شيحۋ قالاسى 18-رەتكى نەگىزگى زاڭ مەن زاڭداردى ۇگىتتەۋ ايى قيمىلىن ورىستەتتى
قارقىنبەك ەركىن ۇلى حابارلايدى. 4- اي ەلىمىزدىڭ 18-رەتكى «نەگىزگى زاڭ مەن زاڭداردى ۇگىتتەۋ ايى». بىرنەشە كۇننەن بەرى، قالامىز كوپ ٴتۇرلى قيمىلدار ارقىلى نەگىزگى زاڭ رۋحىن ونان ارى ساۋلەلەندىرىپ، قالىڭ بۇقارانى نەگىزگى زاڭ مەن زاڭدىق تانىمدى بەرىك ورناتۋعا تاربيەلەدى.
4-ايدىڭ 11-كۇنى شيحۋ قالالىق شۇعىل جاعدايعا توتەپ بەرۋدى باسقارۋ مەكەمەسى، تيانشاننىڭ شىعىس بولەگى مەملەكەت مەنشىگىندەگى ورمان شارۋاشىلىعىن باسقارۋ مەكەمەسى شيحۋ ورمان شارۋاشىلىعى بولىمشە مەكەمەسى، شينجياڭ گانجياحۋ سەكسەۋىل ورمانى مەملەكەت دارەجەلى جاراتىلىستىق قورىعىن باسقارۋ مەكەمەسى شيحۋ باسقارۋ بولىمشە مەكەمەسى جانە قالالىق قوعام حاۋىپسىزدىگى مەكەمەسى سياقتى ورىندار اقىل-كەڭەس بەرۋ تەكشەسىن قۇرۋ، ۇگىت ماتەريالدارىن تاراتۋ سياقتى فورمالار ارقىلى ٴار ۇلت بۇقاراسىنا «ٴوندىرىس حاۋىپسىزدىگى زاڭى»، «شۇعىل جاعدايعا توتەپ بەرۋ بىلىمدەرى قولدانباسى»، «ورماندى ورتتەن ساقتاۋ ەرەجەسى» جانە «اپاتتان ساقتانۋ، اپات زيانىن ازايتۋ جونىندەگى ۇنەمىلىك تانىم» سياقتى قاتىستى زاڭ ـ ەرەجە بىلىمدەردى كۇش سالا ۇگىتتەدى.
شيحۋ قالاسىنىڭ تۇرعىنى اسەنجان ٴيۇسىپاحۇن بىلاي دەدى: «قىزمەتكەرلەردىڭ ۇگىتى ارقىلى، مەن ٴوندىرىس حاۋىپسىزدىگى بارىسىندا حاۋىپسىزدىك كومەسكى قاتەرى جاعىندا ساقتالعان ماسەلەلەردى باسقارۋشى قىزمەتكەرلەردىڭ دەر كەزىندە ٴبىر جاقتىلى ەتۋىنە مالىمدەۋ ۇقىعىمنىڭ بار ەكەنىن تۇسىندىم، قىزمەتكەرلەردىڭ ۇنەمى وسىنداي زاڭدىق قيمىلداردى وتكىزىپ، زاڭدىق بىلىمىمىزدى جوعارىلاتۋىن ٴۇمىت ەتەمىن.»
قالا تۇرعىنى باۋ گاڭ بىلاي دەدى: «كورىنىس رايوندارىنا جانە ساياحات تۇيىندەرىنە بارعاندا وت جاقپاۋ، تەمەكى تارتپاۋىمىز كەرەك، ورتانى قورعاۋ بارلىق ادامنىڭ مىندەتى، كوپشىلىك مۇمكىندىكتىڭ بارىنشا كوبىرەك ۇيرەنىپ، ورتتەن ساقتانۋدى كۇشەيتىپ اتا مەكەنىمىزدىڭ جاراسىمدىلىعىن قورعاۋىمىز كەرەك.
شينجياڭ گانجياحۋ سەكسەۋىل ورمانى مەملەكەت دارەجەلى جاراتىلىستىق قورىعىن باسقارۋ مەكەمەسى شيحۋ بولىمشە مەكەمەسىنىڭ كادرى جاڭ جۇن بىلاي دەدى: «4-ايدان 10-ايعا دەيىن ورمان ـ توعايدى ٴتۇيىندى ورتتەن ساقتانۋ ايى، ٴبىز ورماندى ورتتەن ساقتاۋ ۇگىت-تاربيە قيمىلىن ۇزدىكسىز ورىستەتىپ، جالپى حالىقتىڭ ورماندى ورتتەن ساقتاۋ جونىندەگى زاڭدىق تانىمى مەن جاۋاپكەرشىلىك تانىمىن جوعارىلاتىپ، ٴورت اپاتىنىڭ تۋىلۋىنان ساقتانامىز.»
شيحۋ قالالىق شۇعىل جاعدايعا توتەپ بەرۋ-باسقارۋ مەكەمەسى زاڭ اتقارۋ ۇلكەن اترەتىنىڭ قىزمەتكەرى فان مىڭ بىلاي دەدى: الداعى جەردە ٴبىز زاڭمەن جونگە سالۋ ۇگىت-تاربيە قيمىلىن كۇش سالا ورىستەتىپ، نەگىزگى زاڭدى جۇرت جۇرەگىنە تەرەڭ ۇيالاتۋدى، بارلىق وتباسىنا جەتكىزۋدى ۇزدىكسىز ىلگەرىلەتىپ، تۇتاس قوعامدا زاڭدى ۇيرەنۋدىڭ، زاڭعا قۇرمەت ەتۋدىڭ، زاڭعا بويسۇنۋدىڭ، زاڭدى قولدانۋدىڭ قويۋ اۋقىمىن قالىپتاستىرامىز. »
شيحۋ قالالىق توعىسپالى اقپارات ورتالىعى
