شيحۋ قالاسى « 1-تامىز » مەرەكەسىن قۇتتىقتاۋ قيمىلىن ورىستەتتى
شيحۋ قالالىق توعىسپالى مەديا ورتالعىنان: ءماريا نۇرزادا قىزى حابارلايدى. 7 ـ ايدىڭ 31 ـ كۇنى، كوممۋنيستىك جاستار وداعى شيحۋ قالالىق كوميتەتى، قالالىق قوعام حاۋىپسىزدىك مەكەمەسى، قالامىزدا تۇراتىن بەلگىلى اسكەري بولىمدەگى كوماندير ـ جاۋىنگەرلەر جانە شيحۋ تۇرمەسىندەگى حالىق ساقشىلارىن ۇيىمداستىرىپ، 103 كينوحاناسىندا ىندەتكە قارسى تۇرۋ ارناۋلى فيلمى «جۇڭگو شيپاگەرى» كينوسىن كورىپ، «ەڭ سۇيىكتى جاندارعا» قۇرمەت ٴبىلدىردى.
شيحۋ قالالىق قوعام حاۋىپسىزدىك مەكەمەسى جاڭا قالا رايونى ساقشى بولىمشەسىنىڭ ورىنباسار باستىعى لي فىڭجيە بىلاي دەدى: بۇدان بىلايعى قىزمەت بارىسىندا ٴبىز اق حالاتتى پەرىشتەلەردى ۇلگى ەتىپ، كورىكتى شيحۋ قۇرۋعا ۇلەس قوسامىز.
شيحۋ قالالىق قوعام حاۋىپسىزدىك مەكەمەسى حۇڭچياۋ ساقشى بولىمشەسىنىڭ كومەكشى ساقشىسى چىن يۇنشيا بىلاي دەدى: ولاردىڭ قيىنشىلىقتان قورىقپاۋ، سايىستان قورىقپاۋ رۋحى مەنى قاتتى تاڭ قالدىردى، بۇدان كەيىن مەن دە ولاردىڭ وسىنداي رۋحىن ۇلگى ەتىپ، اناعۇرلىم تاسقىنداعان ىنتامەن، اناعۇرلىم اسقاق جىگەرمەن كۇندەلىكتى قىزمەتكە ات سالىسىپ، قوعام حاۋىپسىزدىك مەكەمەسىنىڭ حالىق ٴۇشىن قىزمەت ىستەۋ ماقساتىن باستان ـ اياق ەستە بەرىك ساقتاپ، قاراستى ٴوڭىردىڭ اماندىعى مەن جاراسىمدىلىعى ٴۇشىن ۇلەس قوسامىن.
شيحۋ قالاسى 103 كينوحاناسىنىڭ كەزەكشى مەڭگەرۋشىسى لۇي لياڭ بىلاي دەدى: وسى ورايدا ءبىز ولارعا مەرەكەلىك سالەم جولدايمىز جانە ىزگى تىلەك تىلەيمىز، سونىمەن بىرگە، ٴبىز بۇدان كەيىن دە الەۋمەتتىك يگىلىك قيمىلدارىنا ۇزدىكسىز ات سالىسىپ، ٴۇن ـ ٴتۇنسىز بوداۋ بەرگەن ادامدارعا العىس ايتامىز.
