جيەك قالاشىعى شالعىنباي كول قىستاعىنداعى كوۋ زى-ۋىن وتباسىنىڭ اسقاباق ٴونىمىن اۋىل شارۋاشىلىق ماشيناسىمەن قاربالاس جيناۋعا كىرىسىپ، التىن سارى ٴتۇستى اسقاباق كوۋ زى-ۋىننىڭ اۋقاتتانۋ ارمانىنا دەمەۋ بولدى، مەجەگە قاراعاندا، اسقاباقتىڭ مۋ باسىندىق ٴونىمى 250 كيلوگرامنان اسىپ، بىلتىرعىدان 50 كيلوگرامنان ارتىق بولىپ، 70 توننا ءونىم الدى.

    سۋرەتتە: اتىز تولى اسقاباق ونىمدەرىنەن ءبىر قيىق

    جيەك قالاشىعى شالعىنباي كول قىستاعىنىڭ تۇرعىنى كوۋ زى-ۋىن بيىل 300 مۋ جەردى كوتەرمەگە الىپ، اسقاباق ەگىپ، قاجىرلى ەڭبەك ەتۋ، عىلمي باپتاۋ ارقىلى ٴدانى تولىق، قىزعىلت سارى ٴتۇستى اسقاباق اتىزعا لىق تولدى.

    سۋرەتتە: ديقاندار مول ءونىمدى سىراپسىز قامبالاپ الۋعا قۇلشىنۋدا

    سوڭعى جىلدارى، اۋدان ەگىمشىلىك قۇرىلىمىن ۇزدىكسىز رەتتەپ، شارۋالاردى اسقاباق سياقتى ەرەكشە ەگىس داقىلدارىن ەگۋگە بەلسەنە جەتەكتەپ، كىرىستى ارتتىرۋ ارناسىن كەڭەيتىپ، اۋىل ـ قىستاقتى كوركەيتۋگە دەم بەردى. 2 جىل سىناق رەتىندە ەگۋ ارقىلى كوۋ زى-ۋىننىڭ ەككەن اسقاباعىنىڭ ٴونىم مولشەرى جوعارى، ونىمدىلىگى جاقسى بولىپ، قىستاقتا ۇلگى كورسەتۋ، جەتەكتەۋ رولىن اتقاردى.

    قىستاق تۇرعىنى كوۋ زى-ۋىن :”اسقاباقتى ەگۋدى بىلتىردان باستادىم، ەكونوميكالىق ونىمدىلىگىم ەرەكشە جاقسى بولدى، كەلەر جىلى تاعى دا ٴتۇيىندى تۇردە ەگىس كولەمىن كەڭەيتىپ، بۇقارانىڭ كىرىسىن بىرگە ارتتىرۋعا باستاماشى بولىپ ورتاق اۋقاتتانۋعا كۇش سالامىز.

شاعانتوعاي اۋداندىق توعىسپالى اقپارات ورتالىعى