ينفورماتسيا اشكەرەلەۋ: mzjubao@cnr.cn

美不胜收

شۇعايىپبەك ماۋىلقان ۇلى: نەگىزگى ساتى بارلىق قىزمەتتىڭ تياناعى

来源:央广网     |责编:阿依娜|     发布日期: 2020-06-17 17:20

كەدەيلىكتەن قۇتىلۋداعى ەرشىمدى ەڭبەكتەر 9-ٴبولىم

كەدەيلىكتەن قۇتىلدىرۋدان قامال الۋ نساناسىن جۇزەگە اسىرۋءۇشىن، جەر-جەر ءتۇرلى شارالار قولدانىپ، جۇدىرىقتاي جۇمىلىپ، كەدەيلىكتەن قۇتىلدىرۋدان قامال الۋدىڭ سوڭعى جەڭىسىنە قول جەتكىزۋ جولىندا ايانباي كۇرەس جاساۋدا. شەت-شەكارا شالعاي وڭىرلەردە بۇدان استە قاعىس قالعان ەمەس. سانسىز كادر-جۇمىسشىلار وسى داڭىقتى مىندەتتى ورىنداۋ ٴۇشىن نەگىزگى ساتىعا بارىپ، اتالعان شايقاستىڭ سوڭعى جەڭىسىنە قول جەتكىزۋ جولىندا ەسەلى ەڭبەك ەتۋدە.

 

تومەندە، التاي ايماعىنىڭ شىڭگىل اۋدانى ارال قالاشىعى قاراڭعىتوعاي قىستاعىنىڭ كەدەيلىكتەن قۇتىلدىرۋ جولىنداعى ەرشىمدى ەڭبەكتەرىن قاراڭعىتوعاي قىستاق پارتيا ياچەيكاسىنىڭ شۋجيى، قىستاق مەڭگەرۋشىسى شۇعايىپبەك ماۋىلقان ۇلىنىڭ بايانداۋىندا نازارلاىڭىزعا ۇسىنامىز. 

 

 

 

مەن-شۇعايىپبەك ماۋىلقان ۇلى بولامىن، 2012-جىلدان بەرى، شىڭگىل اۋدانى ارال قالاشىعى قاراڭعىتوعاي قىستاق پارتيا ياچەيكاسىنىڭ شۋجيى جانە قىستاق مەڭگەرۋشىسى سىندى مىندەتتى وتەپ كەلەمىن. ارال قالاشىعى قاراڭعتوعاي قىستاعى، شىڭگىل اۋدانىنداعى 22 ٴتۇيىندى كەدەي قىستاقتىڭ ءٴبىرى، قىستاعىمىزدا 403 وتباسى، 1400 جان سان بار بولىپ، قازاق ۇلتى ٪98 ىن ۇستايدى.

2012-جىلى قىستاعىمىزداعى جالپى ارحيۆ تۇرعىزىلعان كەدەي وتباسى 183، جالپى جان سانى 708 ادام، قىستاعىمىزدا وسىنشا كوپ وتباسىنىڭ كەدەيلەسۋىنە جەر از، تەحنيكا كەمشىل، قاتىناسى قولايسىز سىندى فاكتورلار سەبەپ بولىپ وتىر. جاقىنعى جىلداردان بەرى، پارتيا مەن ۇكىمەتتىڭ ەرەكشە ٴتيىمدى ساياساتىنىڭ جانە قىزمەت گرۋپپاسىنىڭ سونداي-اق قىستاق ەكى كوميتەتى مەن قاتىستى جولداستاردىڭ ورتاق قۇلشىنىپ، دالمە-ٴدال سۇيەمەلدەۋىنىڭ ارقاسىندا 108 كەدەي وتباسىنداعى 396 جان سان سۇيەمەلدەندى. 75 كەدەي وتباسى 2016-جىلى شىڭگىل اۋدانى اقدالا اشۋ ورىننا كوشىرىلىپ قونىستاندىرىلدى. بۇل وتباسىلارىنىڭ باسىم كوپ ساندىسى ٴوندىرىس قۋاتى ءالسىز، وزدەرىنە ٴتان باس-پاناسى جوق وتباسىلارى بولاتىن. قازىر وسى وتباسىلارى شىڭگىل اۋدانى اشۋ رايونى اقدالا قالاشىعىنداعى ساۋلەتتى تۇرعىندار بيناسىندا جانعا جايلى جان ۇياسى، وزدەرىنە قاراستى جەرى، كۇندەلىكتى ىستەيتىن جۇمىسى، كاسىپتەنۋگە قولايلى ورتاسى بار، مەكتەپ، دوحتىرحانا ٴۇي ىرگەسىنەن تابىلاتىن ورتادا الاڭسىز تۇرمىس كەشىرۋدە. مىنە وسىنداي كوشىرىپ قونىستاندىرۋ قاتارلى ٴتيىمدى ساياساتتاردىڭ ارقاسىندا 2016-جىلى قىستاعىمىز جالپى بەتتىك كەدەيلىكتەن قۇتىلدى. 

قاراڭعىتوعاي قىستاعى ۇلكەن شىڭگىل وزەنى بويىنا بىتىراي قونىستانعان. جاقىنعى جىلداردان بەرى، مالشىلارىمىزعا سىلكىنىسكە ٴتوزىمدى بەيقۇت ٴءۇي، وندىرىسكە قاجەتتى جىلى قورا، سۇرلەم ۇراسى سالىندى، ٴبىر ٴبولىم وتباسىلارىنا قۇبىر سۋى جەتكىزىلىپ، سۋمەن ىعىستىرىلاتىن دارەتحانا قوسىپ سالىنىپ، قىستاقتاعى وتباسىلارىن شوعىرلى قونىستاندىردى. اۋلا شارۋاشىلىعىن دامىتۋ ءۇشىن، ءار ٴبىر وتباسىنا كوكتات ەگەتىن قورشاۋ سالىنىپ، كوشەت تەگىن تاراتىلىپ، تەحنيكالىق جاقتان جەتەكشىلىك ىستەلدى. كەدەي وتباسىلارىنىڭ ءوز جاعدايىنا قاراي ءىرى جانە ۇساق مال تاراتىلىپ، ٴشوپ تۋراۋ ماشيناسى بەرىلدى. ءبىر وتباسىندا ءبىر شارۋاشىلىق، ٴبىر كاسىپ بولۋدى كوزدە ۇستاپ، بۇقارانىڭ قاجەتىنە قاراي، قاتىستى ورىندارمەن بايلانىس جاساپ، ٴتۇرلى تەحنيكالىق كۋرس اشىپ، تۇرعىنداردىڭ كاسىپتىك ورەسىن جوعارىلاتتىق، سول ارقىلى كاسىپ جاراتاتىن مۇمكىندىگى بار دەگەن وتباسىلارىن بازارعا باستاپ، وتباسى كىرىسىن ارتتىردىق. قىستاعىمىز مال شارۋاشىلىعىن نەگىز ەتەتىن قىستاق بولعاندىقتان، زامان تالابىنا قاراي مالدى قورادا باعۋ، اسىلداندىرۋدى نەگىز ەتىپ، قوسىمشا كاسىپتى جانداندىردىق. ايتالىق، قىستاعىمىزداعى كەدەي وتباسى تۇرسىنبەك نۇقتان ۇلى ياچەيكامىزدىڭ جەتەكشىلىگىندە، دەربەس شاعىن جۇمىس ىستەۋ اترەتىن قۇرىپ، وزىمەن قاتار توعىز وتباسىن كاسىپتەندىردى. 

جاقىنعى جىلداردان بەرى، قىستاق تۇرعىندارىنىڭ ورتاسى مەن تۇرمىسىندا ەرەكشە زور وزگەرىستەر بولدى، ياعىني قىستاعىمىزدا قولايلى مادەنيەت ٴۇيى، دوحتىرحانا، بالالار باقشاسى، الەۋمەتتىك مونشا، تازالىق ٴءۇيى بار بولدى، سونىمەن قاتار بۇقارالاردىڭ كۇندەلىكتى تۇرمىس بۇيىمدارىن ساتىپ الۋعا جانە قولىنداعى ونىمدەرىن توراپ ارقىلى سىرتقا ساتۋعا قولايلى ەلەكتر ساۋدا دۇكەنى سالىنىپ، پايدالانۋعا بەرىلدى. سونىمەن قاتار حيلۇڭجياڭ ولكەسىنىڭ ەرەكشە سۇيەمەلدەۋىندە، قىستاعىمىز 2019-جىلى شىڭگىل اۋدانىنداعى كەدەيلىكتەن قۇتىلۋداعى جانە كورىكتى اۋىل قىستاق قۇرۋداعى ۇلگى قىستاق بولىپ بەلگىلەندى. مىنە وسىنداي ابزالدىلىقتاردىڭ ارقاسىندا، قاراڭعىتوعاي قىستاعى شىڭگىل اۋدانىنداعى بىردەن-ءبىر جاڭاشا قىستاق بولىپ قۇرىلىپ، مالشىلاردىڭ بەت-بەينەسى بارعان سايىن جاقساردى.

وسى 9 جىلدىق نەگىزگى ساتىداعى قىزمەت بارسىندا قورتقان تاجىريبەم-پارتيانىڭ ابزال ساياساتتارىن بۇقاراعا ٴسوزسىز ۋاعىندا جەتكىزۋ، جەتەلەۋ مەن ۇگىت قىزمەتىن ۇشتاستىرىپ، باس شۋجيدىڭ ورتاعا قويعان-«پارتيانى پارتيا باسقارۋ، پارتيانى قاتاڭ باسقارۋ» باعىتىنا ساي، ياچەيكا قىزمەتىن مىقتى ۇستاپ، پارتيا مۇشەلەرىنە قاتاڭ تالاپ قويىپ، ۇيرەنۋدى كۇشەيتىپ، پارتيا مەن بۇقارا ورتاسىنداعى كوپىرلىك رولدى ساۋلەلەندىرۋ كەرەك. سول ارقىلى پارتيامىزدىڭ اۋىل قىستاق ابزال ساياساتىن نەگىزگى ساتىدا تياناقتاندىرۋداعى ولقىلىقتاردى ۋاعىندا تولىقتاپ، ٴبىر كوممۋنيستىك پارتيا مۇشەسىنىڭ بويىندا بولاتىن جاۋاپكەرشىلكپەن قىزمەت ىستەسەك، الىنبايتىن قامال، جەڭبەيتىن قيىنشىلىق جوق ەكەنىن شىنايى سەزىندىم. 

 

中央广播电视总台 央广网 版权所有

شۇعايىپبەك ماۋىلقان ۇلى: نەگىزگى ساتى بارلىق قىزمەتتىڭ تياناعى

التاي ايماعىنىڭ شىڭگىل اۋدانى ارال قالاشىعى قاراڭعىتوعاي قىستاعىنىڭ كەدەيلىكتەن قۇتىلدىرۋ جولىنداعى ەرشىمدى ەڭبەكتەرىن قاراڭعىتوعاي قىستاق پارتيا ياچەيكاسىنىڭ شۋجيى، قىستاق مەڭگەرۋشىسى شۇعايىپبەك ماۋىلقان ۇلىنىڭ بايانداۋىندا نازارلاىڭىزعا ۇسىنامىز.