ينفورماتسيا اشكەرەلەۋ: mzjubao@cnr.cn

决战决胜脱贫攻坚

مەملەكەتتىك كەڭەستىڭ كەدەيلەردى سۇيەمەلدەۋ، دامىتۋ باسشىلىق گرۋپپاسى كەدەيلىك قالپاعى الىنعان اۋداندارعا ۇلگى الىپ تەكسەرۋ جۇرگىزدى

来源:جۇڭگو قازاق راديو تورابى     |责编:达吾力别克 |     发布日期: 2020-11-27 17:44

 

ٴوز حابارىمىز. كەدەيلىك قالپاعى الىنعاننان كەيىن، مەملەكەتتىك كەڭەستىڭ كەدەيلەردى سۇيەمەلدەۋ، دامىتۋ باسشىلىق گرۋپپاسى %20 تىك سالىستىرما بويىنشا، كەدەيلىك قالپاعى الىنعان اۋداندارعا ۇلگى الىپ تەكسەرۋ جۇرگىزىپ، كەدەيلىكتەن ارىلۋ جەتىستىگىنىڭ سىننان وتۋىنە كەپىلدىك ەتپەك بولدى. جەر-جەر «كەدەيلىك قالپاعى الىنسا دا، جاۋاپكەرلىكتى بوساڭسىتپاۋعا، ساياساتتى جالعاستى اتقارۋعا، سۇيەمەلدەۋدى توقتاتپاۋعا، باقىلاۋ-جونگە سالۋ دى جالعاستىرۋعا» تاباندى بولىپ، قاتىستى ساياساتتاردىڭ ورنىقتىلىعىن ساقتاپ، كەدەيلىكتەن ورنىقتى ارىلۋعا كەپىلدىك ەتۋدە. 

    بۇدان سىرت، حالىق ىستەرى مينيسترلىگى 11-ايدىڭ 23-كۇنى مىناداي جاعدايدى تانىستىردى: بۇكىل ەل بويىنشا ارحيۆ تۇرعىزىلىپ، كارتچكا بەرىلگەن 20 ميلليون 40 مىڭ كەدەي جان سانى ەڭ تومەنگى تۇرمىستى قامتاماسىزداندىرۋ نەمەسە ەرەكشە قيىنشىلىعى بارلاردى قۇتقارۋ، باعۋ كولەمىنە ەنگىزىلدى، اۋىل ـ قىستاقتارداعى ەڭ تومەنگى تۇرمىستى قامتاماسىزداندىرۋ ولشەمى 2015 ـ جىلعى 3177.6 يۋاننان 2020 ـ جىلى 3 ـ توقساندا 5841.7 يۋانعا كوتەرىلدى، ەلىمىزدەگى بارلىق ولكەلەردىڭ اۋىل-قىستاق ەڭ تومەنگى تۇرمىسىن قامتاماسىزداندىرۋ ولشەمى كەدەيلىكتەن ارىلتۋ كىرىس ولشەمىنەن اسىپ، كەدەي بۇقارانىڭ «ىشەر اس، كيەر كيىمنەن تارىقپاۋىنا» شىنايى كەپىلدىك ەتىلدى. 

    تانىستىرۋعا قاراعاندا، 2013 ـ جىلدان بەرى، ەلىمىزدە جيىنى 93 ميلليوننان استام كەدەي جان سانى كەدەيلىكتەن ارىلىپ، جىلىنا ورتا ەسەپپەن 10 ميلليوننان استام كەدەي كەدەيلىكتەن قۇتىلدى. بيىلعى قۇلشىنىس ارقىلى قالعان كەدەيلەر ۋاعىندا كەدەيلىكتەن ارىلىپ، ادامزاتتىڭ كەدەيلىكتەن ارىلۋ تاريحىنداعى كەرەمەتتەر جاراتىلدى. جۇڭحۋا ۇلتىنىڭ تاقىر كەدەيلىكتەن تۇبەگەيلى ارىلىپ، جاپپاي دوڭگەلەك داۋلەتتى قوعام قۇرۋداي مىڭ جىلدىق ارمانى قازىرگى داۋىردەگىلەردىڭ قولىندا جۇزەگە اسۋ الدىندا تۇر.


اۋدارعان: امانتاي مۇسايىپ ۇلى

中央广播电视总台 央广网 版权所有

مەملەكەتتىك كەڭەستىڭ كەدەيلەردى سۇيەمەلدەۋ، دامىتۋ باسشىلىق گرۋپپاسى كەدەيلىك قالپاعى الىنعان اۋداندارعا ۇلگى الىپ تەكسەرۋ جۇرگىزدى

جاپپاي دوڭگەلەك داۋلەتتى قوعام قۇرۋداي مىڭ جىلدىق ارمانى قازىرگى داۋىردەگىلەردىڭ قولىندا جۇزەگە اسۋ الدىندا تۇر