ينفورماتسيا اشكەرەلەۋ: mzjubao@cnr.cn

美不胜收

اۋەلگى ماقساتتىڭ ادال قورعاۋشىسى--سەرجان ابەۋ ۇلى

来源:央广网     |责编:阿依娜|     发布日期: 2020-06-08 16:55

 

كەدەيلىكتەن قۇتىلدىرۋدان قامال الۋ نىساناسىن جۇزەگە اسىرۋ ٴۇشىن، جەر-جەر ٴتۇرلى شارالار قولدانىپ، نىسانانى جۇزەگە اسىرۋعا جۇدىرىقتاي جۇمىلىپ، بار كۇشپەن اتسالسۋدا. وسى بارىستا كوپتەگەن كادرلار ىلگەرىندى-كەيىندى نەگىزگى ساتىعا جىبەرىلىپ، كەدەيلەردى سۇيەمەلدەۋ، وركەندەتۋ قوسىن قۇرىلىسى كۇشەيتىلىپ، كەدەيلىكتەن ارىلتۋ نىساناسىن ۋاعىندا جۇزەگە اسىرۋعا بەرىك نەگىز قالادى. ورتالىق راديو-تەلەۆيزيا باس ستانسياسىنىڭ قازاق ٴتىلى بەرىلىمى بۇگىننەن باستاپ، «كەدەيلىكتەن قۇتىلۋداعى ەرشىمدى ەڭبەكتەر» دەگەن تاقىرىپتا، نەگىزگى ساتىعا بارىپ، كەدەيلىكتەن ارىلتۋدان قامال الۋ قىزمەتىنە اتسالىسقان قىزمەتشى-كادرلاردىڭ ٴتول كەشىرمەلەرىن وزدەرىنىڭ بايانداۋىندا نازارلارىڭىزعا ۇسىنادى. 

ارناۋلى باعدارلامامىزدىڭ بۇگىنگى كەزەگىندە، باركول قازاق اۆتونوميالى اۋداندىق ۇيىمداستىرۋ بولىمىنەن وسى اۋدانداعى 14 كەدەي قىستاقتىڭ ٴبىرى بولعان حانجياجۋاڭزى قىستاعىنا قىزمەت اترەتىنىڭ ٴبىر مۇشەسى بولىپ قىزمەت وتەپ جاتقان سەرجان ابەۋ ۇلىنىڭ اڭگىمەسىنە كەزەك بەرەمىز.

 

 

 

مەنىڭ اتىم سەرجان ابەۋ ۇلى، 2018-جىلى شينجياڭ ۇيعۇر اۆتونوميالى رايوننىڭ نەگىزگى ساتىعا بارىپ «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، جۇرت تىلەگىن توعىستىرۋ» اتىنداعى ۇندەۋىنە ٴۇن قوسىپ، ۇيىمنىڭ ۇيعارۋى بويىنشا باركول قازاق اۆتونوميالى اۋدانىنداعى 14 كەدەي قىستاقتىڭ ٴبىرى بولعان حانجياجۋاڭزى قىستاعىنا قىزمەت اترەتىنىڭ ٴبىر مۇشەسى بولىپ قىزمەت وتەۋگە اتتاندىم. قىستاقتا تۇرعانىما قازىرگە دەيىن ٴۇش جىل بولىپتى. بۇل قىستاقتى سۇيەمەلدەۋگە العان ٴبىزدىڭ مەكەمەمىز-باركول اۋداندىق ۇيىمداستىرۋ ٴبولىمى ەڭ اۋەلى ٴوز قىزمەت اترەتىنە قاتاڭ تالاپ قويدى، ٴۇش جىل ىشىندە كەدەيلىكتەن قۇتىلۋدىڭ نەگىزىن بەكەمدەۋمەن بىرگە، قىستاق پارتيا ياچەيكاسىن الۋەتتەندىرۋدى ەرەكشە مىندەت رەتىندە قارادى. جۇك اۋىر، تالاپ قاتاڭ، ۋاقىت تىعىز، سونىمەن قىستاق قىزمەتىنە بەل شەشىپ بىلەك سىبانىپ كىرسىپ كەتتىم.

مەن تۇرعان قىستاق قۇمىل ايماعى كولەمىندەگى موڭعۇل ۇلتى تىعىز قونىستانعان بىردەن-ٴبىر قىستاق، مال شارۋاشىلىعىن نەگىز ەتەدى، قىستاقتا 242 وتباسى 673 جان سانى بار، موڭعۇل باۋىرلاستار قىستاقتاعى جالپى جان سانىنىڭ %65 تىن ۇستايدى، جالپى جايىلىم جەر كولەمى 522 مىڭ شارشى كيلومەتر، قىستاق كوللەكتيۆ ەكونوميكاسى ەجەلدەن 100 مىڭ يۋاننان اسىپ كورمەگەن، مالشىلار سىرتقا شىعىپ ەڭبەككە قاتىناسۋعا قۇلىقسىز، كەدەيلىكتەن ارىلۋداعى كەدەرگىلەر ٴبىر شاما كوپ قىستاق سانالادى. ارحيۆ تۇرعىزعان كەدەي 31 سەميا، 78 ادام. كەدەيلىك كەتپەيتىن كەسىر ەمەس، دەسەدە مالشىلاردىڭ رۋحاني جاقتاعى سالعىرتتىعى، قول سالىپ ىستەۋگە باتپايتىن قورقاقتىعى الۋعا ٴتيىستى قامالدىڭ ٴبىرى بولاتىن، اسىرەسە قىستاق ەكى باسشىلىق القاسىنىڭ جەتەكشىلىك قۋاتى، كۇرەسكەرلىك رولى جوققا ٴتان. وسىنداي جاعدايدا قىزمەتتى قالاي باستاۋ ماعان قويىلعان ٴبىر ۇلكەن سىن بولدى. ونىڭ ۇستىنە بۇل ورىن سول جىلى ۇيىم جاعىنان «پارتيا قىزمەتىن الۋەتتەندىرۋ ارقىلى كەدەيلىكتەن قۇتىلۋدى جەبەۋ»دىڭ ۇلگى ورنى بولىپ بەكتىلگەن بولاتىن. سونىمەن ەڭ اۋەلى قىستاق باسشىلىق القاسىن جونگە سالۋدى ٴبىرىنشى قىزمەت كۇش سالار تۇيىن رەتىندە قارادىم، قىزمەت قابىلەتى كەنجەلەۋ ەكى جورانى جاس ٴارى كومپيۋتەردەن ساۋاتتى، بۇقارالىق نەگىزى جاقسى ەكى ادامعا اۋىستىرىپ سايلاپ شىقتىق، قىستاق كادرلارىنىڭ قوسىنى بەكەمدەلدى، ەندىگى ماسەلە سەميالاردى ارالاۋ ۇگىت جاساۋ ارقىلى پارتيا مۇشەلەرىن اتتانىسقا كەلتىرۋ، كەدەي بۇقارانىڭ كەدەيلىكتەن قامال الۋىنا ٴجون سىلتەۋ، رۋحاني جاقتان كوتەرمەلەۋ بولدى. قىستاعىمىز باركول كولەمىندە تۇرعىندارى ەڭ بىتىراڭقى قىستاق بولعاندىقتان، ەڭ الىس ورنالاسقان تۇرعىنعا بارۋ ٴۇشىن 40 كيلومەتردەن استام جول باسۋى كەرەك، قاقاعان قاڭتاردىڭ ايازى مەن شىلدەنىڭ اپتابىندا، قىستاق كادرلارىن اتتانىسقا كەلتىرىپ، قىزمەت اترەتىندەگى جولداستارمەن سايكەسىپ، ٴبىر اي ىشىندە بارلىق تۇرعىنداردىڭ جاعدايى مەن تۇرمىسىنداعى قيىنشىلىق احۋالدارىن يەلەدىم. كەلەسى ايدان باستاپ بارلىق كەدەي تۇرعىندارعا بىردەن كىرىستى ارتتىرۋ جوباسىن ازىرلەپ شىقتىق. سول جوبانى قىستاق تۇرعىندارىنىڭ تالقى-جيىنىنان وتكىزگەننەن كەيىن، باستاپ اتقارا باستادىق، بيىل شارۋالاردىڭ كىرىسىن انىقتاعان كەزدە مالشلاردىڭ جان باسىندىق ورتاشا كىرسى تۇڭعىش رەت 20 مىڭ يۋاننان اسقانىن بايقادىق. مىنە بۇل جوبانىڭ دۇرىستىعى، تەردىڭ تەككە كەتپەگەنى دەپ ىشتەي قۋاندىم. ەكىنشى جىلىنان باستاپ قىستاق ەكونوميكاسىن كوتەرۋدى قولعا الدىق، ەڭ الدىمەن قىستاقتىڭ تۇراقتى مۇلكىن، جەرىن تۇگەل ەسەپكە الىپ، كوتەرەگە بەرۋگە بولاتىنىن كوتەرەگە، مايلايتىنىن مايلادىق، اۋداندىق ۇيىمداستىرۋ بولىمىنەن 500 مىڭ يۋان قارجى شەشىم ەتكىزىپ، قىستاقتىڭ ٴوزىنىڭ تۇراقتى ٴوندىرسىن، ياعىني سالقىن ٴساي ساقتاۋ قامباسىن قۇرىپ، قاتىسى كوپەراتيۆ جىلىنا 140 مىڭ يۋان تاپسىراتىن ەتىپ مايلاپ تاستادىق، جەكەلەردىڭ قولىندا توزىپ كەتكەن 235 تۇياق قويدى قايتا جيناپ الىپ، 2000 مۋلىق قۇنارلى جايىلىمدى قورشاۋعا ىستەتتىك، بۇدان كىرەتىن جىلدىق كىرىس 50 مىڭ يۋان، جەرگىلىكتى موڭعۇل حالقىنىڭ تاسپەن پىسىرعان ەت، ماي قايماق قاتارلى ونىمدەرىن تانىستىرۋ ارقىلى ەكى ساياجاي اشىپ، ودان 3 كەدەي وتباسىن كاسىپتەندىردىك. ٴسۇيتىپ قىستاقتىڭ كوللەكتيۆ كىرىسى قىزىل سيفىردان تۇرعىندارعا جىلىنا اقشا ٴبولىپ بەرە الاتىن قۋاتقا جەتتى. وسى قۇلشىنىستاردىڭ ارقاسىندا 2019-جىلى اۆتونوميالى رايوننىڭ «ۇزدىك نەگىزگى ساتى ياچەيكاسى» دەگەن ماراپاتىنا يە بولدىق. قازىر تۇرعىنداردىڭ بەلسەندىلىگى، قىستاقتىڭ وزگەرىسى ەڭ الدىمەن كوزگە تۇسەدى. مۇنىڭ بارلىعى ورتالىقتىڭ كەدەيلەردى سۇيەمەلدەۋگە قاتىستى ساياساتتارىنان ۇتىمدى پايدالانىپ، قىستاق ەرەكشەلىگىنە قاراي جۇمىس ىستەگەندىكتەن بولدى.

 

 ٴۇش جىلدىق كەدەيلىكتەن ارىلتۋ قىزمەتى بارسىندا، مەنىڭ قورتىندىلاعانىم--كەدەيلىك قىزمەتىنىڭ نەگىزى-بۇقارالىق قىزمەت. ٴبىر وتباسى كىرىسىنىڭ كوپ بولەگىن ۇكىمەت پەن پارتيانىڭ ساياساتتارى ارقىلى كەلگەن كومەك اقشا يەلەسە، وندا بۇل وتباسىنىڭ كەدەيلىكتەن قۇتىلعانى ناعايبىل، ناعىز كەدەيلىكتەن قۇتىلعان وتباسىنىڭ كىرىسىندە، وندىرىستىك كىرىس باسىم ورىندى يەلەسە، وندا بۇل وتباسىنىڭ بايلىعى باياندى بولماق. 

 

中央广播电视总台 央广网 版权所有

اۋەلگى ماقساتتىڭ ادال قورعاۋشىسى--سەرجان ابەۋ ۇلى

كەدەيلىكتەن قۇتىلۋداعى ەرشىمدى ەڭبەكتەر 1-ٴبولىم