7-ايدىڭ 29-كۇنى، كۇيحى كوشە ءىس باسقارماسى پارتيا قىزمەت كوميتەتى مەن ايماقتىق دەنساۋلىق ساقتاۋ مەكتەبىنىڭ كۇيحى كوشە ءىس باسقارماسى جينسۇييۋان الەۋمەتتىك اۋماعىندا تۇراتىن قىزمەت اترەتى، شيحۋ قالالىق ورمان توعاي ٴورت ٴسوندىرۋ، ورتتەن ساقتانۋ ۇلكەن اترەتىنە بارىپ، «پارتيا تۋى تيانشاندى نۇرلاندىردى، قوس قولداۋ سۇيىسپەنشىلىگىن بىرگە ورناتايىق» تاقىرىبىنداعى بىرلەسكەن دوستىق قيمىلىن ورىستەتىپ، ٴورت ٴسوندىرۋ، ورتتەن ساقتانۋ كوماندير ـ جاۋىنگەرلەرىنە قاربىز، سۋسىندىق سياقتى حال سۇراۋ بۇيىمدارىن جەتكىزىپ بەردى ٴارى ۆاسكەتبول دوستىق جارىسىن ورىستەتىپ، ارميا حالىقتى سۇيەتىن، حالىق ارميانى قولدايتىن تاماشا ورتا جاراتتى.

    شيحۋ قالالىق ورمان توعاي ٴورت ٴسوندىرۋ، ورتتەن ساقتانۋ ۇلكەن اترەتى 2 ـ ورتا اترەتىنىڭ جەتەكشىسى جاۋ جۇنباۋ بىلاي دەدى: بۇدان كەيىنگى قىزمەت بارىسىندا، ٴسوز جوق، وت پەن سۋدان تايىنباي، حالىق ٴۇشىن شىن پەيىلممەن ىستەپ، بۇكىل قالا حالقىنىڭ بىزدەن كۇتكەن ٴۇمىتىن، ٴوز جاۋاپكەرشىلىگىمىزدى اقتاۋىمىز كەرەك.

    قيمىلدا شيحۋ قالالىق ويىن ـ ساۋىق ۇيىرمەسىنىڭ ارتيستەرى ٴورت ٴسوندىرۋ، ورتتەن ساقتانۋ كوماندير ـ جاۋىنگەرلەرىمەن بىرگە ويىن قويىپ، ٴان ايتىپ ـ ٴبي بيلەۋ، ولەڭ وقۋ سياقتى تارتىمدى ادەبيەت ـ كوركەمونەر نومىرلەرى ارقىلى ارميا مەن حالىقتىڭ ەتەنە سۇيىسپەنشىلىگىن تىلگە تيەك ەتتى.

 
    شيحۋ قالالىق ادەبيەت ـ كوركەمونەرشىلەر بىرلەستىگىنىڭ ٴتوراعاسى زىڭ حايتاۋ بىلاي دەدى: تارتىمدى ادەبيەت ـ كوركەمونەر نومىرلەرىن تارتۋ ەتتىك، ءارى شيحۋداعى ٴار ۇلت بۇقاراسىنىڭ تىلەگىن جەتكىزدىك، ولاردىڭ وتباسىن، وتاندى قورعاۋعا قوسقان ۇلەسىنە العىس ايتامىز، سونىمەن بىرگە قالامىزدىڭ قوس قولداۋ، بىرگە قۇرۋ قىزمەتىنە تاماشا ورتا ازىرلەدىك.

    كۇيحى كوشە ءىس باسقارماسى پارتيا قىزمەت كوميتەتىنىڭ مۇشەسى، ءىس باسقارماسىنىڭ ورىنباسار مەڭگەرۋشىسى گۇڭ جۇن بىلاي دەدى: بۇدان بىلاي ٴبىز بىرگە قۇراتىن ورىندارمەن بايلانىستى ۇزدىكسىز كۇشەيتىپ، باي مازمۇندى بىرگە قۇرۋ قيمىلىن ورىستەتىپ، شيحۋ قالاسىنىڭ جاڭا داۋىردەگى قوس قولداۋ قىزمەتىنىڭ تاعى دا تىڭ ساتىعا كوتەرىلۋىن جەبەيمىز.