ينفورماتسيا اشكەرەلەۋ: mzjubao@cnr.cn

决战决胜脱贫攻坚

شي جينپيڭ كەدەيلىكتەن قۇتىلدىرۋدان قامال الۋ قىزمەتى جونىندە ماڭىزدى نۇسقاۋ بەردى

来源:جۇڭگو قازاق راديو تورابى     |责编:阿依娜古丽|     发布日期: 2019-10-18 09:11

 

ٴوز حابارىمىز: 6-كەزەكتى مەملەكەتتىڭ كەدەيلەردى سۇيەمەلدەۋ كۇنى كەلۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ كەدەيلىكتەن قۇتىلدىرۋدان قامال الۋ قىزمەتى جونىندە ماڭىزدى نۇسقاۋ بەرىپ، مىنانى باسا دارىپتەدى : جاڭا جۇڭگو قۇرىلعان 70 جىلدان بەرى جۇڭگو كوممۋنيستىك پارتياسى بۇكىل ىنتا-پەيىلىمەن حالىق ٴۇشىن قىزمەت ىستەۋ ٴتۇبىرلى ماقساتىنا، حالىقتى وزەك ەتكەن دامۋ يدەياسىنا تاباندى بولىپ، بۇكىل ەلدەگى ٴار ۇلت حالقىن باستاپ كەدەيلىككە ۇزدىكسىز سايىس جاريالاپ، كورنەكتى تابىستارعا قول جەتكىزدى . پارتيا 18-قۇرىلتايىنان بەرى، پارتيا ورتالىق كوميتەتى كەدەيلىكتەن قۇتىلدىرۋدان قامال الۋدى اناعۇرلىم كورنەكتى ورىنعا قويىپ، كەدەيلىكتەن قۇتىلدىرۋدان قامال الۋ شايقاسىن دابىرالى باستادى، بۇكىل پارتيا، بۇكىل ەل ٴبىر نيەتتە بولىپ، قايسارلىقپەن كۇرەس جۇرگىزىپ، كەلەلى ىلگەرىلەۋشىلىككە قول جەتكىزدى. جۇڭحۋا ۇلتتارىن نەشە مىڭ جىلدان بەرى مازالاپ كەلگەن تاقىر كەدەيلىك ماسەلەسى تاريحي سيپاتتى شەشىلۋ الدىندا تۇر، بۇل بۇكىل جەر شارىنىڭ كەدەيلىكتى ازايتۋ ىسىنە كەلەلى ۇلەس قوسادى.


    شي جينپيڭ بىلاي دەپ اتاپ كورسەتتى: قازىر كەدەيلىكتەن قۇتىلدىرۋدان قامال الۋدىڭ شەشۋشى جەڭىسىنە قول جەتكىزۋدىڭ، جالپى بەتتىك اياقتاتۋدىڭ شەشۋشى كەزەڭىنە ٴوتتى. جەر-جەرلەر، تاراۋلار، ٴسوز جوق، نىسانادان كوز جازباي، جىگەرلەرىن جانىپ، اۋىر كەدەيلىكتەن قۇتىلدىرۋدان باتىلدىقپەن قامال الىپ، كەدەي حالىقتىڭ مىندەتتى وقۋ-اعارتۋ، نەگىزگى ەمدەلۋ، تۇرعىن ٴۇي جانە اۋىز سۋ حاۋىپسىزدىگى جاعىنداعى ولقىلىقتاردى كۇش سالا تولىقتاپ، اۋىل-قىستاقتارداعى كەدەيلەردىڭ تۇگەلدەي كەدەيلىكتەن قۇتىلۋىنا كەپىلدىك ەتىپ، بۇكىل ەل حالقىمەن بىرگە دوڭگەلەك داۋلەتتى قوعامعا قادام تاستاۋ كەرەك. ۇتىمدى شارالار قولدانىپ، كەدەيلىكتەن قۇتىلدىرۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، كەدەيلىكتەن قۇتىلدىرۋدان قامال الۋ شايقاسىنىڭ ساپالى جەڭىسىنە قول جەتكىزۋگە كەپىلدىك ەتۋ كەرەك.


    ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ بىلاي دەپ اتاپ كورسەتتى : كەزەكتە كەدەيلىكتەن قۇتىلدىرۋدان قامال الۋ شەشۋشى كەزەڭگە ٴوتتى. جەر-جەرلەر، تاراۋلار شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتىلەندىرىپ، تياناقتاندىرىپ، جالعاستى قۇلشىنىپ، كەدەيلىكتەن قۇتىلدىرۋدان قامال الۋ قىزمەتتەرىن ۇزدىكسىز ىلگەرىلەتۋى كەرەك. «ەكىدەن تارىقتىرماۋ، ٴۇشتى قامتاماسىزداندىرۋداعى» كورنەكتى ماسەلەلەردى جالپى بەتتىك شەشىپ، كۇشتى شوعىرلاندىرا وتىرىپ كەدەيلىك جايلاعان وڭىردەن قامال الۋ كەرەك. كاسىپ سالاسى ارقىلى كەدەيلەردى سۇيەمەلدەۋ جانە كاسىپتەندىرۋ ارقىلى سۇيەمەلدەۋ قاتارلى شارالاردى قاتايتىپ، كەدەيلەردى قونىس جاڭالاپ سۇيەمەلدەۋ بويىنشا كەيىنگى سۇيەمەلدەۋدى كۇشەيتىپ، كەدەيلىكتەن قۇتىلدىرۋ جەتىستىكتەرىن بەكەمدەپ، قايتالاي كەدەيلەسۋدەن ساقتانۋ كەرەك. شىعىس، باتىس بولەكتەردى كەدەيلەردى سۇيەمەلدەۋدە سايكەستىرۋ، باعىتتامالى كومەكتەسۋ، ٴتۇيىندى سۇيەمەلدەۋ قاتارلى قىزمەتتەردى ۇزدىكسىز تىڭعىلىقتى ىستەپ، تۇتاس قوعامدىق كۇشتەردى كەدەيلىكتەن قۇتىلدىرۋدان قامال الۋعا ات سالىسۋعا ۇزدىكسىز جۇمىلدىرىپ، ٴار جاقتىڭ كۇش بىرلىگىن قالىپتاستىرىپ، بيىل تاعى دا 10 ميلليوننان استام كەدەي حالىقتى كەدەيلىكتەن ارىلتۋ مىندەتىنىڭ ورىندالۋىنا كەپىلدىك ەتىپ، كەلەر جىلى كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋگە، دوڭگەلەك داۋلەتتى قوعامدى جالپى بەتتىك قۇرۋعا بەرىك نەگىز قالاۋ كەرەك.


    كەدەيلىكتەن قۇتىلدىرۋدان قامال الۋ مەملەكەتتىك ماداقتاۋ ـ سيلاۋ ٴماجىلىسى جانە العا باسالاردىڭ ىزگى ىستەرىنەن بايانداما جاساۋ ٴماجىلىسى 10-ايدىڭ 17-كۇنى تۇستەن بۇرىن بەيجيڭدە اشىلدى. جينالىستا شي جينپيڭنىڭ ماڭىزدى نۇسقاۋى مەن لي كىچياڭنىڭ بەكىتۋى جەتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ كەدەيلەردى سۇيەمەلدەۋ، كوركەيتۋ قىزمەتىنە باسشىلىق گرۋپپاسىنىڭ باستىعى حۋ چۇنحۋا ماجىلىسكە قاتىناستى ٴارى ٴسوز سويلەپ مىنالاردى اتاپ كورسەتتى: كەدەيلىكتەن قۇتىلدىرۋدان قامال الۋ رۋحىن بارىنشا ساۋلەلەندىرىپ، وزات ۇلگىلەر مەن تيپتىك ۋاكىلدەردىڭ ۇلگىلىك، جەتەكشىلىك رولىن تولىق كورنەكتىلەندىرىپ، كەدەيلىكتەن قۇتىلدىرۋدان قامال الۋدىڭ ەڭ سوڭعى قامال الۋ مىندەتىن باتىلدىقپەن ورىنداپ، كەدەيلەردى سۇيەمەلدەۋ شارالارىن تيتتەي دە بوساڭسىتپاي تياناقتاندىرىپ، كەدەيلىكتەن قۇتىلدىرۋدان قامال الۋدىڭ جەتىستىكتەرىن كۇش سالا بەكەمدەپ جانە كەڭەيتىپ، كەدەيلىكتەن قۇتىلدىرۋدان قامال الۋ كۇشتەرىن كەڭىنەن جۇمىلدىرىپ، نەگىزگى ساتىداعى كەدەيلەردى سۇيەمەلدەۋ كادرلارىنا كوڭىل ٴبولۋ، ولاردى ايالاۋ كەرەك . سيلانعانداردىڭ داڭقتى قاستەرلەپ، جاقسى ونەگە بولىپ، تىڭ ۇلەس قوسۋىن ٴۇمىت ەتەمىن.


    ماجىلىستە مەملەكەتتىك كەدەيلىكتەن قۇتىلدىرۋدان قامال الۋ سيلىعىن العاندار ماداقتالىپ ـ سيلاندى، چىن ۋاڭحۇي، لي پىڭ، ليۋ شۋاڭيان، جاڭ يۇيشي، ۋاڭ جيانچيۋ، ليڭ جۇيجىن قاتارلى سيلىققا يە بولعاندار ىزگى ىستەرىنەن بايانداما جاسادى.

2019-جىلعى كەدەيلىكتەن قۇتىلدىرۋدان قامال الۋ مەملەكەتتىك سيلىعىنىڭ يەگەرى، مەملەكەتتىك كەڭەستىڭ كەدەيلەردى سۇيەمەلدەۋ، كوركەيتۋ قىزمەتىنە باسشىلىق گرۋپپاسىنىڭ مۇشەسى، كەدەيلەردى ٴتۇيىندى تۇردە سۇيەمەلدەۋ مىندەتىن ارقالاعان بەيجيڭدەگى ورتالىققا قاراستى ورىنداردىڭ قاتىستى جاۋاپتى جولداستارى ماجىلىسكە قاتىناستى.


اۋدارعان: كۇلان ىرىسباي قىزى

中央广播电视总台 央广网 版权所有

شي جينپيڭ كەدەيلىكتەن قۇتىلدىرۋدان قامال الۋ قىزمەتى جونىندە ماڭىزدى نۇسقاۋ بەردى

نىسانادان كوز جازباي، كەدەيلىكتەن قۇتىلدىرۋدان قامال الۋ شايقاسىندا جوعارى ساپامەن جەڭىسكە جەتۋگە كەپىلدىك ەتۋ كەرەك