇستەن بۇرىن حالىق سارايىندا جەڭىسپەن جابىلدى.

 

12 كۇن اشىلعان ماجىلىستە ساياسي كەڭەستىڭ مۇشەلەرى مەملەكەتتىڭ دامۋىنا، حالىقتىڭ تۇرمىسىنا ساياتىن تاقىرىپتاردا ۇسىنىس جوبالارىن ورتاعا قويىپ، ٴوزارا كەڭەسىپ تالقىلاپ، ساياسي كەڭەس مۇشەلەرى ورىنداۋعا ٴتيىستى مىندەتتى تولىعىمەن وتەپ، جاڭا داۋىردە جاڭا بورىش ارقالادى.

 

مەملەكەتتىك ساياسي كەڭەستىڭ مۇشەسى باعداۋلەت مۇلىك ۇلى: مەن ساياسي كەڭەس 13-كەزەكتى مەملەكەتتىك كوميتەتى 1-ٴماجىلىسىنىڭ جەڭىسپەن جابىلعاندىعىن قىزۋ قۇتتىقتايمىن، ساياسي كەڭەس مۇشەلەرى مىندەتتەرىن ادالدىقپەن وتەدى، قايتىپ بارعاننان كەيىن ۇزدىكسىز ۇيرەنىپ سەنىمدى بەكەمدەپ، جاۋاپكەرشىلىك ارقالاپ، جاپپاي قۇلشىنىس جاساپ، ساياسي كەڭەس مۇشەسىندىك رولىمدى ساۋلەلەندىرىپ، الدا حالىقتىڭ ٴتول مۇددەسىنە قاتىستى جاقسى ۇسىنىس جوبالاردى ورتاعا قويۋعا تىرىسامىن.

ساياسي كەڭەستىڭ مۇشەسى يۇكساك شيجيايات بىلاي دەدى: پارتيا مەن ۇكىمەتىمىز حالىق تۇرمىسىن ەڭ باستى ورىنعا قويدى، كەزەكتە شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى جۇڭگو ارمانىن ىسكە اسىرۋ جولىندا تىنباي كۇرەس جاساۋ ورتاعا قويىلدى. مەن وسى جولعى ماجىلىستەگى بايانداما جانە جوبانىڭ مازمۇنىن شينجياڭداعى ٴار ۇلت حالقىنا جەتكىزىپ، ولاردىڭ باياندامانى تۇسىنۋىنە، 19-قۇرىلتاي رۋحىن ٴتىپتى دە جاقسى ۇيرەنۋىنە جانە شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ مازمۇنىن تولىق جەتكىزۋگە كۇش سالامىن.

 

ساياسي كەڭەستىڭ مۇشەسى گۇلپاري ابدۇللا: بۇل جولعى ماجىلىستەن كەيىن، جاۋاپكەرشىلىگىمنىڭ اۋىر ەكەنىن سەزىندىم ٴارى توتەنشە تەبىرەنىستى كوڭىل-كۇيدەمىن. بۇل ٴبىر دەموكراتيالى، ىنتىماقتى وتكىزىلگەن ٴماجىلىس بولدى. مەن نەگىزگى ساتىداعى وقۋ-اعارتۋ سالاسىنان كەلگەن مۇشە رەتىندە ٴماجىلىس رۋحىن نەگىزگى ساتىعا، قىزمەت ورنىما جەتكىزىپ، ٴماجىلىس رۋحىن ۇگىتتەپ، تياناقتاندىرۋعا، باستى نىسانامىزدان اۋىتقىماي شينجاڭنىڭ وقۋ-اعارتۋ، حالىق تۇرمىسى، قوعام، ورنىقتىلىق ت. ب. جاقتارىندا بەلسەندى رول اتقارىپ، ٴار ۇلت حالقىمەن بىرگە شينجياڭنىڭ قوعام ورنىقتىلىعى مەن جۇڭگو ارمانىن ىسكە اسىرۋ جولىندا قۇلشىنا قىزمەت ەتىپ، ٴبىر كىسىلىك ۇلەسىمدى قوسامىن.

 

ساياسي كەڭەس 13-كەزەكتى مەملەكەتتىك كوميتەتىنىڭ 1-ٴماجىلىسى 3-ناۋرىز كۇنى تۇستەن كەيىن اشىلىپ، 15-ناۋرىز كۇنى تۇستەن بۇرىن ٴساتتى اياقتالدى. وسى كەزەكتى ماجىلىستە تۇڭعىش رەت «مۇشەلەر ٴدالىزى» ورنالاستىرىلىپ، مۇشەلەر تىلشىلەردىڭ سۇراۋىنا جان-جاقتىلى جاۋاپ قايتارىپ، جۇرتتىڭ القاۋىنا بولەندى. بيىلعى ماجىلىستە، مەملەكەتتىك ساياسي كەڭەستىڭ مۇشەلەرى حالىقتىڭ ارمان تىلەگىن جەتكىزۋ ٴۇشىن، ٴماجىلىستىڭ كۇن تارتىپتەرى بويىنشا تالقى ماجىلىستەرگە قاتىناسىپ، تارتىمدى ۇسىنىس جوبالارىن ورتاعا سالىپ، اعىنان اقتارىلا كەڭەسىپ، ٴوز مىندەت بورىشىن تولىق ادا ەتتى. كەزەكتى ٴماجىلىس دەموكرتيالى، ىنتىماقتى، جاراسىمدى ٴماجىلىس بولىپ، ٴماجىلىستىڭ كۇن ٴتارتىبىن تولىق ورىنداپ، كوزدەۋلى نىسانالارعا قول جەتكىزدى.

 

 

 

باقىلاۋشى: ەرشات سەيىتكامال ۇلى