ەكى  ٴماجىلىس حابارلارى   
مەملەكەتتىك ساياسي كەڭەس 13-كەزەكتى 1-ٴماجىلىسى جابىلدى
كەلۋقاينارى:جۇڭگو قازاق راديو تورابى     |جاۋاپتى رەداكتور:|    جاڭالانعان ۋاقىت: 2018-03-16 06:23


    ءوز حابارىمىز. جۇڭگو حالىق ساياسي كەڭەسى 13-كەزەكتى مەملەكەتتىك كوميتەتىنىڭ 1-ءماجىلىسى ءتۇرلى كۇن تارتىپتەرىن ءساتتى اياقتاتقاننان كەيىن، 15-ناۋرىز كۇنى تۇستەن بۇرىن حالىق سارايىندا جابىلدى. ماجىلىستە مىناداي ۇندەۋ تاستالدى: حالىق ساياسي كەڭەسىنىڭ ءار دارەجەلى ۇيىمدارى، ءار قايسى قاتىناسقان ورىندار جانە قالىڭ ساياسي كەڭەس مۇشەلەرى شي جينپيڭ جولداس ۇيتقى بولعان ج ك پ ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، ءبىر نيەت، ءبىر تىلەكتە بولىپ، قىزمەتتى تىڭعىلىقتى ىستەپ، دوڭگەلەك داۋلەتتى قوعامدى جالپى بەتتىك قۇرۋ جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جاساۋى كەرەك.


    ءماجىلىستى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا.گىلەلاڭجيە، دۇڭ جيانحۋا، ۋان گاڭ، حى حۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىن-يىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يوڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ قاتارلىلار ءتوراعالار مىنبەسىنەن الدىڭعى جاعىنان ورىن الدى. شي جينپيڭ، لي كىچياڭ، جاڭ دىجياڭ، يۇي جىڭشىڭ، جاڭ گاۋلي، لي جانشۋ، ۋاڭ حۋنيڭ، جاۋ لىجي، حان جىڭ قاتارلىلار ءتوراعالار مىنبەسىنەن ورىن الدى.


    تۇستەن بۇرىن ساعات 9 جارىمدا، جابىلۋ ءماجىلىسى باستالدى. ۋاڭ ياڭ: ساياسي كەڭەس 13-كەزەكتى مەملەكەتتىك كوميتەتى 1-ماجىلىسىنە قاتىناسۋعا ءتيىستى مۇشە 2158 ادام، قاتىناسقانى 2142 ادام بولىپ، زاڭدا بەلگىلەنگەن ادام سانىنا ۇيلەسەتىندىگىن جاريالادى.


    ماجىلىستە ساياسي كەڭەس 13-كەزەكتى مەملەكەتتىك كوميتەتى 1-ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسى، ساياسي كەڭەس 13-كەزەكتى مەملەكەتتىك كوميتەتى 1-ءماجىلىسىنىڭ جۇڭگو حالىق ساياسي كەڭەسىنىڭ ءماجىلىس ەرەجەسىنە وزگەرىس ەنگىزۋ جوباسى جونىندەگى قاۋلىسى، ساياسي كەڭەس 13-كەزەكتى مەملەكەتتىك كوميتەتى 1-ءماجىلىسى ۇسىنىس-جوبانى تەكسەرۋ كوميتەتىنىڭ ساياسي كەڭەس 13-كەزەكتى 1-ماجىلىسىندەگى ۇسىنىس-جوبالاردى تەكسەرۋ احۋالى جونىندەگى بايانداماسى، ساياسي كەڭەس 13-كەزەكتى مەملەكەتتىك كوميتەتى 1-ءماجىلىسىنىڭ ساياسي قاۋلىسى ماقۇلداندى.


    ۋاڭ ياڭ بىلاي دەدى: ساياسي كەڭەس 13-كەزەكتى مەمىلەكەتتىك كوميتەتىنىڭ 1-ءماجىلىسى ەلىمىزدەگى ءار ۇلت حالقى ءشي جينپيڭنىڭ جاڭا ءداۋىر جوڭگوشا سوتسيالىزىم يدەياسى مەن ج ك پ 19-قۇارىلتاي رۋحىن ىشكەرلەي ۇيرەنىپ دايەكتەندىرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدىڭ، جاپپاي سوتسيالىستىك وسى زاماندانعان ەل قۇرۋدىڭ ۇلى جورىعىن باستاعان ماڭىزدى ساتتە اشىلدى. ج ك پ ورتالىق كوميتەتىنىڭ وسكەلەڭ ءمان بەرۋىندە، ءار قايسى قاتىستى جاقتاردىڭ بار كۇشپەن قولداۋىندا، بارلىق مۇشەلەردىڭ ورتاق قۇلشىنۋىندا ءتۇرلى كەڭەس تاقىرىبىن تابىسپەن ورىندادى.
ۋاڭ ياڭ بىلاي دەپ كورسەتتى: ماجىلىس كەزىندە ج ك پ ورتالىق كوميتەتىنىڭ باس شۋجيى، مەمىلەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى ءشي جينپيڭ قاتارلى پارتيا مەن مەمىلەكەت باسشىلارى قۇرىلتايدىڭ اشىلۋ ءماجىلىسى مەن جابىلۋ ماجىلىسىنە قاتىناسىپ، گرۋپپالارعا دەيىن ىشكەرلەپ مەمىلەكەت ءىسىن اقىلداستى. مۇشەلەر وسكەلەڭ ساياسي جاۋاپكەرشىلىكپەن ۇكىمەت قىزمەتىنەن بايانداما مەن وزگە باياندامانى، نەگىزگى زاڭعا وزگەرىس ەنگىزۋ جوباسى مەن باقىلاۋ زاڭىنىڭ جوبا نۇسقاسىن سونداي-اق مەمىلەكەتتىك كەڭەستىڭ قۇرلىمدىق رەفورما جوباسىن ىشكەرلەي تالقىلاپ، مەمىلەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى، ساياسي كەڭەس ۇستابىنا وزگەرىس ەنگىزۋ جوبا نۇسقاسى قاتارلى قۇجاتتاردى مۇقيات قاراپ، مول تابىسقا قول جەتكىزدى. بۇل ءبىر رەتكى دەموكراتيالى، ىنتىماقتى، شىنايى، العاباسار قۇرىلتاي بولىپ، جوڭگوشا سوتسيالىستىك دەموكراتيالىق ساياسىيىنىڭ جاندى دا جالىندى بەينەسىن تولىق ايگىلەدى.


    ۋاڭ ياڭ بىلاي دەدى: ج ك پ باسشىلىعىنداعى كوپ پارتيا سەلبەستىگى جانە ساياسي كەڭەس ءتۇزىمى ــ ەلىمىزدەگى نەگىزگى ساياسي ءتۇزىم، ول ج ك پ ـ نىڭ، جۇڭگو حالقىنىڭ جانە ءار قايسى دەموكراتيالىق پارتيا ـ توپتاردىڭ، پارتيادا، توپتا جوق قايراتكەرلەردىڭ ۇلى ساياسي جاسامپازدىعى، جۇڭگو توپىراعىندا جارىققا شىعىپ دامىعان جاڭاشا ۇلگىدەگى ساياسي پارتيا ءتۇزىمى. جۇڭگو حالىق ساياسي كەڭەسى دەگەن وسى ايبىندى ەسىمدە ونىڭ سيپاتى مەن رولى ايقىن بەلگىلەنگەن، وسىناۋ ەسىمدى، وسىناۋ تۇزىمدە بىزگە جۇكتەلگەن بورىشىمىزدى ءسوزسىز ءدال ءتۇسىنۋىمىز كەرەك. حالىق ساياسي كەڭەسى ــ ساياسي ۇيىم، ءسوزسىز تۋى ايقىن تۇردە ساياسيدى دارىپتەۋ كەرەك. حالىق ساياسي كەڭەسى ــ حالىق دەموكراتياسىندىق ماڭىزدى ءتۇزىم، ءسوزسىز حالىقتى وزەك ەتىپ مىندەت جاۋاپكەرشىلىك ۇدەسىنەن شىعۋ كەرەك. حالىق ساياسي كەڭەسى ــ ارناۋلى كەڭەستىك قۇرىلىم، ءسوزسىز شىندىقتى ءىس جۇزىنەن ىزدەي وتىرىپ كەڭەسۋ قابىلەت ورەسىن جوعارىلاتۋ كەرەك. 13 ـ كەزەكتى مەملەكەتتىك حالىق قۇرىلتايىنىڭ 1 ـ ماجىلىسىندە جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسى داۋىس بەرىپ ماقۇلداندى. نەگىزگى زاڭ ـ مەملەكەتتىڭ ءتۇبىرلى زاڭى، ەل باسقارۋدىڭ جالپى ەرەجەسى، ج ك پ مەن بۇكىل ەل حالقىنىڭ ەركىنىڭ شوعىرلى بەينەلەنۋى. حالىق ساياسي كەڭەسى بارلىق قيمىلدا نەگىزگى زاڭدى ءتۇبىرلى ولشەم ەتۋدە تاباندى بولىپ،نەگىزگى زاڭ جانە زاڭدار كولەمىندە فۋنكىتيسالىق جاۋاپكەرشىلىكتى وتەۋى، قىزمەتتەردى قانات جايدىرۋى، نەگىزگى زاڭعا قۇرمەت ەتۋ، نەگىزگى زاڭدى ۇيرەنۋ، نەگىزگى زاڭعا بويسۇنۋ، نەگىزگى زاڭدى قورعاۋ، نەگىزگى زاڭدى قولدانۋداعى يدەيالىق سانالىلىق پەن ارەكەتتىك سانالىلىقتى شىنداپ كۇشەيتۋ كەرەك.


    جاڭا داۋىردە جاڭا قۇلشىنىستار جاساۋ كەرەك، حالىق ساياسي كەڭەسى ورتاق نىسانانى كوزدەي وتىرىپ ەڭ زور ورتاق بولگىشكە تالپىنىپ، زور ىنتىماق- زور بىرلەسۋ ارقىلى ەڭ زور بىرلىككە كەلىپ، ءماسليحات- دەموكراتيا ارقىلى قۇدىرەتتى وڭ ەنەرگيا توپتاپ، رەفورما- جاسامپازدىق ارقىلى قىزمەتتە تىڭ ومىرشەڭدىك كۇش قالىپتاستىرىپ، تۇرلىشە پارتيا- توپتار، ءارقايسى ۇلتتار، ۇقساماعان جىكتەگىلەر جانە ءارقايسى دىندەگى ەل ءىشى- سىرتى جۇڭحۋا ۇل- قىزدارىنىڭ جۇرەگىن توعىستىرىپ، وتاننىڭ بىرلىككە كەلۋى مەن جۇڭحۋا ۇلتىن ۇلى كوركەيتۋدەگى جۇڭگو ارمانىن جۇزەگە اسىرۋدا ەڭ كەڭ وتانشىل بىرلىكساپ شەبىن قالىپتاستىرۋ كەرەك.


    جابىلۋ جيىنىنان كەيىن، شي جينپيڭ قاتارلى پارتيا مەن مەملەكەت باسشىلارى ماجىلىسكە قاتىناسقان ساياسي كەڭەس مۇشەلەرىمەن سۋرەتكە ءتۇسىپ ەستەلىك قالدىردى.