ەلىمىزدە چاڭجياڭ پورتىن وسىزامانداندىرۋ جەدەلدەدى، 2035-جىلى جالپى بەتتىك وسىزاماندانعان نەگىزگى لەنيا پورت جۇيەسى قۇرىلادى
ٴوز حابارىمىز. چاڭجياڭ وزەنىندەگى تاسىمال ىستەرى سوڭعى جىلداردان بەرى جەدەل دامىپ، چاڭجياڭ وزەنى نەگىزگى لەنياسىنداعى پورتتاردىڭ ارنايىلانۋ، كولەمدەنۋ، وسىزاماندانۋ ورەسى ۇزدىكسىز جوعارىلادى. 2035-جىلعا بارعاندا، ەلىمىزدە وسىزاماندانعان چاڭجياڭ نەگىزگى لەنيا پورت جۇيەسى جالپى بەتتىك قۇرىلىپ، چاڭجياڭ ەكونوميكالىق بەلدەۋىنىڭ جوعارى ساپالى دامۋىنا پارمەندى دەم بەرىلەدى.
قاتىناس-تاسىمال مينيسترلىگى، مەملەكەتتىك دامۋ-رەفورما كوميتەتى تاياۋدا «چاڭجياڭ نەگىزگى لەنياسىنداعى پورتتاردىڭ ورنالاسۋىن جانە پورتتاردىڭ جاعالاۋ ەكولوگياسىن قورعاۋ، پايدالانۋ جوباسىن» باسىپ تاراتىپ مىنالاردى العا قويدى: 2035-جىلعا بارعاندا ورنالاسۋى ۇيلەسىمدى، يقۋاتى كەمەلدى، شوعىرلانعان، جاسىل، حاۋىپسىز، زەيىندەستىرىلگەن وسىزاماندانعان چاڭجياڭ نەگىزگى لەنيا پورت جۇيەسىن جالپى بەتتىك قۇرىپ شىعىپ، پورت جاعالاۋ وڭىرلەرىنىڭ بايلىعىن ٴونىمدى قورعاۋ جانە شوعىرلى، ٴونىمدى پايدالانۋ كەرەك. قاتىناس ـ تاسىمال مينيسترلىگى جالپى جوسپار مەڭگەرمەسى باستىعىنىڭ ورىنباسارى سۋ جيە بىلاي دەدى: چاڭجياڭ ۇشبۇرىس وڭىرىندەگى، چاڭجياڭ وزەنىنىڭ ورتا اعارىنداعى، چاڭجياڭ وزەنىنىڭ جوعارعى اعارىنداعى وڭىرلىك پورت شوعىرلارى سايكەسە دامىپ كەلەدى. جاسىل پورت قۇرىلىس ناتيجەسى كورنەكتى بولىپ، تازا، تومەن كومىرتەكتى تەحنيكالىق جابدىقتار كەڭ كولەمدە قولدانىلدى. پورتتىڭ ينفورماتسيالانۋ، زەيىندەستىرىلۋ دەڭگەيى جانە حاۋىپسىزدىك باقىلاۋ ـ باسقارۋ قابىلەتى كورنەكتى كۇشەيدى، ەل ىشىندەگى جانە حالىقاراداعى قوس اينالىمدى زات اينالىمى تىزبەگىمەن قامداۋدى قامتاماسىز ەتۋ دەڭگەيى ۇزدىكسىز جوعارىلادى.
اۋدارعان: قاناتبەك جۇماباي ۇلى