ينفورماتسيا اشكەرەلەۋ: mzjubao@cnr.cn

决战决胜脱贫攻坚

جەر-جەرلەر كەدەيلىكتەن قۇتىلدىرۋدان قامال الۋدى ىلگەرىلەتتى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-03-09 13:28

 

جەر-جەرلەر باس شۋجيدىڭ تالابى بويىنشا رايونعا، دارەجەگە ٴبولىپ، دالمە-ٴدال تىزگىندەۋ تاكتيكاسىن تياناقتاندىرىپ، جۇقپالى اۋرۋدىڭ ىقپالىن كۇش سالا جەڭىپ، كەدەيلىكتەن قۇتىلدىرۋدان قامال الۋدى اناعۇرلىم زور بەكىممەن، اناعۇرلىم پارمەندى كۇشپەن ىلگەرىلەتۋدە

ءوز حابارىمىز. 2020-جىلعا بارعاندا، قازىرگى ولشەم بويىنشا اۋىل-قىستاق كەدەي جان سانىن تۇگەلدەي كەدەيلىكتەن قۇتىلدىرۋ-پارتيا ورتالىعىنىڭ بۇكىل ەل حالقىنا بەرگەن ايبىندى ۋادەسى. كەدەيلىكتەن قۇتىلدىرۋدان قامال الۋدىڭ شەشۋشى جەڭىسىنە قول جەتكىزۋ اڭگىمە ماجىلىسىندە باس شۋجي شي جينپيڭ: جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنىڭ ىقپالىن باتىل جويىپ، كەدەيلىكتەن قۇتىلدىرۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋ كەرەك،-دەپ باسا دارىپتەدى. جەر-جەرلەر باس شۋجيدىڭ تالابى بويىنشا، رايونعا، دارەجەگە ٴبولىپ، دالمە ـ ٴدال ساقتانۋ-تىزگىندەۋ تاكتيكاسىن تياناقتاندىرىپ، جۇقپالى اۋرۋدىڭ ىقپالىن جەڭۋگە ايانباي كۇش سالىپ، كەدەيلىكتەن قۇتىلدىرۋدان قامال الۋدى اناعۇرلىم زور بەكىممەن، اناعۇرلىم پارمەندى تەبىنمەن ىلگەرىلەتۋدە.

 

مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ ساناعىنا قاراعاندا، 2019-جىلى مەملەكەت بويىنشا ارحيۆ تۇرعىزىلىپ، كارتچكا بەرىلگەن 27 ميلليون 290 مىڭ كەدەي ەڭبەككۇش سىرتتا جۇمىس ىستەدى. وسى وتباسىلاردىڭ كىرىسىنىڭ ۇشتەن ەكىسى سىرتقا شىعىپ جۇمىس ىستەۋدەن كەلەدى. جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنىڭ ىقپالىن ازايتۋ ءۇشىن، جەر-جەرلەر كوپ ءتۇرلى شارا قولدانىپ، اۋىل-قىستاق ەڭبەككۇشتەرىنىڭ قايتادان جۇمىس ورنىنا شىعۋ، باسقا سالاعا ويىستىرىپ جۇمىسقا ورنالاستىرۋ قاتارلى جۇمىستاندىرۋ قىزمەتتەرىن ويداعىداي ىستەۋدە. يۇننان ولكەسىنىڭ لۋديان اۋدانى ەڭبەككۇش ينفورماتسيا ەسەپ داپتەرىن ورناتۋ، قىزمەت ورنىن دالمە-ٴدال ۇشتاستىرۋ قاتارلى شارالاردى اتقارۋ، تەگىن دەنساۋلىق تەكسەرۋ، تەگىن ماسكا تاراتۋ جانە قىزمەت ورنىنا ارناۋلى اۆتوكولىكپەن جەتكىزۋ سەكىلدى تاسىلدەردى قولدانۋ ارقىلى ەسىكتەن شىققاننان زاۆود قاقپاسىنا جەتكەنگە دەيىن تىكەلەي قىزمەت وتەۋدى ورىستەتىپ، سىرتقا شىعىپ جۇمىس ىستەۋشىلەردىڭ حاۋىپسىز، ٴتارتىپتى تۇردە جۇمىس ورنىنا قايتۋىن پارمەندى ىلگەرىلەتتى.

 

تيانجين قالاسىنىڭ جيڭحاي رايونى باعىتتامالى كومەكتەسەتىن گانسۋ ولكەسىنىڭ جىن-يۋان اۋدانىمەن بەلسەنە بايلانىس جاساپ، ٴبىر اپتاعا جەتپەيتىن ۋاقىت ىشىندە قىزمەت ورنىنا قايتىپ جۇمىستى قالپىنا كەلتىرۋگە تۇيىندەردىڭ تۇيىندەرگە باعىتتلۋ فورماسى بويىنشا قىزمەت وتەۋ قامتاماسىزداندىرۋ مەحانيزمى ارقىلى العاشقى توپتاعى 173 ادامدى 1300 كيلومەتر جول باسىپ جيڭحاي رايونىنا جەتكىزۋگە ۇيىمداستىردى.

 

شانشي ولكەسى فانشى اۋدانىنىڭ كەدەيلەردى سۇيەمەلدەۋ سەحى سول جەردەگى كوشىرىپ اكەلىنگەندەردەن 100 دەن استام ادامدى جۇمسىتاندىردى. فانشى اۋداندىق قولونەر كاسىپ كەڭسەسى مەڭگەرۋشىسىنىڭ ورىنباسارى گاۋ لي بىلاي دەپ تانىستىردى: جەرلىك ورىن سەحتى دەزينفەكسيالاۋ جيىلىگىن ارتتىرۋ، كەزەكپەن قىزمەت ىستەۋ ٴتۇزىمىن اتقارۋ قاتارلى شارالار ارقىلى كەدەي بۇقارانىڭ جاقىن ماڭدا جۇمىستانۋىنا كەپىلدىك ەتىپ، اۋرۋدان ساقتانۋ مەن كىرىستى ارتتىرۋدى تەڭ يگەردى. 

 

جۇقپالى اۋرۋ تارالۋ جاعدايى تۋىلعاننان كەيىن، حىبي ولكەسى فۋپيڭ اۋدانىنداعى جۇپار ساڭىراۋقۇلاق ەگەتىن وتباسىلار جۇپار ساڭىراۋقۇلاقتىڭ ساتىلۋىنان الاڭداعان ەدى. فۋپيڭ اۋدانى ساياساتتىق قارجىمەن قولداۋ ارقىلى كاسىپورىنداردى توقتام باعاسى بويىنشا ساتىپ الۋعا جەتەكتەدى. 

 

كەيبىر اسحانا جانە سۋسىندىق دۇكەندەرى تيجاراتىن ۋاقىتشا توقتاتتى، اۋىل-قىستاق جارمەنكەسى ساۋدا توقتاتۋى سەبەپتى، جياڭشي ولكەسى نانچاڭ اۋدانى حىشان قىستاعىندا 110 مۋ بالىق كولشىگىنىڭ ساۋداسى دا توقتاۋعا اينالدى. جەرلىك ورىنداعى پارتيالى كادرلار ينتەرنەت تەكشەسى قاتارلى ارنالار ارقىلى ساتۋ جولىن قاراستىردى، جىجياڭ، چۇڭچيڭ قاتارلى جەرلەردەگى دۇكەندەرگە ساتىپ وتكىزۋگە بايلانىس جاساۋ ارقىلى 170 مىڭ جىڭ بالىق تەز ارادا ساتىلدى.

 

ىشكى موڭعۇلداعى شيڭ-ان ايماعى زالاتى اۋدانى تۋمەن قىستاعى سيىر شارۋاشىلىعىن دامىتۋدى نەگىز ەتەدى، قازىر 38 وتباسىندا 107 كەدەي جان نسانى بار. كوز الدا سيىر بۇزاۋلايتىن مەزگىل بولدى. قىستاقتا تۇراتىن قىزمەت گرۇپپاسىنىڭ شارۋاشىلىق جەتەكشىلەرى ٴۇي سايىن ارالاپ، قورا-قالتقى جاساۋ، جەم ـ شوپپەن قامداۋ قاتارلى ماڭىزدى قىزمەتتەرگە ٴبىر-بىردەن قاداعالاپ جەتەكشىلىك ەتتى.

 

حيلۇڭجياڭ ولكەسى جيدۇڭ اۋدانى حادا قالاشىعى جۇقپالى اۋرۋدان ساقتانۋ ـ تىزگىندەۋ قىزمەتىن ويداعىداي يگەرۋمەن بىرگە، تۇتاس قالاشىقتاعى «كەدەيلىكتەن قۇتىلسادا سۇيەمەلدەۋ ساياساتى جالعاستى اتقارىلعان» كەدەي وتباسىلارىندا ورىن تەپكەن ەگىس ازىرلىگىندەگى قيىن ماسەلەلەرگە باعىتتاي، نىسانالى جاۋاپكەرشىلىكتى ساتىلار بويىنشا تياناقتاندىرىپ، ٴاربىر كەدەي وتباسىنىڭ دەر كەزىندە ەگىن ەگۋىنە، ەگىس جۇمىسىن ويداعىداي ورىنداۋىنا كەپىلدىك ەتتى. 

 

باس شۋجي شي جينپيڭ: جۇقپالى اۋرۋ سەبەبىنەن كەدەيلەسكەن، قايتا كەدەيلەسكەن حالىققا كومەكتەسۋدى ويداعىداي ىستەۋ، ەڭ تومەنگى شەكتەن تۇسىرمەي تۇرمىستى قامتاماسىزداندىرۋ قاتارلى سۇيەمەلدەۋ شارالارىن دەر كەزىندە ويداعىداي تياناقتاندىرۋ، نەگىزگى تۇرمىستىڭ ىقپالعا ۇشىراماۋىنا كەپىلدىك ەتۋ كەرەك، دەپ انىق ايتتى. شاندۇڭ ولكەسىنىڭ كەدەيلىكتەن قۇتىلدىرۋدان قامال الۋ مىندەتى ەڭ اۋىر بولعان ييمىڭ توڭكەرىستىك بايىرعى رايونىندا شاندۇڭ ولكەسىنىڭ لين-يي قالاسىنىڭ ءار دارەجەلى، ءارقايسى تاراۋلارى كەدەيلىكتەن قۇتىلدىرۋ سۇيەمەلدەۋ ساياساتىنان يگىلىكتەنگەن 323 مىڭ جان سانىن كەدەيلىكتەن قۇتىلدىرۋ ناتيجەسىن ۇزدىكسىز بەكەمدەپ، جۇقپالى اۋرۋدان ساقتانۋ-تىزگىندەۋدى ويداعىداي ىستەۋ نەگىزىندە،كەدەيلىكتەن ورنىقتى قۇتىلدىرۋ باياندى مەحانيزمىن كەمەلدەندىرىپ، بايىرعى رايونداعى بۇقارانىڭ بۇكىل ەل حالقىمەن بىرگە دوڭگەلەك داۋلەتكە قادام تاستاۋىن قامتاماسىزداندىردى.

 

حىنان ولكەسى لانكاۋ اۋداندىق پارتكومنىڭ شۋجيى ساي سۇڭتاۋ بىلاي دەدى: بۇدان بىلايعى قىزمەت بارىسىندا باس شۋجيدىڭ تالابىن اناعۇرلىم تياناقتاندىرىپ، جۇقپالى اۋرۋدىڭ ىقپالىن جەڭىپ، ٴوندىرىستى قالپىنا كەلتىرۋدى تەزدەتىپ، جالپى بەتتىك دوڭگەلەك داۋلەتتى قوعام قۇرۋ نىساناسىن توڭىرەكتەپ، ولقىلىقتاردى تولىقتاپ، ٴالسىز بۋىنداردى كۇشەيتىپ، كەدەيلىكتەن قۇتىلدىرۋدان قامال الۋ جانە اۋىل-قىستاقتى گۇلدەندىرۋدى ٴونىمدى ۇشتاستىرۋعا ىزدەنىس جاساپ، جوعارى ساپالى دامۋدى ورنىقتى قاداممەن ىلگەرىلەتەمىز.

 

 

 جاۋاپتى رەداكتور: گۇلميرا قوزىقان قىزى 

中央广播电视总台 央广网 版权所有

جەر-جەرلەر كەدەيلىكتەن قۇتىلدىرۋدان قامال الۋدى ىلگەرىلەتتى

جەم ـ شوپپەن قامداۋ قاتارلى ماڭىزدى قىزمەتتەرگە ٴبىر-بىردەن قاداعالاپ جەتەكشىلىك ەتتى