جىرعىلتى گولىڭ موڭعۇل ۇلتتىق اۋىلى زاعىنتالا قىستاعىنىڭ تۇرعىنى ما جينشياڭنىڭ ۇيىندە 2000 نەشە تۇياق ٴتۇبىتتى ەشكى بار، ول تىلشىگە ٴاربىر ٴتۇبىتتى ەشكىدەن 1.2 كيلوگرام ٴتۇبىت تۇسەدى، ٴار كيلوگرامى 120 يۋان اينالاسىندا بولادى، وزىندىك قۇندى شىعارىپ تاستاعاندا، ونىڭ ٴتۇبىت ساتۋدان تاپقان كىرىسى 200 مىڭ يۋاننان اساتىندىعىن ايتتى. قىزمەت ونىمدىلىگىن جوعارىلاتۋ ٴۇشىن، ول ٴار جىلى قىستاق تۇرعىندارىن جالداپ ەكى تۇبىتتەيدى، قازىر قىستاق تۇرعىندارى ەشكى تۇبىتتەۋ ارقىلى كىرىس كىرگىزەتىن بولدى.

    جىرعىلتى گولىڭ موڭعۇل ۇلتتىق اۋىلى زاگىنتارا قىستاعىنىڭ تۇرعىنى حاي جينمەي بىلاي دەدى: كوكتەمدە جۇمىس از بولعاندىقتان، سىرتقا شىعىپ ازىن ـ اۋلاق اقشا تابامىز، ٴبىز وسىندا كەلىپ ەشكى تۇبىتتەيمىز، ٴار كۇنى 40تا 50 تۇياق ەشكى تۇبىتتەپ، 200 دە 300 يۋان كىرىس كىرگىزەمىز.

    جىرعىلتى گولىڭ موڭعۇل ۇلتتىق اۋىلى زاگىنتالا قىستاعىنىڭ مالشىسى ما جينشياڭ بىلاي دەدى: بۇگىن ءبىز ولاردى جۇمىس ىستەسۋگە شاقىرعانبىز، وسى ارادا جۇمىس ىستەۋ ارقىلى ولاردا ەكونوميكالىق كىرىس كىرگىزدى، ءبىز ولاردىڭ ەڭبەكاقىسىن تولىق بەرەمىز، ءارى كوپشىلىكتى باستاپ اۋقاتتانۋ جولىنا تۇسەمىز.

    ءتۇبىتتى ەشكىنىڭ ٴتۇبىتى مەن ەتىن بىردەي پايدالانۋعا بولادى، باعىمشىلىقتىڭ وزىندىك قۇنى تومەن، قاتارعا قوسىلۋ مولشەرى جوعارى، ەكونوميكالىق ونىمدىلىگى جاقسى بولۋداي ارتىقشىلىقتارىنا يە. ٴتۇبىت ەشكى ٴجۇنىنىڭ تۇبىندە وسەتىن جۇقا ٴتۇبىت، ساپالى ٴتۇبىت ٴونىمى سيرەك، توتەنشە باعالى، ساۋدادا گرام ارقىلى باعا بەلگىلەنەدى، سوندىقتان «جۇمساق التىن» دەپ تە اتالادى.

    ساۋداگەر جاڭ ۋىنشياڭ بىلاي دەدى: ٴبىز العان مىنا ءتۇبىتتى 100 يۋان اينالاسىندا ساتۋعا بولادى، بۇل ٴجۇن مەن ٴتۇبىت ارالاسقان، ولاردىڭ العانى تۇگەلدەي وسى ءتۇبىت، قاراشى ماپ-مايدا، ٴبىزدىڭ العانىمىز مىنە وسىلاي، زاۆود ادەتتە ءجۇن ارالاسپاعان ءتۇبىت بويىنشا ەسەپتەيدى، ٴبىر تونناسىن 700 مىڭ يۋانعا دەيىن ساتۋعا بولادى، مىنا ٴتۇبىتتىڭ ٴبىر كيلوگرامىن 350 - 360 يۋانعا دەيىن الۋعا بولادى.

    ۇعىسۋعا قاراعاندا، قىستاق ەكى كوميتەتى مەن قىزمەت اترەتىنىڭ جەتەكشىلىگىندە، زاگىنتالا قىستاعىندا قازىر بار 25 ەگىنشى-مالشى وتباسى مال شارۋاشىلىق باعىمشىلىعىن دامىتىپ، جىلدىق قوراداعى قالدىق مال باس سانى 7000 نان اسادى ەكەن.

    جىرعىلتى گولىڭ موڭعۇل ۇلتتىق اۋىلى زاگىنتالا قىستاعى پارتيا ياچەيكاسىنىڭ شۋجيى سۇن شياۋحۋا بىلاي دەدى: وسى باعىمشىلىق ارقىلى باعىمشىلىقپەن شۇعىلداناتىن وتباسىلارىنىڭ سەنىمى ارتتى، سوڭعى مەزگىلدە ياچەيكا مەن قىزمەت اترەتىمىز ولاردى عىلمي باعىمشىلىق نەگىزىندە دامىتىپ، زورايتىپ، توڭىرەكتەگى قىستاق تۇرعىندارىن باعىمشىلىق كاسىبىن بارىنشا جاقسى ىستەۋگە جەتەكتەيمىز.

    جىرعىلتى گولىڭ موڭعۇل ۇلتتىق اۋىلى پارتكومىنىڭ ورىنباسار شۋجيى، اۋىل باستىعى شولىمبات بىلاي دەدى: جىرعىلتى اۋىلى اۋىل ـ قىستاقتى گۇلدەندىرۋ قىزمەتىنىڭ تالابىنا ساي، ەگىن، مال شارۋاشىلىق اۋىل ـ قالاشىقتار، وتباسىلىق باعىمشىلىقتىڭ سانى مول بولۋ، شارۋالاردىڭ باعىمشىلىقپەن شۇعىلدانىپ، كىرىستەرىن ارتتىرۋ تىلەگى كۇشتى بولۋداي ەرەكشەلىككە ۇشتاستىرىپ، ەگىنشىلىك رايوندارىنداعى مال شارۋاشىلىق باعىمشىلىعىن زور كۇشپەن دامىتىپ، اسىل مال تۇقىمىن بەلسەنە ەنگىزىپ، باعۋ كولەمىن كەڭەيتىپ، اۋىل شارۋاشىلىعىنىڭ ونىمدىلىگىن ارتتىرىپ، شارۋالاردىڭ كىرىسىن ارتتىرۋدى جۇزەگە اسىرىپ، بۇقارانىڭ باقىت سەزىمىن، تابىس سەزىمىن جوعارىلاتامىز.

شيحۋ قالالىق توعىسپالى اقپارات ورتالىعى