ينفورماتسيا اشكەرەلەۋ: mzjubao@cnr.cn

决战决胜脱贫攻坚

جەر-جەرلەر كەدەيلىكتەن ارىلتۋدىڭ جەتىستىكتەرىن بەكەمدەدى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-03-10 19:52

جەر-جەردەگى كادرلار مەن بۇقارا باس شۋجي شي جينپيڭنىڭ كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋ جونىندەگى اڭگىمە ماجىلىستە سويلەگەن ماڭىزدى سوزىنە بەلسەنە ٴۇن قوسىپ، كوپ ٴتۇرلى شارالاردى قاتار قولدانىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەدەيلىكتەن ارىلعان وڭىرلەر مەن حالىق سانىنىڭ ورنىقتى بولۋىنا، جۇمىستانۋىنا، بىرتىندەپ اۋقاتتانۋىنا شىنايى كەپىلدىك ەتتى 

ءوز حابارىمىز. پارتيا 18-قۇرىلتايىنان بەرى، ەلىمىزدىڭ كەدەيلىكتەن قۇتىلدىرۋدان قامال الۋ كۇرەسى شەشۋشى تابىستارعا قول جەتكىزىپ، وڭىرلىك تۇلعالىق كەدەيلىك نەگىزىنەن شەشىلدى. باس شۋجي شي جينپيڭ كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋ جونىندەگى اڭگىمە ماجىلىستە: كوپ ٴتۇرلى شارانى قاتار قولدانىپ، تابىستاردى بەكەمدەۋ كەرەك،-دەپ باسا دارىپتەدى. جەر-جەر باس شۋجي شي جينپيڭنىڭ تالابى بويىنشا، جۇمىسقا ورنالاستىرۋ ارقىلى كەدەيلەردى سۇيەمەلدەۋ جانە كاسىپ سالاسى ارقىلى كەدەيلەردى سۇيەمەلدەۋ تەبىنىن ارتتىرىپ، كەدەيلەردى قونىس اۋدارىپ سۇيەمەلدەۋدىڭ سوڭعى سۇيەمەلدەۋ تەبىنىن ارتتىرىپ، كەدەيلىكتەن ارىلعان وڭىرلەر مەن حالىق سانىنىڭ ورنىقتى بولۋىنا، جۇمىستانۋىنا، بىرتىندەپ اۋقاتتانۋىنا شىنايى كەپىلدىك ەتۋدە. 

 

ەلىمىزدەگى كەدەيلەر 2012-جىلدىڭ سوڭىنداعى 98 ميلليون 990 مىڭ ادامنان بىلتىر جىل سوڭىنداعى 5 ميلليون 510 مىڭ ادامعا ازايىپ، كەدەيلەسۋ مولشەرى %0.6 كە تومەندەدى. باس شۋجي شي جينپيڭ بىلاي دەپ اتاپ كورسەتتى: كوپ ٴتۇرلى شارانى قاتار قولدانىپ، تابىستاردى بەكەمدەپ، قايتا كەدەيلەسۋ قاتەرى مەن كەدەيلەسۋ قاتەرى بار ادامدار شوعىرىنا قاراتا باعىتتامالى ساقتانۋ شارالارىن اتقارۋ كەرەك.

 

ىشكى موڭعۇل اۆتونوميالى رايونى «كەدەيلىكتەن ارىلتۋ جەتىستىكتەرىن بەكەمدەپ، قايتا كەدەيلەسۋدەن ساقتانۋ جونىندەگى جەتەكشى پىكىردى» شىعارىپ، كەدەيلىكتەن ورنىقتى ارىلتۋدىڭ، قايتا كەدەيلەسۋدەن ساقتانۋدىڭ باياندى مەحانيزمىن ورناتتى. بۇكىل رايون بويىنشا بىرلىككە كەلگەن، ايماق-اۋداندار بىرگە يگىلىكتەنەتىن، قايتا كەدەيلەسۋدەن ساقتانۋ ساندى مالىمەت تەكشەسىن قۇرىپ جانە كەمەلدەندىرىپ، يكەمدى باسقارۋدى كۇشەيتتى. ىشكى موڭعۇل اۆتونوميالى رايونى كەدەيلەردى سۇيەمەلدەۋ-وركەندەتۋ كەڭسەسى پارتگرۋپپاسىنىڭ شۋجيى حى يۇڭبو بىلاي دەدى: ەڭبەك قۋاتى بار ادامدارعا قاراتا كاسىپ سالاسى بويىنشا كومەكتەسۋ-سۇيەمەلدەۋ شارالارىن تۇگەلدەي تياناقتاندىرىپ، ەڭبەك قۋاتى جوق ادامداردىڭ تۇرمىسىن ەڭ تومەنگى شەكتەن تۇسىرمەي قامتاماسىز ەتۋدى تياناقتاندىرۋدى، تالاپقا ۇيلەسەتىن 391 مىڭ 800 كەدەيدى تۇگەلدەي ەڭ تومەنگى تۇرمىستى قامتاماسىزداندىرۋ كولەمىنە ەنگىزدىك. 

 

جۇمىستانۋ-كەدەي وبيەكتىلەردىڭ كىرىسىن ارتتىرۋدىڭ نەگىزگى ارناسى. باس شۋجي شي جينپيڭ بىلاي دەپ باسا دارىپتەدى: جۇمىسقا ورنالاستىرۋ ارقىلى كەدەيلەردى سۇيەمەلدەۋ سەرپىنىن ارتتىرىپ، ەڭبەككۇش شىعاراتىن جەر مەن قابىلدايتىن جەردىڭ دالمە-ٴدال ٴتۇيىلىسۋىن كۇشەيتىپ، جۇمىس ورنىن ورنىقتىرىپ، جۇمىس ورنىن كەڭەيتىپ، الەۋمەتتىك يگىلىك ورىندارىنان پايدالانىپ جاقىن ماڭنان، سول جەردەن جۇمىسقا ورنالاسۋ ورايىن ٴتىپتى دە كوپ قامتاماسىز ەتۋ كەرەك. 

 

شينجياڭنىڭ حوتان ايماعى جەرگىلىكتى كاسىپورىنداردىڭ جۇمىس ورنىنىڭ كومەسكى كۇشىن اشۋ، ارتىق ـ كەمىن رەتتەۋ سياقتى تاسىلدەر ارقىلى جۇمىس ورنىن بەلسەنە اشتى ٴارى ۇيىمدى تۇردە ەڭبەك كۇشىن جوتكەۋدى ويداعىداي ىستەدى. 2-ايدىڭ سوڭىنان بەرى حوتان ايماعىندا 16 توپتا 4394 ادام ۇيىمدى تۇردە جوتكەلدى. شينجياڭ ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى جەبەۋ باسقارماسىنىڭ كادرى مياۋ ۋىنلياڭ بىلاي دەدى: كەلەسى قادامدا ٴبىز جۇقپالى اۋرۋدان ساقتانۋ جانە ونى تىزگىندەۋ نەگىزىندە، كاسىپورىندارعا كومەكتەسىپ، جۇمىس ورنىن ورنىقتىرۋ تەبىنىن ارتتىرىپ، ٴتۇيىندى قاۋىمنىڭ جۇمىستانۋىن قامتاماسىز ەتۋ تەبىنىن ارتتىرىپ، وڭتۇستىك شينجياڭداعى 4 ايماق-وبلىستاعى ارحيۆ تۇرعىزىلىپ، كارتچكا بەرىلگەن ەڭبەككۇشتەردىڭ جۇمىس ورنىنا قايتىپ جۇمىستانۋىنا قىزمەت وتەۋدى جانە ساياساتتىڭ تياناقتانۋىن الدىمەن قامتاماسىز ەتەمىز.

 

چۇڭچيڭ جۇقپالى اۋرۋ جاعدايىنىڭ قايتا كەدەيلەسۋ، سىرتقا شىعىپ جۇمىس ىستەۋ سياقتى جاقتارداعى ىقپالىن جان ـ جاقتى مولشەرلەپ، الەۋمەتتىك يگىلىك ورىندارىنان پايدالانىپ كەدەيلەردى سۇيەمەلدەۋ وبيەكتىلەرىنە اناعۇرلىم كوپ جۇمىستانۋ ورايىن ازىرلەدى. چۇڭچيڭ قالالىق كەدەيلەردى سۇيەمەلدەۋ كەڭسەسىنىڭ ورىنباسار مەڭگەرۋشىسى حۋاڭ چاڭۋ بىلاي دەدى: رايون، اۋدانداردىڭ جۇقپالى اۋرۋدان ساقتانۋ جانە ونى تىزگىندەۋ ۋاقىتتىق الەۋمەتتىك يگىلىك ورىندارىن اشۋىنا قولداۋ كورسەتتىك، مىسالى، جۇقپالى اۋرۋدان ساقتانۋ جانە ونى جويۋ، الەۋمەتتىك اۋماقتاردى ارالاپ تەكسەرۋ، قاراۋىل تۇيىندەرىندە كەزەكشىلىك ىستەۋ سياقتى ۋاقىتتىق الەۋمەتتىك يگىلىك ورىندارىن قۇرىپ، وتباسىندا قيىنشىلىعى بار وتباسىلارىن الدىمەن ورنالاستىرۋعا كۇش سالدىق. قازىرگە دەيىن كەدەي وتباسىلارىنا جاڭادان 5781 قىزمەت ورنى ىڭعايلاندى. 2ـ ايدىڭ سوڭىندا تيانجين بينحاي جاڭا رايونى باعىتتامالى كومەكتەسىپ سۇيەمەلدەگەن گانسۋ ولكەسى تيانشۇي قالاسى جاڭ جياچۋان حۇيزۋ اۆتونوميالى اۋدانى رەسمي كەدەيلىكتەن ارىلدى. بينحاي جاڭا رايونى ساۋدانى جەبەۋ مەكەمەسىنىڭ ورىنباسار باستىعى جاڭ گۋاڭۋاڭ بىلاي دەدى: كەدەيلىكتەن ارىلتۋدان قامال الۋ بارىسىندا جۇمىسقا ورنالاستىرۋعا، كاسىپ سالاسى بويىنشا كەدەيلەردى سۇيەمەلدەۋگە، كومەك بەرۋ مەن دەم بەرۋدى ۇشتاستىرۋعا تاباندى بولۋ كەرەك. ٴبىز كاسىپ سالاسىن بار كۇشپەن دامىتىپ، كەدەيلەردى سۇيەمەلدەۋ سەحى، فوتوۆولتتىق نىسان سياقتى 6 ۇلكەن نىساندى بەلسەنە ەنگىزىپ، تۇتىنۋ ارقىلى كومەكتەسۋ ـ سۇيەمەلدەۋ جاعىنا كۇش سالىپ، جاڭ جياچۋان اۋدانىنىڭ تيجارات ەتىلگەن اۋىل شارۋاشىلىق ونىمدەر مولشەرىن 10 ميلليون يۋانعا جەتكىزدىك، دەن قويا بار كۇشپەن سۇيەمەلدەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزۋگە شىنايى كەپىلدىك ەتۋگە كۇش سالامىز. 

 

باس شۋجي شي جينپيڭ بىلاي دەپ اتاپ كورسەتتى: كاسىپ سالاسى ارقىلى كەدەيلەردى سۇيەمەلدەۋ سەرپىنىن ارتتىرۋ كەرەك، ەگىمشىلىك، باعىمشىلىق كاسىبىنىڭ دامۋىنىڭ وزىندىك زاڭدىلىعى بار، ۇزاق ۋاقىت باۋلۋعا جانە قولداۋعا ٴمان بەرۋ كەرەك. 

 

كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جوعارى ساپامەن قول جەتكىزۋ كەرەك. شاندۇڭ ولكەسىنىڭ جينيڭ قالاسى كەدەيلەردى كاسىپ سالاسى ارقىلى سۇيەمەلدەۋ نىسانى ارقىلى بۇكىل اۋىلداعى كەدەي وتباسىلار تۇگەلدەي كەدەيلىكتەن قۇتىلدى. ۋيشان اۋدانى گاۋلۋ اۋىلىنىڭ كەدەيلەردى سۇيەمەلدەۋ كادرى ليۋ پەيچاڭ بىلاي دەدى: كەدەيلىكتەن ارىلتۋ ونىمدىلىگى كەزەكتەگى قىزمەتتىڭ ٴتۇيىنى. باس شۋجي شي جينپيڭنىڭ ٴسوزى نەگىزگى ساتىداعى كەدەيلەردى سۇيەمەلدەۋ كادرلارىنا باعدار كورسەتىپ، ٴبىزدى جىگەرلەندىردى. كەلەسى قادامدا ٴبىز كول وڭىرىندەگى ەرەكشە وڭىرلىك ابزالدىلىققا نەگىزدەلىپ، بالىق شارۋاشىلىعى قۇرىلىمىندا بۇرىلىس جاساۋدى ىلگەرىلەتىپ، ەكولوگيالىق جوعارى ٴونىمدى باعىمشىلىق ۇلگىسىن دامىتىپ، ەكولوگيالىق ساياحات كاسىبىن دامىتىپ، بالىقشىلاردىڭ كىرىسىن ارتتىرامىز.

 

حيلۇڭجياڭ ولكەسىنىڭ حايلۇن قالاسى بيىل 2-ايدا «مەملەكەت دارەجەلى كەدەي اۋدان» قالپاعىن الىپ تاستادى. حايلۇن قالاسى دۇڭفىڭ قالاشىعى يۇيسۇن قىستاعىنىڭ ٴبىرىنشى شۋجيى ليۋ لياڭ بيىلعى كاسىپ سالاسىن دامىتۋ ىستەرىن جانە كەدەيلىكتەن ارىلتۋدىڭ جەتىستىكتەرىن بەكەمدەۋدى جوسپارلاپ وتىرعاندىقتارىن ايتىپ بىلاي دەدى: بيىل تۇتاس قىستاق بويىنشا جاس جۇگەرى ەگۋدى جوسپارلاپ وتىرمىز. قىستاعىمىز شاعىن ەگىس الاڭى، شاعىن ورمان الاڭى، قاز باعۋ سياقتى كاسىپتەردى ۇزدىكسىز دامىتىپ، كەدەي وتباسىلارىنىڭ كىرىسىن 2 مىڭ يۋانعا جەتكىزىپ، كەدەي وتباسىلارىنىڭ بۇكىل ەل حالقىمەن بىرگە دوڭگەلەك داۋلەتتى قوعامعا قادام تاستاۋىنا مۇمكىندىك جاسايدى. 

 

مەملەكەت بويىنشا 9 ميلليون 600 مىڭ كەدەي جان سانى قونىس جاڭالادى. وسى سۇيەمەلدەۋ وبيەكتىلەرى جونىندە، باس شۋجي شي جينپيڭ «ورنىقتى سۇيەمەلدەپ، جۇمىسقا ورنالاستىرىپ، بىرتىندەپ اۋقاتتاندىرۋدى» تالاپ ەتتى. يۇنناننىڭ جاۋتۇڭ ـ جيڭ ـ ان جاڭا رايونى-بۇكىل ەلدەگى اۋدان اتتاعان ەڭ ۇلكەن كەدەيلەردى قونىس اۋدارىپ سۇيەمەلدەۋ ورنى، قازىر 16 مىڭنان استام ادام وسى رايونعا كوشىپ كىردى. جيڭ-ان جاڭا رايونى كاسىپ سالاسىن كاسىپتەندىرۋ كەڭسەسىنىڭ مەڭگەرۋشىسى جۋ ميڭرۇڭ بىلاي دەدى: سالىنىپ جاتقان كەدەيلەردى سۇيەمەلدەۋ سەحتارى 25 مىڭ شارشى مەتر، وسى ايدىڭ سوڭىندا سالىنىپ بولادى. كوكونىس بازاسىندا 2405 جىلىجاي سالىندى، الدا 3400 گە دەيىن كوبەيتىلەدى، جالپى جىلىجاي قۇرىلىسى سالىنعاننان كەيىن، 1500 دەي ەڭبەككۇش وسى اراعا قونىس اۋداراتىن بولادى.

 

سانشي ولكەسى كەدەيلەردى سۇيەمەلدەۋ كەڭسەسى كەدەيلەردى سۇيەمەلدەۋ بويىنشا قونىس اۋدارۋ باسقارماسىنىڭ باستىعى جياڭ شياۋۋ بىلاي دەدى: بۇكىل ولكەدەگى 1502 شوعىرلى ورنالاستىرۋ ٴتۇيىنى تۇگەلدەي سالىنىپ بولىپ، ادامدار كوشىپ كىردى. بيىل ولكەلىك قازىنا 3 ميلليارد 179 ميلليون يۋان ورنالاستىرىپ، ورنالاستىرۋ رايونىنىڭ سايكەستى قۇرىلعى قۇرىلىسىنا ارناۋلى پايدالاندى. ٴبىز پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا ساي، كەدەي بۇقارانىڭ كوشىپ كەلىپ، تۇراقتاپ تۇرۋىنا، جۇمىستانۋىنا كەپىلدىك ەتىپ، بىرتىندەپ اۋقاتتاندىرۋعا قۇلشىنامىز.

 

 جاۋاپتى رەداكتور: گۇلميرا قوزىقان قىزى

 

 

 

 

 

 

中央广播电视总台 央广网 版权所有

جەر-جەرلەر كەدەيلىكتەن ارىلتۋدىڭ جەتىستىكتەرىن بەكەمدەدى

كەدەيلىكتەن ارىلعان وڭىرلەر مەن حالىق سانىنىڭ ورنىقتى بولۋىنا، جۇمىستانۋىنا، بىرتىندەپ اۋقاتتانۋىنا شىنايى كەپىلدىك ەتۋدە