«تيانجوۋ-2» جۇك تاسىمال الەم كەمەسى تيانحى وزەكتى بولمەسىمەن ٴساتتى ٴتۇيىلىستى، قۇراما دەنەلەر بىرتىندەپ قالپىنا كەلدى، كەيىنگى قىزمەتتەر ۇشۋدى مەڭگەرۋ جوسپارى بويىنشا قالىپتى اتقارىلدى.

    بەيجيڭ عارىشقا ۇشۋدى مەڭگەرۋ ورتالىعى باس ينجەنەرىنىڭ ورىنباسارى ۋاڭ سايجين وسىنداي ٴاربىر كەزەڭدەردە ەكرانعا قاداعالاي نازار اۋدارىپ، بۇيرىق بەرۋ، قابىلداۋ جاعدايىن جانە كەڭىستىك بەكەتىنىڭ ەڭ جاڭا كۇيىن قاداعالاي باقىلاپ وتىرادى.

    ۋاڭ سايجين بىلاي دەپ تانىستىردى: عارىش اسپابى كەڭىستىكتە ۇشقان كەزدە، اسپان مەن جەر اراسىندا الىستان ولشەۋ، الىستان مەڭگەرۋ ينفورماتسياسى جەتكىزىلەدى، ٴبىز اسپان مەن جەر اراسىنداعى تىزبەكتىڭ ىركىلىسسىزدىگىنە كەپىلدىك ەتىپ، عارىش اسپابىن باقىلاۋعا جانە مەڭگەرۋدىڭ قالىپتى جۇرگىزىلۋىنە كەپىلدىك ەتۋىمىز كەرەك.

    عارىش اسپابىن باتپىراۋىق دەسەك، ۇشۋدى تىزگىندەۋشى ادام باتپىراۋىق ۇشىرۋشى سانالادى، جەر بەتىندەگى مەڭگەرۋ جۇيەسى ارقىلى بۇيرىق بەرىپ، عارىشتاعى عارىش اسپابىن «باتپىراۋىقتىڭ باۋى» سياقتى مىقتاپ مەڭگەرەدى.

    2013-جىلى 6-ايدىڭ 11-كۇنى شىنجوۋ 10-ٴنومىرلى الەم كەمەسىمەن ٴۇش عارىشكەر ۇشىرىلدى. عارىشقا ادام الىپ ۇشاتىن الەم كەمەسى ۇشىرىلعان كەزدە، ۋاڭ سايجين ٴوزىنىڭ ەسىندە وشپەستەي قالعان ٴبىر ٴىستى ەسىنە الدى.

    «شىنجوۋ − 10» الەم كەمەسىن ۇشىرۋ قارساڭىندا، ۇيىرمە قىزمەتكەرلەرى جەر بەتىندەگى حابارلاسۋ كابەلىنىڭ ٴبىر تال سىمىنىڭ جاناسۋى جاقسى ەمەس ەكەنىن بايقادى، مۇنداي جاعدايدا جەر بەتىندەگى مەڭگەرۋ ورتالىعى ادام الىپ ۇشاتىن الەم كەمەسى ۇشىرىلعاننان كەيىن، كەڭىستىكتەگى قاتىستى ساندى مالىمەتتەردەن حابارسىز قالاتىن ەدى.

    ۋاڭ سايجين مەن قىزمەتتەستەرى ٴىشىنارا جابدىقتاردىڭ قالىپتى جۇمىس جۇرگىزۋىمەن شەكتەلىپ قالماي، قايتا عارىش مىندەتىنىڭ قالىپتى جۇرگىزىلۋىن قامتاماسىز ەتۋدى كوزدەدى؛ ولار ارناۋلى جيىلىك سپەكترىن باقىلاۋ جۇيەسىن اشىپ، اۆتوماتتاندىرىلعان قۇرىلىس ءٴتاسىلىن جوعارىلاتتى... ۋاڭ سايجين بىلاي دەدى: قايىرىلا قاراساق، بۇل ٴبىر ەلەكتر كابەلىنەن تۋىنداعان حابارلاسۋ وزگەرىسى سانالادى.

    مىنە وسىنداي ٴارقانداي كىشىگىرىم ىستە ٴبارىن كەمەلدى ىستەۋدى دارىپتەپ، تيتتەي دە جاسىرىن كىنارات تۋدىرماعان قىزمەتكەرلەردە بەيجيڭ عارىشقا ۇشۋدى مەڭگەرۋ ورتالىعى قۇرىلدى، ال بۇل ارا جۇڭگو كەڭىستىك بەكەتى قۇرىلىسىندا كەم بولسا بولمايتىن ٴبىر بولەككە اينالدى.

    30 نەشە جىلدان بەرى، ۋاڭ سايجين بەيجيڭ عارىشقا ۇشۋدى مەڭگەرۋ ورتالىعىنىڭ دامۋىن باستان كەشىردى، ۋاڭ سايجين: ٴار رەتكى رەكورد قايتادان جاڭالانىپ وتىرادى،-دەيدى. بولاشاقتا ولاردىڭ قولىنداعى باتپىراۋىق ٴتىپتى دە بيىك، ٴتىپتى دە الىس، ٴتىپتى دە ورنىقتى ۇشاتىن بولادى.

اۋدارعان: گۇلنۇر قابىلقاق قىزى