كۇزگى جيىن-تەرىن كەزىندە شيحۋ قالاسىنداعى پارتيالى كادىرلار شارۋالارعا كومەكتەستى
حاليدا دالەلحان قىزى حابارلايدى. قازىر كۇزگى جيىن ـ تەرىننىڭ قاربالاس مەزگىلى، شيحۋ قالاسىنىڭ نەگىزگى ساتى جاڭا ٴداۋىر وركەنيەتىن امالياتتا ايگىلەۋ پۋنكتى پارتيالى كادرلاردى، ەرىكتى قىزمەت كورسەتۋ اترەتىن ۇيىمداستىرىپ، اتىز باسىنا بارىپ، «بۇقارا ٴۇشىن ناقتىلى ىستەر ىستەيمىن» امالياتتىق قيمىلىن ورىستەتىپ، شارۋالاردىڭ داقىلداردى جيناۋىنا، اۋىل شارۋاشىلىق ماشينالارىن جوندەۋىنە كومەكتەسىپ، شارۋالاردىڭ كىرىسىن ارتتىرىپ، اۋقاتتانۋىنا دەم بەردى.
10-ايدىڭ 12-كۇنى، تاسوتكەل اۋىلى ياڭشۋ قىستاعى تۇرعىندار كوميتەتىنىڭ مەڭگەرۋشىسى ۋاڭ جيانشين «اۋىل شارۋاشىلىق ماشينالارىن تەكسەرۋ ـ جوندەۋ» قىزمەت كورسەتۋ گرۋپپاسىن باستاپ، اۋىل شارۋاشىلىق ماشينالارى ٴىرى وتباسىلارىنىڭ ۇيىنە بارىپ، شارۋالاردىڭ ماقتا جيناۋ ماشيناسىن جوندەۋىنە، كۇزگى جيىن ـ تەرىن جۇمىسىنا كومەكتەستى.
شيحۋ قالاسى تاسوتكەل اۋىلى ياڭشۋ قىستاعى تۇرعىندار كوميتەتىنىڭ مەڭگەرۋشىسى ۋاڭ جيانشين بىلاي دەدى: قىستاعىمىزداعى 42 پارتيا مۇشەسى وتباسىلارىن ارالاپ، كۇزگى جيىن-تەرىن جۇمىسىنا كومەكتەسىپ، اۋىل شارۋاشىلىق ماشينالارىن رەمونىتتاسىپ، 2021 -جىلعى كۇزگى جيىن - تەرىن قىزمەتىنىڭ ٴساتتى ورىندالۋىنا كەپىلدىك ەتتى.
ۇعىسۋعا قاراعاندا، بيىل تاسوتكەل اۋىلىنىڭ ماقتا ەگىلگەن جەر اۋدانى 260 مىڭ مۋعا جەتىپ، نەگىزگى ساتى پارتيا ۇيىمىنىڭ ۇزدىك، ونەگەلىك رولىن تولىق ساۋلەلەندىرۋ ٴۇشىن، اۋىلدىق پارتكوم بۇكىل اۋىلداعى پارتيالى كادرلاردى اتىز باسىنا بارىپ، قىزمەت كورسەتۋگە ۇيىمداستىرىپ، كۇزگى جيىن-تەرىن قىزمەتىنىڭ حاۋىپسىز، ٴتارتىپتى جۇرگىزىلۋىنە كەپىلدىك ەتكەن.
شيحۋ قالاسى تاسوتكەل اۋىلدىق پارتكومنىڭ مۇشەسى، ۇيىمداستىرۋ مۇشەسى جوۋ چاۋ بىلاي دەدى: بۇدان كەيىن دە تاسوتكەل اۋىلدىق پارتكوم قىزمەت وتەۋ تيپىندەگى پارتيا ۇيىمى قۇرىلىسىن ۇزدىكسىز كۇشەيتىپ، ٴتىپتى دە كوپ پارتيا مۇشەلەرىن اۋىل شارۋاشىلىق تەحنيكالارىن تاربيەلەۋدى كۇشەيتۋگە جەتەكتەپ، بۇقاراعا ٴتىپتى دە جاقسى قىزمەت وتەپ، اۋىل ـ قىستاقتاردى كوركەيتۋگە دەم بەرەمىز.
شيحۋ قالاسى حۋاڭگۇڭ قالاشىعى اقشي قىستاعىندا، شيحۋ قالالىق قالا باسقارۋ مەكەمەسىنىڭ قىستاقتا تۇراتىن قىزمەت اترەتى مەن قىستاق ەكى كوميتەتى قىزمەت اترەتىنىڭ مۇشەلەرىن، قىستاق پارتيا مۇشەلەرىن ۇيىمداستىرىپ، اشىق اۋا رايىن مىقتى يگەرىپ، قىستاق تۇرعىندارىنىڭ جەر جاڭعاعىن جيناۋىنا كومەكتەسىپ، ٴىس جۇزىندىك ارەكەتتەرى ارقىلى پارتيا مۇشەلەرىنىڭ اۋەلگى ماقساتى مەن بورىشىن امالياتتا ايگىلەدى.
شيحۋ قالالىق قالا باسقارۋ مەكەمەسىنىڭ حۋاڭگۇڭ قالاشىعى اقشي قىستاعىندا تۇراتىن قىزمەت اترەتىنىڭ ورىنباسار باستىعى ما حۇڭجۇڭ بىلاي دەدى: بۇقارا ٴۇشىن ناقتلى ىستەر ىستەپ، ولاردىڭ جاقسى ٴونىم الۋىنا دەم بەردىك، بۇدان بىلاي ٴبىز ۇزدىكسىز قۇلشىنىپ، قىستاق ەكى كوميتەتىمەن بىرگە كورىكتى اقشي قىستاعىن قۇرۋعا قۇلشىنامىز.
ۇعىسۋعا قاراعاندا، كۇزگى جيىن ـ تەرىن باستالعاننان بەرى، شيحۋ قالاسىنداعى پارتيا مۇشەلەرى مەن كادرلار پارتيا تاريحىن ۇيرەنۋ-تاربيە جەتىستىكتەرىن حالىق ٴۇشىن قىزمەت ەتۋدىڭ ىشكى قوزعاۋشى كۇشىنە اينالدىرىپ، «مەن بۇقارا ٴۇشىن ناقتى ىستەر ىستەيمىن» امالياتتىق قيمىلىن ىشكەرىلەي ورىستەتىپ، ٴتۇرلى فورمالارمەن بۇقاراعا قامقورلىق جاساپ، قىزمەت كورسەتىپ، مەيىر جەتكىزىپ، نەگىزگى ساتىداعى ەرىكتى قىزمەت كورسەتۋدىڭ ٴارى بۇقارامەن ەتەنە بولۋىنا، ٴارى جۇرت تىلەگىن توعىستىرۋىنا مۇمكىندىك جاسادى.
شيحۋ قالالىق توعىسپالى مەديا ورتالىعى
